انكدت الباب رحت افتح لكيتهم احمد وعلي واكف يمهم ثنين ولد حلوين اول مره اشوفهم اني لابسه دشداشه وشعري مفلول وفتحت الباب على حيلهه علي خزرني وحسيت الدم صعد لراسه
الولد دارو وجهم واني مثل الغبيه بس صافنه من الصدمه سديت الباب على اخوتي 😅
امي :ها ولج مريم منوو
مريم :يمه اخواني
امي :ياا مو علساس يجون اسبوع الجاي
مريم :مادري يمه وياهم ولد ثنين
امي :عزا ولج وطلعتي بدون حجاب
مريم :يمكن اليوم راح انكتل علي ضل بس يفرر بعيونه
امي :أمشي ولج لبسي حجاب وفتحي الباب
مريم :رايحه
رحت لبست شال ورند هم لبست شال وكعدنه بلغرفه وامي فتحت الباب
امي :ياهلا بوليداتي تفضلو تفضلو
احمد :تفضلو البيت بيتكم
دخلو البيت امي كالت لعلي وأحمد منو ذوله الولد ماعرفتونه
علي :هذوله ولد عمي رائد
امي : هلا والله بيهم شنهل جمال امكم شلوننه ابوكم
واحد اسمه محمد عمره 21 واحد اسمه حسين 22 احمد جان كلش حلو عيونه سود مثل الليل وشعره طويل ورافعه ولابس قميص اسود وبنطلون اسود وحذاء ابيض وحسين لابس بنطلون ابيض وبدي ازرق وحذاء ابيض احنا بلديره محد يلبس هيج الكل يلبس دشاديش وكلابيات ضلو يسولفون وحديث يجر حديث لحد ما احمد صاحنه كلنا اني ورند وهدى عدلنا الشال وحطينه عبايه على رأسنا ونزلنا نسلم نزلت رند كدامي وهدى واني داامشي وجان اعثر بلعبايه كله كامت تضحك عليه
امي :هاي مريم وهاي رند وهاي هدى مرت علي
حسين :ترا اني ابن عمجن
محمد :تشرفنا بيكم
رند :صدك انتو ولد عمنه ياعم منهم
محمد :ههه اي احنا ولد عمج رائد
رند :ليش ماجا وياكم عمو والبنات ومرت عمو
علي :ولج رند كافي هوا تحقيق
رند : سكتت
احمد :مريم تعالي احاجيج
مريم :تمام جايه
احمد :شوفي ولج أنت شلون تطلعين بدون شال
مريم : والله مادري انتوو فجئه ندكت الباب حتى خفنه
احمد : ميخالف ماصار شي بس لتعيدينها
مريم: تمام **
احمد :اليوم الولد يباتون هنا فرشي المضيف (الاستقبال) ورتبي
مريم :تدلل خويه
احمد :ستعجلي
فرشت المضيف ورتبته وبخرته صار يخبل طفيت التلفزيون وشغلت الصوبه وطلعت من المضيف سديته وصعدت الغرفتي بدلت ونمت كلش تعبت اليوم ماحسيت على نفسي نمت حسيت تقريباً الساعه ب ١/٣٠ رحت حتى اشرب مي لكيت محمد بلمطبخ باوعت من بعيد ورجعت صعدت لبست شال ونزلت لكيته دايسد الكاونتر كتله محتاج شي كال لا بس اريد گهوه
مريم :صدك جذب ابشرر "
محمد :شكرا
مريم :تدلل
محمد كعد على الماصه وضل كاعد ومدنك اني مافهم تصرفاتهم لان بكلشي يختلفون عنه حتى بكلامهم بلبسهم بطريقه تعاملهم اسلوبهم سلوكهم بكلشي همه عدهم عادي اذا اذا شافني علي إلى ينعنع اعضامي
محمد :ماكملت الگهوه
مريم :اي كملت
محمد :شكرا مريم
مريم :شبيك عادي انت مثل اخوي شتريد أئمر
محمد :ضليت اكول بهمس معقوله هيج تعتبرني واني معجب بيه حسيت بخنكه واني اعجبت بكلشي بيهه نسيت الموضوع وأخذت الگهوه ورحت للاستقبال
مريم :هه هاي شبيه اني شنو مثل اخوي شنو هلخرابيط يعني إلى اكله مثل اخوي
رند :ولج الساعه راح تصير ٢/٠٠ونتي تحجين ويه نفسج مخبله
مريم :ولج نطمري انت شعليج بيه
