ببيت محمد
دخل بدون صوت ومعه اكياس من السوبر ماركت وماكانت الا طلبات ابوه جاه اتصال
طلال استغرب ان المتصل عليه تركي : الو
تركي : وينك ؟
طلال: بالبيت توني دخلت
تركي: انا جاي بالطريق بنتظرك برا
طلال بقلق: صاير شي ؟
تركي: بس تجي بقول لك
سكر بوجهه
محمد بنزعاج : من هذا اللي يتصل عليك
طلال: هذا تركي
محمد : تركي ولدي
طلال: يبه انا اعرف تركي غيره
محمد: مو مسافر هو
طلال: لا رجع
يسرى: صاير شي بينكم ؟
طلال: لا بطلع انا اشوفه
طلع ينتظر تركي بس شاف سيارته وقف وعدل ثوبه قبل يتقدم من السياره
تركي : اركب
ركب بالسياره بدون مايعلق على شي
تركي : انت كنت تعرف عن حب ايلاف ل عبدالله
طلال : اي
بعيد عنهم
ايلاف اللي صعدت وشافت ماجد قدامها
ايلاف: مو كانه تركي كان هنا ؟
ماجد : اي سال عنك وجاه اتصال يقول مستعجل
ايلاف قبل تدخل التفتت على ماجد : امم ماجد
ماجد : هلا
ايلاف: بروح لبيت صاحبتي كم يوم عادي لو اخذ بندر معي !
ماجد استغرب : تاخذينه ؟
ايلاف: اي باخذه معي يكون معنا وينبسط اعرفك مشغول بدوامك وبنفس الوقت طلعاتك مع اصحابك خذ لك كم يوم انبسط فيها
ماجد : بندر !
بندر رفع كتفه ب عادي
ماجد : اخاف
ايلاف قاطعته : لا تقول كذا بندر مايثقل علي او يزعجني بالعكس لو ما حابه وجوده قلت لك اني ما ابيه
ماجد : تمام بس بشرط
ايلاف : ايش !
ماجد : اي شي تحتاجونه او تبغينه اتصلي علي اساعدكم فيه ومصاريف بندر بعطيك بطاقته
ايلاف بنزعاج: لا طبعا كل شي اوك الا البطاقه !
ماجد : هو مو اختياري يا تقبلين يا لاتقبلين
بندر مسك يدها ايلاف تنهدت : تمام موافقه
ماجد طلع البطاقه وحطها بيد ايلاف : هذي هي
ايلاف دخلت للشقه وكانت مجهزه اصلا شنطه ل كم يوم
وبالمثل لبندر لانها قبله بيوم طلبت منه يجهز شنطته
خذت الشنطه ونزلت شافت اسامه ينتظرهم بعد ما ركبت السياره ارسلت له العنوان بس وصلو استغرب الحي الراقي والي واضح كبير ووسيع رغم هدوئه والسيارات الفاخره باشكالها وانواعها وقف قدام البيت اللي بالكويشن
ايلاف: مارح احتاج هالكم يوم مكان فا لاتحاتي اذا جيت برجع برسل لك
اسامه: تمام
نزلت مع بندر اللي ناظر البيت باعجاب كبير بس كان ساكت بدون مايتكلم
ايلاف مسكت يده وبيدها الثانيه الشنطتين دقت عليها بنفس الوقت هي كانت بالصاله تنتظر ايلاف نقزت بحماس وراحت تفتح لها
عنود : اهلييييين بالحب
ايلاف ضحكت: هلا فيك
عنود : تو مانور بيتي
ايلاف؛ منور فيك دايم
عنود : انتي جبتي ولد بدون ماتعزميني على زواجك حتى
ايلاف ناظرتها بشر: هذا وانتي تعرفين تفاصيل حياتي اكثر مني
عنود نزلت لمستواه ومسكت خدينه : شسمك ؟
بندر بعد يدها بنزعاج : بندر
ايلاف: لاتلمسينه
عنود صفرت : اووووه فيه حب من ورانا ؟
ايلاف : وش حب انتي بعد ادخلي بتتركينا هنا واقفين
عنود: اوه صح تفضلي
ايلاف دخلت بعد ماخذت عنود منها شنطه بندر تمسك بيد ايلاف بقوه
ايلاف: لاتخاف مارح تاذيك هذي صاحبتي
عنود : شوف هناك
بندر التفت وشاف العاب بالحديقه ابتسم بحماس
ايلاف: روح العب انا بجلس داخل
بندر تمسك بيدها اكثر
ايلاف : خلينا ندخل الاغراض ونطلع نجلس برا
عنود : عطيني الشنط بسوي قهوه واجيك
ايلاف: انتظرك
بندر انطلق يلعب بالالعاب اللي كانت كبيره وتناسب مكانها بالحديقه
عنود دخلت للمطبخ وبدت تسوي القهوه وهي تناظر من النافذه بندر اللي يلعب بحماس وايلاف اللي واقفه بجنبه
مجمع الشقق
وقف السياره ونزل ونزل وراه طلال صعدو للشقه دقو الباب لفتره ماحصلو رد ماجد اللي سمع صوت باب الشقه يندق طلع يشوف من اللي يدق
ماجد: تركي !
