بداية عُزلة ( متوقفه )

البارت ٢٢❤️

بالشركه
تركي طلع من مكتب راكان قبل يوصل للمصعد ويلتفت لزين اللي كان ماشي بجنبه لمكتب راكان
نزل وركب السياره
محمد : طولت
تركي : اي كنت اتكلم معه عن اوراق الشركه
محمد : للحين الشراكه بينا
تركي: ليه نفكها
محمد سكت لفتره قبل يسال تركي : تركي راكان مابيوم تكلم معكم عن طبيعه عمله !
تركي استغرب سوال ابوه: لا يبه ليه
محمد: بس اسال
محمد: تمام
بالشركه
كانو اثنينهم بمكتبه
راكان : ايلاف اسمعيني للاخير
ايلاف: صاير شي !
راكان : ابوك جاء من شوي
ايلاف : اعرف
راكان: طلب مني ادور عليك وارجعك للبيت وانه مستحيل يلمسك
ايلاف : انا مو موافقه
وقفت
راكان: للحين ماخلصت كلامي
ايلاف ناظرته ورجعت تجلس
راكان : طلبت من ابوك مقابل اني ارجعك له اني اتقدم لك قال لي اذا انتي موافقه او اذا ماكنتي مرتبطه بهالسنوات مارح يعترض
زين اللي جالس ومو مهتم لاحد حاط رجل على رجل كان يسمع الحوار بصمت لما وصل لاخره برزت عروق يدينه
زين: انا مو موافق
راكان: ما اتوقع الموضوع يخصك ولا يخص الشغل فا لاتتهور زين
زين بعصبيه: قلت لك اني مو موافق على اقتراحك ومحمد خله يحلم بنجوم الظهر اني ارجع له ايلاف
ايلاف وقفت لانها بدت تحس الموضوع بدا يتطور قربت منه ومسكت يده : اهدى لاتنفعل بنتكلم بس نرجع البيت
زين: سمعتي ايش يقول
ايلاف : سمعت بس انا الحين بوقت الدوام ولا اقدر ارد عليه علشان كذا ارجع انت الحين وتطمن بس اخلص ساعات دوامي بتصل عليك تجي تاخذني ونتكلم بالبيت
زين التفت بنظره وكانه يتوعد راكان بالموت : انا مو موافق هذا اخر كلام عندي واي تصرف يصير من وراي اعتبره اخر يوم بحياتك
عبيد وفهد اللي كانو واقفين انصدمو من ردات فعل زين الغريبه
قرب منها مسك يدها : اذا صار اي شي اتصلي علي
باس راسها قبل يطلع
ايلاف خذت نفس
راكان : تصرفاته طبيعيه !
ايلاف فتحت الملف اللي بيدها : عندك اجتماعين اليوم ولقاء عمل بوقت الغداء
فهد وعبيد انسحبو بعد ماطلع زين
راكان : ايلاف
ايلاف رفعت راسها تعابير وجهها البارده كان بداخلها بركان بس تعابيرها ماتدل على اي شي من اللي صاير: فينا مانتكلم عن هالمواضيع هنا !
راكان : تمام
بالمستشفى
طلال عدل جلسته لدخله تركي
طلال لاحظ الارهاق والتعب عليه مد يده له قرب منه قبل يمسك يده ويجلس بجنبه : شصاير !
تركي : ابوي
طلال: شفيه
تركي: راح لراكان وطلب منه يدور على ايلاف وراكان وافق بشرط انه اذا رجعت يتقدم لها ابوي وافق اذا هي مو مرتبطه
طلال مسح على راس تركي اللي سند راسه على طرف السرير : تركي اطلبك طلب
تركي : قول
طلال: اتصل با ايلاف وقول لها انك بتجلس عندها يومين
تركي: ايلاف ماعادت ببيت راكان ولا ببيت صاحبتها
طلال : عارف علشان كذا روح لها وخليك بجنبها
تركي رفع نفسه وناظر طلال: عارف ؟ كيف ووين مكانها
طلال: اذا اتصلت عليها متاكد مارح تمنعك انك تجي عندها
تركي رجع راسه غمض عيونه بتعب
بعد مده وقف قبل يتصل عليها
ايلاف اللي خلصت الاشغال كلها شافت اسمه ينور الشاشه ابتسمت بحب قبل ترد : ياروحي
تركي  ابتسم تلقائي : ياقلبه
ايلاف : وينك
تركي: بقلبك
ايلاف: ياحظ قلبي فيك
تركي: ايلاف عندي طلب
ايلاف : عيوني لك
تركي: ابي اجي عندك كم يوم
ايلاف: تجي عندي !
تركي: اي قلت لابوي اني مسافر كم يوم بس ابغى اجي عندك
ايلاف: تعال للشركه خلصت شغلي نطلع سوا ناخذ لنا اكل ونروح للبيت سوا
تركي: تمام
بعد ١٠ دقايق كان واقف قدام الشركه قبل يشوفها طالعه ابتسم بحب
ايلاف : سلام
تركي : وعليكم السلام
ايلاف : كيفك
تركي: بخير وانتي ؟
ايلاف: بخير
تركي : دايم ايوه تبين ناخذ الاكل قبل
ايلاف: اي ياليت
تركي : تمام
ايلاف : ثواني بس
طلعت جوالها واتصلت عليه
ايلاف: الو
زين اللي كان جالس بالصاله ينتظر اتصال ايلاف علشان يطلع لها : هلا
ايلاف: ايش بخاطرك تاكل انا جايه بالطريق
زين: جيتي ! من معه
ايلاف: لاتحاتي لما اجيك بتشوف المفاجئة
زين بقلق :ايلاف
