لوحَ الظلام

Part 4

#لوحَ_الظلام

بقلمي: سجى حسين

ﻼ‏ تنسون دعمونا القصه
بـ بنجمه وتعليق < ⭐️✍🏻>
ومشاركه لَـ اصدقـائكم

علقو هواي وشاركو القصه يمكم
حتى تاخذ حقها واكمل بيها 🫶🏻♥️.

______

- راحت ام ازاد وره بيبي ومعن دخلو للاستقبال
شويه وصار صوت صياح !!

معن:- دلهم يعني اله اكلك اني تعال، متجي انتَ

- راح دلهم شويه وسمعنه صياح معن خفت هواي وركضت
لغرفه عروس ومحد منتبهلي عبالهم لغرفه ازاد، دكيت الباب
ماكو احد دكيته اقوه سمعت صوت زينب مرت معن تبجي!!

- باوعت شفت الباب شويه مفتوح وزينب كاعده ؏
جربايه وتبجي! اني جسمي صار يطكطك اسمع صوت
عياطهم ركضت لغرفة ازاد خايفه من العياط وبجي زينب

- دخلت ؏ ازاد شفته كاعد على القنفه وحاط
الكتاب بيده ويقره ركضت عليَّ وهوَّ شافني عاف
الكتاب وحطني بحضنه، يمسد ؏ راسي وضهري

هناسه:- زينب تبجي ومعن يعيط وصاح ؏ بيبي

ازاد:- عوفيهم معليج بيهم

- ضليت شويه يمه وهوَّ ظل يهدي بيه بعد ما اتحمل
لازم اعرف شكو طلعت من غرفه و رحت يم الباب
شفت طيبه واكفه يم باب الهول من بره تتنصط عليهم
واني رحت يمها وكفت وسمعت صوت معن يحجي
بصوت بصياح!

معن:- البنيه متعرضه للعنف شنو فهموني

- سمعت صوت بجي عرفتها زينب تبجي
ردفت بصوت يرجف متكطع

زينب:- مرت ابوي دخلت عليه ولد ومو
برضاتي يجماعه فهموني صدكوني اني اخاف
احجي ليذبحوني بس احلفلكم والله مرت ابوي السبب منها

- معن عاط بصوت عالي يبين دمه محروگ
معن:- باجر مرت ابوج تجي للبيت ونفهم منها
كلشي وانتِ روحي لغرفتج

- بَس سمعنه يريدون يطلعون ركضنه وره الشجره اني
وطيبه وختلنه وهمه طلعو ودخلوا لغرفهم وحنى رجعنه
للبيت كعدت اني وطيبه نخيط لعاباتنه واجه ازاد صاحني

ازاد:- تعاي ويايه

- رحت وياه واخذني ويا للغرفه، دخلت شفته
جايبلي علاكه حلويات ركضت عليه راسًا بسته

هناسه:- شكرا ازودي

- رجع كعد على القنفه واني بالكاع اكل
وابحبش اشوف شنو جايبلي وانتبه عليَّ صافن عليه