تركي: اوه هلا ماجد ماتدري ايلاف ماشفتها تحت بالحديقه !
ماجد: راحت بيت صاحبتها
تركي استغرب : صاحبتها ؟
طلال : ماتعرف عنوانها
ماجد : لا والله
تركي استوعب : اخوي طلال
طلال ابتسم ماجد صافحه : ادخلو !
تركي وطلال: مايحتاج
تركي: بنروح الحين بس ماتعرف متى بترجع ؟
ماجد: لا والله مو رقمها عندك
تركي: اي بس جوالها مغلق علشان كذا اسالك
ماجد: اوه غريبه بس قالت لي انها بتجلس عند صاحبتها كم يوم مع بندر وبترجع قلت لها اذا احتاجت شي تتصل علي اذا اتصلت علي ببلغك
تركي: تمام
طلعو
بس طلال ماسكت مثل قبل
طلال: شصاير؟
تركي: عبدالله مدري كيف عرف عن مكان ايلاف وجاي يطاردها هنا
طلال : يطاردها ! ليه مو على اساس انكر انه واعدها
تركي : هذا اللي مجنني
طلال : طيب انت ماتعرف صديقتها هذي من
تركي: لا والله انا لو اعرفها كان الحين انا مرتاح ومتطمن بس وين راحت وليه راحت ومقفله جوالها بعد !
بعيد عنهم
فيصل : اقول تتوقع تركي وطلال يتصالحون والله ياتركي شايل على طلال قد الدنيا
عبود: مدري بس اتمنى نرجع نشوفهم متصالحين
فيصل: على اساس بترجع بعد سنه بكرا راجعين
عبود: حتى ولو ماتدري شيصير بيوم وليله
فيصل: صادق
عبود : يلا ماودك نطلع ؟
فيصل: الا يلا
نرجع عند ايلاف
عنود طلعت معها اكواب قهوه : يجنن من ولده هذا
ايلاف: هذا اللي تكلمت لك انهم ساكنين بالشقه اللي قدامي
عنود جلست بالكرسي : ايوه ماتقولين لي وش صار واقنعك ان تجين عندي وانا لي سنوات اقنعك
ايلاف خذت نفس : رجع
عنود استغربت: اخوك !
ايلاف رجفت يدها : طلال لا للحين ماجاء
عنود: اجل من !
ايلاف: عبدالله
عنود بصدمه صرخت بندر اللي كان يلعب التفت بخوف
عنود : اسفه حبيبي كمل لعب بس حرقني الكوب
بندر ناظرها لفتره قبل يرجع يلعب اما ايلاف اللي كانت تناظره بهدوء
عنود : متى رجع ووش يبغى
ايلاف: يبي يرجع
عنود : لاااا تمزحين صح !
ايلاف: من متى وانا امزح معك !
عنود : بس شلوون ليه
ايلاف : من دون ليه طلع ولده واحد من طلابي ولما رحت اوصل الورق لهم عرفني واتوقع صار يراقبني بكذا مكان لاني شفته بمول وجاني الشقه * بعد فتره صمت* تعبت
عنود مسكت يدها: خليك هنا لاترجعين ثاني للشقه
ايلاف: ماقدر تعرفين اني اعطي دروس خصوصي
عنود: بس انتي عندك وظيفتك ليه تستهيني فيها
ايلاف: مابي اجلس ابي اشتت نفسي تعبت
عنود : يوه منك عنيده
بندر قرب منهم وجلس بدون مايتكلم
عنود : شرايك تساعدني نسوي الغداء!
بندر رفع راسه ل ايلاف اللي كانت سرحانه
بندر : فيه شي !
ايلاف: لا حبيبي مافي شي وش كنت تبغى !
