لوحَ الظلام

Part 7

#لوحَ_الظلام

بقلمي: سجى حسين

ﻼ‏ تنسون دعمونا القصه
بـ بنجمه وتعليق < ⭐️✍🏻>
ومشاركه لَـ اصدقـائكم

علقو هواي وشاركو القصه يمكم
حتى تاخذ حقها واكمل بيها 🫶🏻♥️.

علقو

اي وحده تنشر مُشهد من مشاهد القصه
يمها اسويلي تام انستا واذا تيك توك ادزلي
رابط حتى ادعمها

______

- نرجع بزمن - بدايه سنه 2018 -

- فتحت عيوني ؏ دنيه وكبرت بين اهل
مو اهلي بس احسن من اهلي بهواي
عمو نصيف وعمه ريم ..

- كعدت عمو نصيف او بابا نصيف لصلاة
الفجر وكعدنه نصلي اني وياه وعمه واني فرشت
سجادتي يلي جابها اليه عمو نصيف اول منجحت من
الاول ابتدائي وجانت فرحتي بيها متنوصف

- خلصت صلاة ورجعت لفراشي
مادري شلون صليت من النعس

- نمت وفزيت ؏ صياح عمتي وباوعت ؏
نفسي نايمه وبجامتي صايره لحد بطني والبلوز
لحد راسي وفجاة اخذت ضرب ؏ راسي من عمه

ريم:- يمه روزي روزه يلا اكعدي هم يلا تروحين للمدرسه

- بنعس
روزه:- ريومه نزلي واني خمس دقايق وانزل

ريم:- ولج هذي سالفتج حفظتها كل يوم الصبح
تسويها يلا كومي ساعه بسبعه تاخرتي

روزه:- يمه گتلج بس خمس دقايق هسه انزل

ريم:- يلا احضر الريوك بين متخلصين تبديل

- بفرحه
روزه:- اشو تعالي ابوسج مابستج اليوم

- كمت حضرت ملابسي وسبحت وبدلت
اليوم اريد اطلع حلوه راح يجون للمدرسه خطار ولازم
القي شعر بالصطفاف، كملت ونزلت لكيت بابا نصيف

روزه:- هلوو بابي شلونك بارحه وين جنت اخاف
دتخون امي صراحه بابا شرع محلل اربعه بس تعجبك
وحده تعال گول الي روزه هذي عاجبتني واني ازوجها
الك ها بس مو تكول روزه كالت تره امي تكطع علينه الغده
والعشه وين نروح وننطي وجهنه تطردنه والله ومدكول
خطيه، بيني وبينك مرتك ماعدها گلب مشوف اريد ازوجك
واريد اخلص من نكده وازوجك وحده مطيعه

- غمز، نصيف:- لالا لا هاي مريتي مازوج عليها
بابا روزه لا تفتحين علينه باب

- فجاة حسيت اجتني ضربه خفيفه التفت شفتها
ماما، امي مثل كل الامهات بس تضربني ؏ راسي
بكفخه، كعدنه نتريكت وخلصت اكل صعدت لغرفتي
لبست ملابس المدرسه بترتيب