بكلبي ادعي على محمد حسبي الله ونعم الوكيل ليش هيج سوه، اوفف احس نفسي مكسوره ماعندي سند 😔 لحد ماتعبت ونمت كعدت على صوت الباب كمت فتحت الباب
هدى :عادي اطب
مريم :طبي
هدى :ترا علي علمودج حفاضن عليج
مريم :ادريي بي
هدى :اروح اجيبلج عشاج
مريم :لا يعمري موجوعانه
هدى :يا سوده عليه ولج بعد يومين عرسج وحلكج مجروح
مريم :اي عادي بلكت يشوفوني مو حلوه ويرفضون
هدى :اسم الله
طلعت هدى من الغرفه واني كعدت اباوع تلفزيون عندي كم نستله بلجنطه اكلتهن سديت جوعي
دك التلفون رديت عليه
محمد :ها شلونج
مريم :اني مابودي أحاجي وحاطه ايدي على حلكي وابجي
محمد.:الوو داتسمعيني
مريم :غلقت التلفون وحطيته جوا راسي
باوعت شويه تلفزيون ونمت اني جنت ناويه بأجر الصبح انهزم من البيت بس وين اروح مادري كل همي اخلص من عذابهم كلش ضلموني حتى محد اخذ رأيي بلموضوع مال الزواج كعدت الساعه ب ٥/٣٠الفجر حطيت غراضي بجنطه زغيره ولبست الصايه والشال ونزلت على أطراف رجليه من الدرج وصلت يم الباب ورجليه ترجف كلش بعد شويه ويغمه عليه فتحت الباب على كيفيي طلعت بسرعه اول ماطلعت من يم الباب ركضت بسرعه حتى ابتعد عن البيت دااركض بلشارع واجت سياره سريعه زين مادعمتني نزل منهه حسين :ولج مريم شتسوين بلشارع
مريم :حاجيته واني منهاره ليش مادعمتني
حسين :جريته من أيده وصعدتهه بلسياره
بلطريق حجتلي كلشي من البدايه للنهايه
مردتلي كلبي مرد
مريم :وين ماخذني
حسين :للبيت قبل لايفگدونج
مريم : وصلني قريب عن البيت وراح نزعت الحذاء بلباب حتى محد يحس عليه فتحت الباب وطبيت مشيت على أطراف اصابيعي صعدت الغرفه كبل بدلت ملابسي وضميت الصايه والشال بلكنتور وضميت الغراض البجنطه بلكنتور لبست دشداشتي ونمت كعدتني امي الساعه ب ٩
امي :مريم مريم كومي ولج اليوم الحنا
مريم :عزا اليوم الحنا
امي :اي حضري نفسج يلا راح نروح نشتري الجهاز
حضرت نفسي وكعد انتضرر يجون حتى نروح للسوك
امي :الباب ندكت رحت افتحهه اجو محمد وبلقيس صحت مريم يمه يلا اجو الجماعه
محمد :يلا اذا خلصتو هنروح
مريم :ايعع شبي هذا مستعجل
رحنا بالسياره وصلنا للسوك فترينه وضلينا نفترر بلسوك امي تكرص بيه اتكلي اشتري ولج
مريم :يلا يمه شترو هنروح
بلقيس :احنا شكو ونشتري غير العروس والعريس يختارون مو احنا
محمد :شنو من بنيه هاي اريده بس تباوع على شي حتى نشتري بالهه مو ويه المكياج والعطور والاكسسوارات كل همه ترجع للبيت
اكو محل يبيع ملابس اخذتلهه كم ثوب وكم فستان وبناطير وصايات جريته عليه
محمد :يلا ولج اني شتريت الملابس وانت شتري مكياج عندي موعد. ويه ريحان
مريم :اي راح اشتري تقصدت اضل اختار واكلب بلمكياج واني كلشي ماعرف بي عبالك اطرش بزفه بس اريده ميروح لذيج الحيه 🐍ريحان
رجعنا للبيت ذبيت الغراض وهمه راحو صعدت الغرفتي بدلت ونزلت اتغده خلصت غده
امي :مريم جهزي نفسج خلنروح للصالون
مريم :وهدى ورند ميرحن
امي :لا راح يجي احمد يودينه
مريم :يمه شلون تردين انسوي الحنه وعلي ماموجود بلدوام وحتى بلعرس مايجي
امي :يمه رجلج مستعجل
مريم :اوفف يلا راح ابدل وانزل ......يتبع البارت القادم
»»»»»»»»»»»»»«»»»»»»»»»»»»»»
رجائا تابعوني وصوتولي اذا ماكو تفاعل وياي اتطرر اوقف القصه ....🥺🤍
