بعد ما راحو لاماكن كثير وانبسطو وقت العشاء
ايلاف: خل نتصل على اسامه حرام تعبناه معنا اليوم على الاقل نحسب له بالغدا شوي
اتصلت لوقت بس مافي رد بنفس الوقت كان يراقبها من بعيد ! صدفه لا مقصوده برضو لا مخططه يمكن
عبدالله اللي كان واقف بعيد عن نظرهم وكان يتابعهم من وقت طويل عرف ان اسامه سايق خاص وهو يوصل ايلاف وراح له بحجه انه بيطلب منه يروح ياخذ اهله من مكان بعيد لانه بيتدخل وياخذ ايلاف وبندر معه ! ولدها ليه كانت مصدومه لما شافتني اكيد بعد ماطردها ابوها تزوجت وجابت ولد بس ولدها اصغر من ولدي !
اما عندايلاف اللي اتصلت ل٣ مرات تنهدت يمكن مشغول او جاه مشوار ..
بندر بدا يتثاوب بعد التعب اللي صار له طول اليوم اتصلت بتركي اللي مارد بوقتها شافت الساعه ! تركي يحب ينام هالوقت مالي الا شخص واحد رجعت لقائمه الاتصالات واتصلت عليه
رن الجوال لمده قبل يرد
ماجد اللي كان جالس بالكوفي مع عزيز وكم شخص معهم ما انتبه لجواله الا لما نبهه اللي بجنبه
تكلم بضحك: ماجد جوالك من اليوم يهز مو حاس فيه ؟
ماجد اللي كان سرحان ابتسم : مانتبهت اعذروني دقايق
قام وراح بعيد شوي عنهم
ماجد: الو ؟
ايلاف سكتت حست انها غلطت لما اتصلت عليه سكرت بوجهه على طول
ماجد استغرب وحس ان فيه شي ببندر صاير شي ؟ رجع يتصل مره ومرتين
ايلاف اللي كانت تناظر الشاشه بتوتر : ليه اتصلت عليه انا
ايلاف : بندر كلم بابا شوفه فاضي يجي ياخذك ؟
بندر اللي رد : الو بابا انت موجود ؟
ماجد: اي ياروحي رجعت البيت ؟
بندر: لا كنت بقول لك تجي تاخذني
ماجد بستغراب : وين خاله عطني اياها
بندر مد الجوال ايلاف حست انها توهقت برتباك بان بصوتها : الو
ماجد اللي ابتسم: الو قال لي بندر اجي اخذه عندك مشوار بعد هذا ؟
ايلاف من الربكه حكت له : لا بس السايق مايرد وبنفس الوقت اخوي مايرد فا قلت اتصل فيك يمكن تكون فاضي
ماجد : اي فاضي ارسلي لي المكان
ايلاف: مايحتاج بقول لك احنا بمول ***
ماجد اللي كان بيتكلم بس سمع صوته وراها
عبدالله : ايلاف ؟ تبين اوصلك
ايلاف نزلت الجوال وبخوف : وش تسوي هنا
ماجد اللي سكر الخط وراح لعزيز : اسمع عز بروح انا تمام تجي مع العيال
عزيز اللي حس بالجديه بكلام ماجد: تمام روح متطمن
ماجد : يلا سلام
راح بسرعه ومن حسن الحظ انه المول قريب منه اول ماوصل نزل بسرعه مستعجل
قبل وقت
ايلاف بخوف : وش تسوي هنا ؟
عبدالله : كنت مار بالصدفه وسمعتك اوصلك ؟
ايلاف: لا شكرا اهتم بزوجتك وولدك
بندر وقف وراح بوجه عبدالله اللي ضحك : وش بتسوي انت بعد
بندر: بعد عنها
ايلاف مسكت يده: اهدى حبيبي بيروح الحين
عبدالله : ولدك ؟
بندر : اي امي
ايلاف بنظرات مليانه حقد : عبدالله ابعد عن هنا احسن لك قبل ابلغ عليك
عبدالله : انا ماقلت شي ولو بلغتي بقول ان انتي الغلطانه
دخل للمول ودار فيه لما انتبه لهم ايلاف اللي ضامه بندر لها والشخص اللي واقف عندهم وواضح انه غير مرحب فيه
ايلاف : وش تبي مني ! اهلي وطردوني حياتي واختربت واصدقائي انحرمت منهم وش بقى ما خرب بحياتي ؟ بسببك ليه طلعت لي من جديد
عبدالله : يمكن قدرنا مكتوب لنا سوا
قاطعهم
ماجد : بندر
بندر ركض لماجد وضم رجله اشر على عبدالله : هذا الرجال يضايق ماما
ماجد انصدم ؟ ماما ! وبابا بس اكيد بندر له هدف : ممكن افهم ايش صاير ؟
عبدالله : ولاشي سوء فهم بينا
بندر بغضب: يضايق ماما طول الوقت
عبدالله تجاهلهم وراح * هذا زوجها ! بس مافي يده خاتم مو لازم لان نص العالم صارو مايلبسون خاتم الولد مايشبه ايلاف ولايشبهه *
عند ايلاف
جلست بالكرسي
ماجد بقلق : انتي بخير !
