اني مريم من بابل عمري 19سنه شعري طويل بني وعيوني بني وزني 52 طولي 160 اني كلش حلوه وبشرتي بيضه مثل الثلج واي واحد يشوفني يحبني عايشه ويه امي واختي رند عمرهه 16 واخواني 2 احمد وعلي احمد عمره 20وعلي 24متزوج بس ماعنده اطفال وزوجته هدى احنا عايشين بقريه فقيره اني مامكمله دراسه اول متوسط وبطلت واختي رند ثاني وبطلت السبب اخواني عدهم عيب البنيه تدرس ومن هالكلام مع انو جنت احب دراستي كلش وأبوي متوفي من جنه صغار ربتنه امي وحدها واكيد جانت تربيتنه صعبه اخوي علي صار عمره 17تطوع لجيش وصار بجيش منتسب وأجه ويه امي صعوبه حتى منحتاج مساعده من أحد اني عندي 2عمام كاعدين ببغداد يزورونه بين فتره وفتره اني مو مثل البنات كل تفكيري شلون اساعد امي واخواني تفكيري بعيد عن المكياج والملابس وذني الشغلات اليحبوهه البنات عكس اختي رند كل همه الملابس والعطور والاكسسوارات امي مره جبيره بلعمر ومريضه كل فتره وفتره تتخربط علينه مره قررو اخوتي يرحون لبغداد بشغل كم يوم ويرجعون امي صحت رند
رند :ها يمه
امي :رند يمه تعالي قيسي ضغطي
رند :اي يمه هسه بس اجيب الجهاز هدى وين حاطه الجهاز مال الضغط
هدى :اني الله بلاني بيكم روحي شوفي بلغرفه مالتي
مريم :اي عيني على كيفج هيه شكالت
هدى :بدال هلغوه روحي جيبي
مريم :ربي صبرني لاارتكب بيه جريمه
رند :تعالي مريم قيسي الامي ضغطهه
مريم :ها يمه سلامتج بيج شي اخذج للمستشفى
امي :يمه راسي يوجعني مابيه شي هسه اخذ حب وجع راس واصير زينه
مريم : اي يمه ضغطج صاعد
امي :يمه اخوتج ماخابرو
مريم :لا والله يمه علساس هدى تدك على رجلهه
امي :يمه هاج التلفون دكيلي عليهم
مريم :اخذت التلفون من امي واتصلتله عليهم دكيت على احمد رد
مريم :هاج يمه رد
امي :ها يمه شوكت تجون
احمد يمه نشاء الله هذا الأسبوع
امي :يمه البيت خالي بدونكم
احمد :بعد كلبي يا يمه انشالله منطول عليج ديري بالج على نفسج سلميلي على البنات وعلى هدى
امي :الله يسلمك ترجعون بلسلامه
احمد بعد سلامه
امي :الله ومحمد وعلي وياك وليدي بلحفض والصون انشالله
امي :ولج يمه يلا صبن غده خل اكل لكمه واروح لخالتجن اشوفها واتطمن عليه
رند :يمه انت تعبانه شيوديج
مريم :مو تدرين بأمي مترتاح إلى تشوف خالتي
امي :اي لعد غير اختي لازم اتطمن على احوالهه
هدى :تعالن ساعدني بلغده
رند ومريم :اجيناا
اتغدينا وخلصنا هدى صاحت رند تساعده بلماعين امي راحت على خالتي واني كنست ونضفت لان هدى متكيس شي غير المواعين وهم مو وحيدها هيه ورند واني اشتغل واخبز خلصت الشغل العليه وطبيت لغرفتي اني ورند بغرفه وأحمد وامي بغرفه وهدى وعلي بغرفه طبيت لغرفتي كعدت اباوع بلمرايه اني ليش عيشتي مو مثل بنات خالتي اني هم بنيه لازم اطلع واشتري مو محبوسه بلبيت مثل الحيوان.
رجعت امي من يم خالتي
امي:رند مريم بأجر خطوبة
بنت خالتجن ميار
رند :الله يمه خلنروح
مريم :انت بس تريدين تديحين
رند :يمه صيحي بيه
امي :كافي ولجن علطاري الروحه منروح هسه نروح بلعرس
هدى :كلهه نفكت بس مريم ضلت على كلوبنه
مريم :ولج الزمي حدودج لا اكص لسانج
هدى :اي مو اني تايهتلج
مريم :يمه سمعي هاي شتكول الله يأخذني ويخلصني منكم
امي :اسم الله على اسمج بنيتي هدى كافي مصختيهه
هدى :على كيفج عمه هوا احنا شكلنه اروح لغرفتي احسلي
مريم :كعدت بغرفتي وكمت ابجي وضليت ابجي لحد مانمت
ماحس إلى رند تكعدني
رند :مريم ولج مريم كعدي بأجر عرس ميار ونروح نشتري ملابس امي تاخذنه
مريم :اكلج نطيني تلفوني
رند :ليش؟
مريم: نطينياه هسه
رند :هاج
مريم :الوو ها حمودي شلونك
احمد :هلا حبيبتي شلونج
مريم : الحمدلله زينه
احمد :صوتج شبي ؟
مريم :ماكو شي بس جنت نايمه
احمد :صح النوم حبيبتي
مريم :احمد مالتقيت بعمامي
احمد : اي ولج على أساس هسه شويه وياخذنه علي العمي رائد
مريم : ولك بنت خالتي ميار راح تتزوج
احمد :لاا صدكك
مريم :اي والله
احمد :شوكت
مريم :بأجر عرسهه
احمد : والله ميارر مثل اختي واريد اني ازفهه بيدي بس مراح أكدر
مريم :اذا كدرت تعال وسلملي على عمامي وولدهم كلهم وبناتهم
أحمد :يللا حبيبتي راح اروح لعمامي
مريم :ماشي اخذ راحتك حبيبي
أحمد :دير بالج على امي باي
مريم :باي
سويت عشه اني ورند وذيج الحيه بغرفتهه ماطلعت منهه سويت اكل وحطيته كدام امي كعدنا نتعشا اكلنا وغسلت المواعين رند سوت شاي واني خلصت وكعدت وياهن نسولف ونشرب شاي يم الصوبه 😂
فجئه ندكت الباب رحت افتح وجان طلعووو ..........يتبع
انتضرو بارت 2
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
