يمه اريد اكلج شي........بقلم الكاتبه ملاك القيسي
امي :كولي اسمعج
مريم :احس نفسي مامرتاحه ويه والولد أبيت واحد مامرتاحه
امي : استغفري ربج ذوله خطار يمنه
مريم :شوكت نطلع
ندكت الباب مال الغرفه امي لفتني بشالي كالت تفضل
محمد :شلون صرتي مريم
مريم :ماكو شي دوخه بسيطه
حسين :هاي اول مره تصير عندج
امي :لاهيه عنده فقر دم من تتعب تدوخ
محمد :مجان لازم تركصين هلكد
امي :هههه كلامك صح
مريم :ترا اني ماركصت بس شويه
امي :لعد وين الولد
حسين :الولد راح احمد يجيب علاج وعلي ماجه ويانه
امي :وين راح علي الله يستر
مريم :علاج مااريد ليتعب نفسه
هدى :لعد شلون تتعافين لو تريدين تذبين الشغل عليه
مريم :كل همج الشغل
رند :يمه اني تعبت
حسين :مابقه شي ونروح للبيت
رند :اي
محمد :راح اروح اسوي ورقه مال خروج حتى نطلع
امي :وليدي تعبناك ويانه
محمد :تدللون
طلعنه من المستشفى رجعنه للبيت وعلي مارجع ويانه نمت شويه وكعدت على صوت الصياح مال احمد وعلي
نزلت ركض اشوف شكو
علي :لازم نبيع البيت يمعودين افهموني
احمد :هذا البيت بيت ابوي منبيعه
محمد :كافي اهدئو
امي :يمه احمد هوا صح بيت ابوك بس لازم نبيعه حتى نحافض على حياتنا
وكفت بصف هدى وكتله بصوت ناصي
مريم :ولج هدى شكو
هدى :اخوج الشفيه علي يكول الاحمد لازم نبيع البيت
مريم :اي بس ليش
هدى :جماعه متعاديله ويخاف علينه خاف يتهجمون علينه بلسلف ومحد يدري شراح يصير
مريم :عزه هذا اخر ذكره من ابوي شلون نعوف البيت ونروح
هدى :مادري
محمد :ليش متبيعون البيت وترحون ويانه لبغداد وشترولكم بيت قريب علينه وستقرو هناك وهم أحمد يكمل دراسه والبنات اذا يحبن يدرسن يقدمن طلب ويكملن دراسه
امي :هاي امنيتي اشوف حمودي دكتور
علي :انت صدك تحجي محمد شلون يدرسن البنات وامي منو يمهه احنا ماعدنه بنات يدرسن
حسين :خويه بغداد مو مثل السلف عدهم كل البنات يدرسن ويعتبرون المدارس جاهل وبعدين هذا محمد ويه البنات اذا حتاجن شي يخص الدراسه
امي :محمد تدرس
محمد :اي والله خاله مرحله ثانيه
امي :يمه فدوه وليدي
محمد :فداج الكون حجيه
اني خفت ماتأقلم على الوضع ببغداد
عرضنه البيت للبيع وضلو محمد وعلي منتضرين البيت ينباع ونروح سوا لبغداد
اجاا رجال علمود البيت
أخذه بسعر مناسب ولمينه غراضنه حتى نروح لبغداد
امي :مريم رند يلا ستعجلن
حسين :خلياخذن راحتهن خطيه راح يشتاقن لبيتهن
لمينه ملابسنه وماريد اطول عليكم وصلنا لبغداد
وصلنا ورحنا على بيت عمي رائد طبينه وضلن النسوان يسلمن ومرت عمي ضلت بس تباوع عليه منو هاي الحلو بسلا بنتكم
امي :اي والله هاي بنتي مريومه
مرت عمي اسمهه بلقيس عنده ٢بنات و٢ولد الولد محمد وعلي والبنات ساره وملاك
ملاك :متزوجه وعنده ولد زوجه ضابط اسمه بكر
وساره :عمرهه ١٨سنه بصف السادس اعدادي
سلمنه وضيفونه جاي وضلن النسوان يسولفون ولزلم يسولفون بلكندور واني وهدى ورند كعدنا يم ساره بغرفتهه ضحكنه وسولفنه وكلش تونسنه
محمد دخل على الغرفه كال يابنات
انتو صح اتونستو بس بعدكم مشايفين الونسه الحقيقيه
ساره :محمد شتقصد راح تطلعنه
محمد :يلا بدلن راح اقنع الولد حتى نطلع
ساره :اي راح نبدل اطلع برا بيباي وطبكت الباب بوجهه
محمد :رحت للولد قنعتهم نروح نفتر بمطاعم وشوارع بغداد بلكوه كدرت إقناعهم
مريم :رند اخذت ملابس من ساره وحطت مكياج لبست بلوزه بيضه وبنطلون اسود وكعب ابيض وشال اسود ولبست عبايه
اني لبست بدي موروني فوك من الركبه وحطيت مكياج خفيف وبنطلون اسود وكعب اسود اول مره البس كعب امشي واتعثر ولبست عبايتي وساره لبست فستان موڤ وشال اسود والفستان جان جوه من الركبه ولبست ويا بوت اسود وطلعت تخبلل جنهه ممثله ونص رجليهه طالعه اني كلت اكيد راح تلبس عبايه بس ما لبست وهدى لبست نفنوف اصفر وبي حزام اسود وحذاء فلات اسود ولبست عبايه نزلنه من الدرج وجانو الولد جاهزين احمد شاورر علي وعلي باوع علينه وكال ذبن العبايه اذا لبسجن مستور اني ضليت اباوع بوجهه ومستغربه هاي اول مره اسمع منهم هيج كلمه يمكن لان شافو بغداد والبيهه رند كيفت فرحتهه متنوصف اني ضليت بعبايتي واباوع عليهن وهدى هم ذبت العبايه واني واكفه وجهي وجه ثوله عبالك بحلم
محمد :اكو وحده متريد تنزعهه
علي :مريومه يلا نزعيهه اذا لبسج طويل ومحشوم
مريم :أنه لابسه طويل بس انته متأكد
احمد :ولج تعلمي من رند ماعونت واحد يكلهه نزعي العبايه
مريم :هههه اي صح
رند :لعد اتريدون اكضي عمري بلعبايه واني بهلكشخه
علي :اي عيني انجلينا جولي
طلعنا ونسه من العمر كلش فرحت بس صار شي ضوجني ......يتبع البارت ٤
------------------------------------------------------
