ازقة الموت
البارت 33
واني گبل استسلمت اله بسته مثل مباسني
وغمضت عيني الحد ما وعيت على نفسي اني شكاعد اسوي
فجأه حسيت بكرصه برگبتي لو بزه فتحت عيني صارت بعينه
احس نفسي مااكدر احجي مثل اللساني صار ثگيل وغمضت عيني
فتحتهه واني اسمع شرشوبه
ميسم كعدي يمعوده شكد نمتي كووومي
باوعت على شرشوبه مصدومه معقوله جنت احلم
گبل طلعت ايدي من البطانيه خليتهه على شفتي
شرشوبه-يمعوده كومي شداد خبصني نزلت كم كيلو من وراج اليوم شجاج الساعه بال٢بليل
يعني اني نايمه من العصر رجعت غمضت عيني ريحته انفاسه بعدهن كأنما موجود يمي
جان حلم حلو جنت بردانه من حضني دفيت
نزلت دموعي
شرشوبه-ميسم ادري الي صار بيج صعب بس شتسوين
مراح يتغير شي باعي شكلج شلون صاير جنج وحده مدمنه
رجعت فتحت عيني
الي عشته بجفه والي بگلبي بجفه ثانيه راح اموت من وجع گلبي
كاعد اكره روحي ماريد شداد شرشوبه ماريده والله ماريده
يحبج ولج والله يحبج
ماريد حبه اريد اروح منا تعبت شلون اخلص من هذا الكابوس
جنت انهار بداخلي مو بيدي حبيت وطبان مكاعد اتحمل اعيش ويه شداد شنو ذنبي كاعد اعيش هذا الحرب الي بداخلي غصباً ماعليه تزوجني شداد وگلبي يم وطبان
مكاعد اتحمل فكرة اني زانيه شلون اكرهه حتى من كاعد اخلي الي حجا كبال عيني وبأذني واحقد عليه بس مكاعد اكدر اكرهه
شلون اكرهه حتى من انام اشوفه تعبت تعبت
تعبت حيل
جنت احجي بداخلي ويه نفسي وشرشوبه بهذا الوكت تحجيلي عن شداد وتطلب مني اتقبله
ردت انهي الحديث كتلهه ليث
شرشوبه-هذا ليث نايم
باوعت نايم بالجربايه الي گبالي
وخرت الغطه مني شرشوبه وگالت كومي نزلي يمه خبلني
والولد عرفوا خبالاته محد يصعد وكل شويه دازيني اجيبلهم شغله منا
كمت حسيت ويه كومتي افترت الدنيا بيه
شرشوبه-جايبه دشداشه ليش متدخلين تسبحين
هزيت راسي كتلهه اي
بس اكلي اول كلشي مماكله
رحت على ليوثي كعدت يمه على الجربايه ودنكت بسته بقيت شفتي مطبوعه على راسه وغمضت عيني
نزلت دمعتي ردت اخذ جرعة صبر منه هو احلى شي بحياتي من يوم الي جابه ابويه واحتضنته حسيته مو اخويه ابني
مشاعري تجاهه مشاعر ام الطفلهه شكد جنت اتعب وانقهر واتأذى بس من اشوفه يروح تعبي لذلك مكدرت اسكت من ضاع وشمرت روحي بالنار علموده
مسحت على راسه وكمت نزلت ويه شرشوبه