ايلاف ابتسمت قبل توقف : انا اسفه للي صار
نزلت لمستوى بندر : انا اسفه بندر ماكان قصدي
بندر رفع يده لخدها : انتي ماسويتي شي
ايلاف ابتسمت وعيونها مليانه دموع
ماجد: يلا نروح
ايلاف : انتبه لبندر وهذي اشيائه
ماجد : عندك مشوار ؟
ايلاف: لا باخذ تاكسي ارجع البيت
ماجد عقد حواجبه: احنا رايحين البيت ليه تاخذين تاكسي انتي طلبتي تاخذين بندر وسويتي اشياء كثير خليني اردها لك لو على الاقل بشكل بسيط
ايلاف مدت يدها بتشيل الاكياس بس سبقها ماجد ومسك بيده الثانيه بندر طلعو من المول قبل يوصل لسيارته ويركب بندر بجنبه بالطريق كان الصمت سيد الموقف الا من اغاني الراديو
وصلو للشقه دخلت وسكرت الباب ماجد شال بندر ونزل لشقه حطه بسريره وطلع من الغرفه جلس بالصاله وهو يتذكر الكلام اللي سمعه !
بعد يوم
دق عليها الباب
ايلاف فتحت الباب وهي متغطيه بلحاف خفيف تحس ببرد ابتسمت اول ماشافته
تركي اللي ضمها على طول : اشتقت لك
ايلاف: انا اكثر
تركي بحلطمه : ادري انك زعلانه لاني مارديت بس كنت بالدوام ومشغول مع اوراق ابوي اللي تركها بس علميني كنتي تبين شي ضروري !
ايلاف : لا بس كنت بتطمن عليك
تركي : انا بخير دامك بخير وجاي اقول لك
ايلاف: ايش !
تركي: انا بسافر كم يوم
ايلاف : تروح وترجع بسلامه
تركي : بروح مع فيصل وعبود
ايلاف توترت من الاسم تعرف ان تركي وفيصل وعبدالله اخوانها كانت علاقتهم كويسه مع عبدالله الشخص اللي خطبها بس وعلشان ماتتخربطون بيكون اسم اخو ايلاف * عبود *
ايلاف: وابوي ؟
تركي : ابوي مع امي بالبيت الحمدلله هاليومين صار احسن من قبل بكثير
ايلاف: الحمدلله
قامت تسوي لهم فطور وبنص جلستهم
ايلاف: تركي بسالك
تركي: اسالي !
ايلاف: تقابلون عبدالله
تركي عقد حواجبه بنزعاج للطاري اللي جاء !: ليه تسالين عنه فجاءه
ايلاف: لاني شفته امس بالسوبر ماركت
تركي بقلق وتوتر : انتي بخير صار لك شي قال لك شي ؟
ايلاف : لا شافني لاني طلعت على طول
تركي يعني لما اتصلت اكيد كانت شايفه عبدالله والا مستحيل تقول كذا : زين ايلاف انتبهي لنفسك ولاتفكرين فيه هو تزوج الحين
ايلاف رفعت الصحون: لاتحاتي مو مفكره فيه ولا ابغاه يطلع من جديد بحياتي
تركي تنهد ليه اخته ذكرت الموضوع
ايلاف : دقيقه تركي انت وين بتروح الحين !
تركي ابتسم: للبيت علشان اتجهز للسفر بكرا
ايلاف ابتسمت له بدورها: دقيقه
دخلت لغرفتها وطلعت الاكياس معها قبل تطلع
تركي : ايش هذول ؟
ايلاف : امم مدري فيك تقول السنوات كلها هذي كنت اشتري لكم شي معي فا خذها معك على انك شريتها
تركي بحب : الله يخليك لنا
ايلاف : ويخليك لي
تركي اخذ الاكياس وودعها قبل يطلع اول ماسكرت الباب دق الباب اللي قدامه
ماجد اللي استغرب من بيجيه غير عزيز بهالوقت وقف وراح للباب
ماجد استغرب: هلا والله
تركي اللي نزل الاكياس قبل يفتح ماجد الباب مد يده بس هالمره ماجد صافحه : هلابك كيفك
ماجد : بخير الحمدلله وانت
تركي: بخير دامك بخير ممكن اتكلم معك ومع ولدك شوي !
ماجد رفع حاجبه: بندر ؟
تركي : اي
ماجد بعد عن الباب : تفضل ودخل الاكياس لاتتركها كذا برا
تركي دخلها وتركها عند الباب وجلس
ماجد دق باب غرفته: بندر
بندر : هلا !
وقف من سريره وفتح الباب
ماجد: فيه رجال يبي يشوفك
بندر استغرب : يشوفني ؟
ماجد : اي يشوفك
بندر : تمام
مشى مع ماجد لما شافه ابتسم له قبل يتوجه له ويصافح يده
تركي : اسمك بندر صح !
بندر اومئ
تركي مسك يده : اقدر اعطيك مهمه !
بندر : مهمه ؟ يعني تبيني اسوي شي علشانك
تركي : اي تقدر ؟
بندر: اي اقدر بس ايش
تركي التفت لماجد : انا اللي الوحيد اللي اتواصل مع اختي وبسافر كم يوم فا بخليها بامانتكم ادري انكم ساكنين من زمان ويمكن ماصار بينكم حوار الا تو بس مابغاها تكون لحالها او تحس بالغربه !
ماجد: لاتوصي بنهتم فيها ان شاء الله سافر وانت متطمن.
انتهى البارت 🤍
البارت الجاي بيكون على حسب التفاعل 🙄
أنت تقرأ
بداية عُزلة ( متوقفه )
Lãng mạn- الليلة أنا وحيدة ولا أرى سواي ليقطع الطريق في هذا الانعزال والضياع والغربة🖤.
