ازقة الموت
البارت 35
اي توه صعد وانت صحتني جان شكله ضايج ملحكت حتى اسأله
مدقق بخزعل لو وطبان جان دقق هواي رأساً بدل الموضوع و گال
-اكلج
-باوعت عليه ودمدمت ها
-ليش ردتينه نروح للبيت شعجب
باوعت عليه توترت اكثر كتله هيجً
-شنو الهيج
شداد ممرتاحه هنا مو مثل بيتنا هناك
گبل ابتسم
يعني تحبين نروح البيتنا
هزيت راسي بـ أي
گبل مد ايده على راسي وسحبه وباسه
فرحتيني هواي من گلتي بيتنا
رجع باس راسي
باوعت مصدومه من تصرفاته المتقلبه كتله
خلينا نروح اليوم شداد والله ممرتاحه هنا
كومي يلله
والله
اي والله كومي يلله
ابتسمت بس تره ماعندي عباية مال راس
راح اخلي واحد من الشباب يوصلنه
گبل طلع موبايله من جيبه واتصل بواحد گله يجينه سمعته گله جايك شويه واجانه صدك ماكو بالعشر دقايق
طلعنه فتحلي الباب الخلفي وصعدت اني وليوثي ومن صعدنه هو صعد وگبل اتصل مااعرف بخزعل لو بوطبان
-خويه احنه رحنه البيتنا والباب طبگته عندك المفتاح غير
لا متفرق باجر لو اليوم لتلح بعد طلعت
وصلنه للبيت جان متروس تراب على وصخ لان البيت اصلاً جان وصخ اول موصلت كمت على البيت نظفته من فوك الي جوه يمكن بال٣ساعات اني على نفس الحركه
جان شداد وجهه يضحك يباوع عليه ممصدك
الاول مره احاول اتأقلم من كل وگلبي ويا
يمكن التية الي شفتهه خلتني اوعى وخلتني احاول اتأقلم ويا
خلصت تنظيف البيت جابلنه عشه من بره تعشينه وبقينه كاعدين وليث يلعب بالسيارة القديمه الي جابهه شداد
وشداد جاب بطل بيره يشرب بي من شفت البطل احس بدني گله اشمئز
كبل كمت وعفته گال وين گتله تعبت اروح امد ظهري اخذت ليث وصعدت فرشتله بالكاع وكتله نام هو هم جان خامل النهار كله گبل نام شويه وصعد شداد نام بصفي وگبل شبكني
غمضت عيني واعصابي انشدت تذكرت الايه الي خلتني اصحه درت عليه باوعت عليه صارت عيني بعينه
ذاك اليوم گتلي
حبيني
واني هسه اگلك
خليني احبك عليك الله عوف كلشي سيء تسوي
تغير حتى احبك اريد احبك شداد
بكد ما انت تريدني احبك اني اريد احبك متلهفه احبك
بس الي كاعد يمنعني احبك
عوفه عوف الشرب عوف المخدرات عوف المتاجره بالبشريه كل هذا الشغل عوفه انتَ مو تريد طفل مني
