محمد :ولج مريم شلون توافقين
ساره :محمد اكعد خلنتفاهم
مريم :اني ماعرف شسوي بس ادموعي تصب ومادري شنو العواقب والخيبات الراح اعيشهه ويه محمد طب محمد كعد
محمد :مريم والله اني مااكرهج بس هم ماحبج وماكدر اتزوجج لأن انت مو ذوقي احنا مختلفين
رند :عيني هيه ماكاتله نفسهه حتى تزوجك هيه هم مجبوره
هدى :انجبيي رند لتقاطعيهم
ساره :اني عندي فكره
محمد :شنو هيه
ساره:انت حاجي امهه وهيه تحاجي امك
محمد :خوش حل موافق
مريم :اتريدون اخوتي يذبحوني
ساره :ليش
مريم :راح يفكرون محمد شايف عليه شي حتى مايقبل يتزوجني ماموافقه ماحجي ويه أحد مالي علاقه
محمد : الدم صعد الراسي منوراهه كمت احجي بدون وعيي
محمد :اي طبعاً انت تكيفين تزوجيني وين لاكيتهه
مريم :عيب عليك ماتوقعت منك هالكلام
طلعت من الغرفه رحت بلحمام قفلت الباب على نفسي ورند تدك بلباب
غسلت وجهي وطلعت للمطبخ
حسين :لتزعلين مريم محمد عصبي صار وحجه هيجي
مريم :عادي حقه يحجي هيج
حسين :كلش زعلت عليه لأن الدمعه بعينه بس شسوي مابليد حيله
هدى : والله كيفت راح تزوج بس مو بهلطريقه من شخص متحبه
عمو رائد :علي خابرني ابو البيت الردتو تشترو وافق علسعر العرضناه عليه
علي :تفقت وياه عمو شكرا كعدنه ابيتكم هاي الفتره وتعبناكم ويانه ويجوز ماخذتو راحتكم
رائد :تدللون انتو الغوالي شوكت ميعجبكم بأي وقت تعالو
علي :يسلم راسك يحبيب
مريم :لميت غراضنا وسلمنه ورحنا على البيت الجديد البيت الجديد مو بعيد عن بيت عمو رائد بيناتنه فرع واحد رحنا للبيت الجديد وجان كلش جبير بي اربع غرف وبكل غرفه حمام ومطبخ جبير وكندور ومضيف جبير والبيت ميحتاج اي تنضيف كلش نضيف احمد صارت غرفته وحيده اخذ الغرفه الجوه وعلي وهدى هم الغرفه الجوه
امي متكدر تنام وحيدهه بلغرفه فصارت وياه رند واني بغرفه وحدي الهنا الغرف الفوك رتبنه غراضنه واني رتبت غراضي ونمت لان كلش تعبت نمت ب ٣/٣٠الضهر كعدت الساعه ٥العصر امي كعدتني كالت كومي ولج جهزي نفسج راح يجون الجماعه يطلبون ايدچ اني كلش نهاريت شنو يطلبون ايدي بهلسرعه ماريد وبداخلي مكسور خاطري لا اني الاكدر ارفض ولا الاكدر اتقبل مادري شسوي
امي :هدى حطيتي الحلويات
هدى :اي عمه
مريم :لبست فستان طويل وردي مثل الصوره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وشال وردي وحطتلي رند شويه مكياج
امي :الله مصلي على محمد
مريم :صليتي على نبيج
امي :طالعه تخبلين
مريم :صعدت الغرفتي انتضرهم يجون ويشوفوني وتخلص هاي السالفه
امي :علي الباب تندك
علي : تفضلو تفضلو زارتنه البركه
مريم :طبو كلهم محمد لابس بنطلون قماش رصاصي وقميص اسود طالع كشخه ويجنن عبالك ممثل تركي كعدو رادو يشوفوني بطلب من عمتي بلقيس راحت هدى جابتني طبيت للمطبخ اسوي جاي سويت جاي ودموعي تنزل وحيدهه
هدى :ولج مريم راح يخرب المكياج
اني احس نفسي اهلي ديبيعوني
مسحت ادموعي وديت الجاي
محمد :جانت طالعه حلوه
مريم :اتفضلو الجاي
شربو جاي واهلي كبل كالو موافقين ١٧حاضر و ٢٠غايب كالو موافقين وتدللون وسألو كم سوال من الطرفين وتفاهمو بيناتهم عبالك همه راح يتزوجون محمد مو اني 🥺💔
اتفقو ايشوفني الشوفه الشرعيه ونطلع سوا
قبل ليطلعون محمد باوعلي بعين استهقار وراح
احمد :اسمع ليك اموتك اذا زعلت مريم
محمد :ضحكت حتى اجاملهم واني بداخلي كلبي ميحب غير ريحان وبس اني ماخايف انو اني ماحبه واتزوجهه خايف عليه من نفسي خاف اضلمهه ومااخليه سعيده واني مااستاهله تستاهل احسن مني بنسبه إليه تقبلت الواقع ورضيت بي
بس مريم مادري شنو رأيهه
مريم :طلعو واني بدون تفاهم صعدت الغرفتي بدلت والدمعه وكسر الخاطر مافارقني
رحت كعدت يم المرايه وحاجي نفسي لحد اللحضه التجي بيهه امي تدك بلباب ومافتح مسحت دموعي علسريع وفتحت الباب كالت ليش قافلتهه
مريم :جنت ابدل فقفلتهه
امي :اجيت اكلج بأجر تطلعين انت وخطيبج اذا ناقصج ملابس مكياج كليلي حتى اجيبه الج الصبح
مريم :ياريت الكاع نشكت وبلعتني قبل لاتكول خطيبج حسيت روحي نقبضت
راحت امي وسديت الباب وراها ونمت كعدت الساعه ب ٩واني افكرر شلون راح اشوفه .....يتبع """""""""""""""""""""""""""""""""""""""""انتضروني قبل الساعه ١١,انشر البارت القادم