صار الصبح لكيتهم ديتريگون اني درت وجهي ونزلت من الدرج رحت على غرفه هدى
هدى :ها شعندج اجيتي
مريم :هدى لتزعلين مني من البارحه اني اسفه
هدى :هوا هذا هم حجي عادي
مريم :محتاجتج بموضوع
هدى :كولي
مريم :انت مو عندج مكياجات وعطور وملابس
هدى :اي بس ليش
مريم :اليوم نروح للعرس مال ميار واريدج تطلعيني حلوه
هدى :ها يعني امكيجج
مريم :اي والله
هدى :هاي العين قبل هاي العين تدللين
مريم :شكرا شكرا أحبج هدى
هدى :عمريي اموت عليج
*****************
رحت جبت نفنوفي الجديد امي مشتريتلياه منزمان ومالابسته نفنوف ازرق طويل وحذاء فلات وردي وجنطه وردي أخذتهم ورحت لغرفه هدى هدى طالعه عروس تجنن
مريم :الله شنهلجمال
هدى :يروحي والله خجلتيتي
مريم :يعني اني هم راح تحطيلي مكياج مثلج
هدى :اي يلا تعالي كعدي
كعدت على الكرسي وبدت تمكيج بيه واني طلعت مثل الاميرات حتى شالي سوتلياه يجنن كملت لبس وخلصت اريد اصعد للغرفه تصادمنه اني وحسين
حسين :اويلي ولج شنهلجمال
مريم :جمال عيونك خويه
حسين :ياروح اخوج طالعه تجننين
مريم :شكرا
صعدت وتفاجئت بلشفته شفت رند لابسه فستان اسود قصير فوك من الركبه ولابسه كعب عالي احمر وبي كرستاله سوده وحاطه مكياج نص كيلو نصدمت بيها صحت بوجهه انت منين جايبه هلعياره منو يخليج تطلعين هيج انت مخبله
رند :اشبيج هوا جوا العبايه
مريم :اي واذا نفتحت العبايه بلشارع شتسوين يطلعن رجليج ولج بابا انت عمرج ١٦سنه مو ٦١فتهمتي
رند :راح البس اطول لتمسلتين
مريم :يمه يمه تعالي لرند شوفيه
الباب مال الغرفه تندم لاول مره لان اخواني يطبون بدون استأذان فتحت الباب لكيته محمد
محمد :ها ماخلصتو منتضريكم بلسياره
رند :لا لا بس شويه
محمد :على فكره مريم طالعه تخبلين
مريم :شكرا انت هم طالع حلو
محمد :مو بجمالج
مريم :اطلب طلب
محمد :تريد تطلب طلب واني بذيج اللحضه لو تكلي نطيني روحك انطيهيا كتله اي طلبي
مريم :لتطلع هسه روح حضر نفسك حتى ميكومون يصيحون اخوتي
محمد :هههه يعني راح اتأخروني وياكم
مريم :اي هيج شي
محمد :تدللين
مريم :سديت الباب بوجهه جنت ماطيقته
رند بدلت لبست فستان طويل احمر لبسنه العبايات ونزلنه لكينه الكل جاهز بس محمد راح حسين صاحله اجا محمد
صعدنه بالسياره علي راحو بسيارته امي ومرته وبسيارت محمد اني ورند وحسين ومحمد يسوق السياره وصلنا للعرس الولد راحو للعريس والبنات راحو للزفه طبيت لمكان العرس باركت للعروس بس كلش خجلت من ملابس لان الكل جان لابس قصير ومدلع واني لابسه فستان بسيط كلش شوي قتنعت انو كل لبس اله مكانه المناسب
∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆
دااركص وماحس إلى عيوني غوشن ووكعت
فتحت عيوني لكيت نفسي بلمستشفى كلت شكو شبيه اني امي كلتلي ماكو شي بنيتي وكعتي من طولج واخذناج للمستشفى محمد اصرر ناخذج واخذناج للمستشفى
مريم :بيني وبين نفسي كلت اوفف هم محمد شبي هذا الولد تراا امبين معجب بيه
امي :مريم شبيج صافنه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولج يمه اريد اكلج شي مهم .........يتبع البارت 3
____________________________________
