တချိန်က

လွမ်းရက်တာရှည်

နယ်သို့ပြန်ရောက်တော့ ငါတနေ့မှမပျော်ခဲ့ပါဘူးမောင် ~~
မောင်ကိုသတိရစိတ်တွေများကြောင့်လားမဟုတ် မောင်ပြောခဲ့သည့် "မောင့်ကိုနေ့တိုင်းလွမ်းနေရမယ်"ဆိုသော မောင့်အမှာစကားလေးအပေါ် ငါအမိန့်နာခံနေမိရောလားကွယ် ~~

ငါနဲ့မောင်အကြည့်ခြင်းစုံမိတိုင်း တစ်ဖက်သို့လှည့်သွားတတ်ပြီး ရှက်ပြုံးပြုံးနေတတ်သည့်မောင့်အမူယာလေးကိုလွမ်းသည် မောင့်ရဲ့စူးရှရှမျက်ဝန်းတစုံကိုလဲလွမ်းသည် နောက်ဆုံးပွေ့ဖက်ခဲ့သည့် မောင်ရင်ငွေ့နွေးနွေးကိုလွမ်းသည် မောင့် နှုပ်ခမ်းထူထူလေး၏အထိတွေ့လေးကိုလဲလွမ်းသည် ။

အို မောင်ရယ် ငါမောင်နဲ့ပတ်သက်သမျှအရာအားလုံးကို လွမ်းမိနေပါရဲ့မောင် မောင်ရော ငါ့ကိုလွမ်းနေပါ့မလားကွယ်

မောင့်ကိုလွမ်းစိတ်ကြောင့် ဒီကျောင်းပိတ်ရက်ရှည်အတွင်း ဘယ်အရာကိုမှအာရုံစိုက်လို့မရပါလေ မေမေကတောင်ပြောနေသည် ငါ့ကို ရီးစားပူများမိလာသလားတဲ့လေ ငါမေမေ့ကိုဘာမှပြန်မပြောမိ တကယ်လဲငါချစ်တဲ့မောင့် ကို လွမ်းနေခဲ့ရသည်