لوحَ الظلام

Part 1

#لوحَ_الظلام

بقلمي: سجى حسين

- بارت 1 -

ﻼ‏ تنسون دعمونا القصه
بـ بنجمه وتعليق < ⭐️✍🏻>
ومشاركه لَـ اصدقـائكم

علقو هواي وشاركو القصه يمكم
حتى تاخذ حقها واكمل بيها 🫶🏻♥️.

الابطال موجودين بقناة التلگيرام

_________
2015
الظهر

كاعدين اني واختي نلعب ونشاقة وماما لازمة اخوية
" علي " بَس سرعان ما تحول هذا الهدوء إلى عاصفة
بدخول ابوية ويَ بنية يطلع عمرها بـ١٧ !

بسرعة وگفنه على حيلنة وتوجهت نظراتي
لامي يلي وجها صار اصفر كركم على زراگ
عيونها غرغرت بالدموع، نزلت دمعتها بنكسار
فأضح وكلمات بابا يلي سوت زلزال بگلوبنة

:- هاي زوجتي

بلعت ريگي من صدمات يلي گاعد تصير بنفس
ثواني نظراتي راحت على ماما يلي تعصر بيدها من
القهر والغضب

مرت ثواني بكل هدوء وتحركت امي من مكانها
بخطوات ثگيل فجاة لزمت القنفه قديمة منتهية انتجت
عليها وبابا الضحكة شاگة حلگة والفرح مبين عليَّ

ظليت صافنة على ابوية، ابوية يزوج وحدة
بگد بنته وهوَّ عمره بالـ٥٠ سنة، فزيت من
تفكيري على صياح ماما شفتها متهسترة

:- الله ياخذ حقي منك ساعة السودة قبلت بيك

جسمي رجف من صوت عياطها وهوَّ بكل برود اخذ
مرتة الثانية للغرفة وماما هنا تخبلت اكثر حسيت
نار وشتعلت بروحها

ركضت جابت سجين مثل المخبلة حطتها على نار
ودقايف وصارت حمره اخذت سجينة وركضت
على بابًا يلي ممنتبة ديغسل ايديناته !
‏
حطت السجين على رگبتة من ورا وعاط هوَّ بكل
اوتار صوتة من الوجع بَس سرعان ما انگلب كُلشي
وشال ماما ورگعها بالگاع وسحلها من شعرها للمطبخ
شمرها بالمطبخ وعافها

راح بكل سرعتة ورا البيت طول ثواني وجاب شيش
جبير حطة على نار لحد ما صارت حمر جمر، شهگت
بخوف ورهبة باوعت عليَّ ملامح الشياطين كلها بوجها

التفتت علينا اني واختي زمقنا بنظرات يبست دمنة
اجة علينا بخطوات ثابتة وسحب اختي طيبة وهيَّ
فرفحت من البجي جوة ايدة واني اعيط وماما ملخت
نفسها

كامت ماما اجت تريد تبعدها من ايدة بس ضربها
بكل قوتة وسحلها شد ايدها بالمحجر واجة على طيبة
سحبها مرة ثانية وهيَّ بس تصيح وتعيط تتوسل بي
بَس ماكو مفر من العقاب بدون اي اسباب !

جاب الشيش وحطة على ضهر طيبة وهيَّ فرفحت
روحها ماتت من العياط واني ابجي واصيح، رفعت
عيوني شفت مرت ابوية الجَديدة تبچي على بچينة، باوعت
على بابا شال الشيش من ظهر طيبة رجع حطها على نار