ايلاف: اهدى اوعدك تكون مفاجئة حلوه
زين : تمام
ايلاف : ماقلت ايش بتاكل !
زين: اي شي
ايلاف : تمام اجل
سكرت منه
تركي بستغراب: من !
ايلاف: مفاجئة
تركي : ماينفع مفاجئة لشخصين وكلهم رجال توقعي يصير انفجار بالمكان
ايلاف مسكت يده : لاتحاتي بتكون حلوه صدقني
تركي: تمام ايش نطلب
بعد طلبهم وانتهو من كل شي كان بخطتهم وصلو للفيلا نزلو خذت كم كيس وتركي اخذ الباقي
دقت الباب قبل يفتحه من داخل الباب كان يشوف من وراء الزجاج انصدم فيه يدخل معها
زين بقلق : وش تفكرين فيه يا ايلاف
تركي : ايلاف من بيته هذا !
زين وقف عند الباب وقاطع سواله: بيتي
تركي رفع راسه وانصدم نفسه الشخص اللي كان بالشركه بس وش جابه هنا
ايلاف : زين هذا تركي اخوي تركي هذا زين
تركي التفت عليها : زين من !
ايلاف : ندخل واقول لك
زين برزت عروق يده وواضح كان يحاول يضبط اعصابه
ايلاف لاحظته: زين تركي ماله دخل
زين : ليه جبتيه هنا
تركي : بيتك هذا بطلع منه انا مو بحاجه اسكن عند شخص مايبغاني
ايلاف صرخت عليهم بنفس الوقت : اووف وبعدين معكم
تركي تنهد مايحب يشوفها منفعله وزين بالمثل
بعد دقايق كانو بالصاله زين فضل ينسحب وتركهم بعد ما رحب بتركي بدون مايعرف عن نفسه
تركي كان جالس بجنبها ايلاف حطت الوساده على رجلها : تعال
وقف وراح عندها قبل يسند راسه على المخده : من هذا !
تركي: كيف عايشه هنا
ايلاف: اعرف السوال اللي براسك بس بجاوبك عليه انا مو جالسه عند اي احد
تركي : عارف هذا واحد من رجال راكان
ايلاف لعبت بشعره: لا هذا شخص من العايله
تركي عدل جلسته بصدمه: من العايله ؟
ايلاف ابتسمت بحب : اي خالنا
تركي بستغراب: خالنا بنفس عمرنا ؟
ايلاف: جدي انكر وجوده وجلس طول هالسنوات لما اكتشفو خوالنا انه عندهم اخو  بالبدايه اخذ اسم خالي شهاب لانه توفى بنفس السنه اللي عرفو عنه وماحصلوه عمي فواز ضبط اوراقه بعد وفاه خالي فواز رجع هنا كنا نتراسل بس قبل اوافق اني اجيه هنا
تركي بجديه : تكلمتي مع راكان اليوم !
ايلاف ناظرته لفتره: ابوي طلب منه يدورني صح !
تركي: قال لك المقابل
ايلاف: اي
تركي : وانتي ايش ردك له ؟
ايلاف: للحين افكر بس بنفس الوقت غلط اني اقول له اني موافقه ماعرف رده فعل ابوي ايش وخصوصا اني لو برجع لازم يكون زين معي
تركي: طلال يعرف عن زين
ايلاف ناظرته: لا مايعرف
تركي: بس انا اقول لك الحين انه يعرف
ايلاف : كيف يعرف !
تركي: ماعرف بس لما شافني قال لي اتصل عليك وانك رح تستقبليني بالمكان اللي انتي فيه ومارح تمانعين وجودي عندك لفتره
ايلاف راحت لغرفه زين دقت الباب قبل تدخل : طلال يعرف عن وجودك !
زين كان يتابع بجواله تفاجئ بدقه الباب بعدها دخول ايلاف بسرعه : طلال من وكيف يعرف عني
ايلاف: انا اسالك الحين
زين: طلال من طيب !
ايلاف ناظرته لفتره طويله قبل تطلع وتسكر الباب
زين تنهد ولعب بشعره : اووف ليه ياطلال
طلعت وجلست عنده معصبه
تركي: صار شي ؟
ايلاف تنهدت: عادي نطلع !
تركي: وين تونا جينا
ايلاف : تمام
وقفت طلعت للحديقه
تركي وقف وراح لغرفه زين اللي تفاجئ ونزل سماعته: شصاير اليوم كل من جاء يفتح الباب
تركي : وش صار بينك وبين ايلاف
زين : انت من !
تركي : اخوها تركي لاتستهبل على راسي وتكلم
زين : اوووووه انت تركي ماعرفتك!
تركي : وانت من ؟
زين : انا خ سكت  انا زين
تركي : من زين !
زين وقف من سريره ومشى بتجاه تركي : بروح اشوف ايلاف
تركي مسك ثوب زين بقوه : انا اتكلم معك
زين بنظرات حاده : بعد يدك
تركي ظل واقف وماسكه
ايلاف اللي دخلت وماشافت تركي ركضت للغرفه وانصدمت فيه ماسكه
ايلاف : تركي ابعد عنه
تركي التفت لها : من هذا ! وليه كلكم تعرفونه وانا لا
ايلاف : زين يكون خالنا
تركي ارتخت يده وبصدمه: خالنا ؟
ايلاف: تعال بشرح لك
تركي : انت !
ايلاف بنهي: تركي
تركي ناظرها : انتي كيف تخبين موضوع نفس كذا !
زين ابتسامته اتسعت : اووه عصب ولدنا
تركي : برجع لك
طلع من الغرفه بعد ماسكر بابها بقوه ..!

انتهى البارت ❤️