لوحَ الظلام

Part 23

#لوحَ_الظلام
بقلمي: سجى حسين

ﻼ‏ تنسون دعمونا القصه
بـ بنجمه وتعليق < ⭐️✍🏻>
ومشاركه لَـ اصدقـائكم

متابع الحساب وتعليقات بي فقره وفقره

______
هناسه

:- عدهم مهمه ولازم يشاركون

- احس ضربة صارت براسي وبجيت هواي
وشويه وراحو الولد ورجعت لغرفتي حسيت
نفسي مكسوره شِلون راح اكضي الوقت وحدي
وهوَّ ازاد اليوم كل يمي، شكد ما تعبني واذاني
ويضربني بس ابقى احبه هوَّ رباني احس ابوية

- سنين واني ما حسيت بحنان الاب والام
بس من شفت ازاد انطاني كل الحب يلي
محصلته من غير صدك ياذيني ويضربني
بَس معوضني عن حنان الام والاب يلي محسيت بي !

- بجيت ساعات ومحسيت بنفسي ونمت
مرت الايام والبيت كأيب ماكو شي جديد
لحد ما اليوم اهلي يرجعون من الموصل
عادي عندي لا فرحت ولا شي بالعكس صار بيه
كأبة، شويه وصلوا استقبلناهم اني والحجيه وعماتي وعمامي

- اجة اخوي محمد حضني وامي اجتي
بس سلمت عليها وابوي نهائيًا ما سلمت عليه

- تغدوا وصاح ابوي
ابو هناسه:- حنى راح نعزل ببيت قريب اهنا وناخذ البنات

- انعقج وجهي كلش ضجت اني متعلمه
على البنات بس ماكو امل نظل لازم نروح وياهم

- عزلنه غراضنه وصعدوهن بسياره
وانطلقنا لبيتنه الجديد واهلي ابد ما باوع
عليهم كُلش كارهتهم شويه وصلنا يم باب
بيتنه ونزلنه اني وطيبه ضايجات ‏ ‏ ‏

- مرت فتره وحنى عايشين ويا اهلي
بالبيت واخويه محمد مونسنه شنو نريد يجيب النه

- طلعنه العصر لبيت عمي نلعب ويا
البنات، واخواني طلعو واجب بغير محافظه
ومحمد وياهم هم طلع، وامي تحجي ويانه ؏ گد
السؤال والجواب من راح محمد بدت معاناتنه صار
كُلشي ابويه يريده بعياط وصياح حياته صارت بس اصياح

- مرات يريد شي واذا ما يشوفه گدامه
يجي يصيح علينه وكل الوقت صياح و24
ساعه بالبيت، واكلنه صار بتيته وطماطه
اني وطيبه مناكل ابد وهوَّ ياكل وحده ما يهمه
احد منه جوعان

- اذا صارت فدنوب يگطع عنه الاكل نروح
لبيت عمي ناكل وهوَّ يطلع لشارع ملابسه
وصخات رغم نغسلهن الة بس هوَّ من ياكل
يدمرها نفسـه ويطشر الاكل بالكاع ونجي حنى نلمة
وهوَّ كُلشي موگدام عينه ولنهار وليل يعيط ويدعي علينه

ابو هناسه:- الله ياخذجن

- تعبت مليت اشتاقيت لحنيه ازاد
اشتاقيت لمؤمل كل ليل ابجي عليهم
مرت اشهر على هذا الحال امي ويا ابوي
اذا نعاندهم نبقة 4 ايام مستمره بدون اكل بس
ماي نشرب ولو حنى تعودت ما ناكل