عنود : كنت اقول له نروح نسوي لنا شي ناكله
ايلاف: اي روحو يلا وانا بجي وراكم بعد شوي
بعد ماجلست لحالها كل صور حياتها بدت تمشي قدام عيونها كل شي صار لحد هاليوم تنهدت وهي تشوف جوالها اللي قفلته علشان ماتستقبل اي مكالمات بس لحظه ! تركي جاء للشقه اليوم وراح بسرعه ليه ما قلت له اني بطلع من الشقه بس اذا فتحت جوالي واتصلت عليه اكيد بيحاتيني اكثر
عنود اللي جات من وراها: اتصلي عليه طمنيه
ايلاف اللي انتبهت لها: من ؟
عنود: اخوك تركي
ايلاف : بس اذا قلت له بيحاتيني اكثر
عنود: قولي له الحقيقه وانك عندي متاكده رح يتفهمك
ايلاف : بس يا عنود انتي تعرفين موقفهم منك
عنود مسكت يدها: ايلاف انتي انطردتي بسبب موقف تافه مايستحق ان اي احد يتخلى عن بنته اخوك الكبير اختفى اخوك الاوسط ظل يدور عليك لحد ماحصلك بتخبين عليه الموضوع هو اكيد رح يدور عليك وبيحصلك هنا وبيعرف
ايلاف ناظرتها لفتره قبل ترفع جوالها وتفتحه بعد فتره حصلت رسايل كثير من ماجد ومن تركي ومن اهالي الطلاب
فتحت محادثه ماجد لانها توقعت فيه شي مهم
انتي وين ؟
ليه مقفله جوالك
اخوانك جاو يسالون عنك !
ردي علي بس تفتحين جوالك
تركي جاء مع اخوك كانو بيغوون يقابلونك
انتي بخير !
صاير شي معك
ليه رحتي كذا فجاءه ؟
وكم اسئله كثير وتساؤلات كانت من ماجد واستغرابه تصرفات ايلاف
فتحت محادثه تركي
الو
ايلاف انتي وين !
جيت الشقه شفتك بالحديقه مسبوطه ؟
انا رجعت ترا
انتي بالشقه بجيك الحين
انتي وين ليه ماتردين علي
عبدالله عرف عن مكانك ؟
انتي بخير ايلاف
وين رحتي بس تشوفين رسالتي اتصلي علي او طمنيني انتي وين جالسه انا اعرفك واعرف ان ماعندك صديقه فا كيف تقولين كذا !
ايلاف رفع السماعه واتصلت عليه
تركي اللي كان نازل يشتري كم شي طلبته امهم وكان جواله بالسياره
طلال انتبه للاسم اللي يتذكر ان تركي كتبه قدامه : بنتي ❤️
رفع الجوال ورد عليها
ايلاف ترددت بخوف : الو
ماجاها رد
ايلاف: الو تركي
كان جاي ومعه الاكياس فتح الباب وانتبه لطلال اللي مد له الجوال
اول ماشاف اسمها تكلم بقلق : الو ايلاف
ايلاف استغربت : شفيك ليه مارديت من شوي !
تركي ناظر بطلال اللي كانت انظاره تحكي بانه مايبيها تدري الا لما يتواجهون وجه لوجه : اي كان معلق عندي واتوقع تو زان انتي وين ؟
ركب السياره وحط الصوت على العام وهو يسوق
ايلاف: انا عند عنود
تركي وقف بالاشاره وناظر بطلال: عنود مين ؟
ايلاف: صاحبتي
تركي : عنود ال **
ايلاف: اي هي
تركي: كيف شلون للحين تتواصلون ؟ انتي قطعتي علاقتك بها من زمان
ايلاف : صارت وخلاص انا عندها الحين لفتره وبعدها برجع لشقتي
تركي: بس انا ابي اشوفك
ايلاف : بقابلك بعيد عن بيتها تركي انتو سببتو للبنت اذى بسببي وهي مالها ذنب مابي يصير لها شي ثاني بسببي
تركي: اوعدك ما اسوي شي يضايقها او يسبب لها احراج بس عطيني العنوان
ايلاف التفتت لها ماشافتها قريب : بسالها الاول
تركي : تمام ردي علي بسرعه
سكر منها اما ايلاف اللي دخلت وشافتهم يتكلمون عن قصص وحكايات ومواقف
ايلاف : عنود
عنود التفتت : شفيك !
ايلاف : عادي ارسل لتركي المكان ؟
عنود ظلت فتره ساكته : اذا انتي مرتاحه لها الشي ارسليه
ايلاف ابتسمت قبل تطلع عنود ماتخلت عن ايلاف باي وقت رغم الظروف اللي صارت بينهم الا انها ظلت معها وبجنبها وبعد ما انطردت ايلاف قررت ماتقول ل عنود شي لانها عارفه رح تصر عليها تجي تسكن عندها وهالشي صار حتى بعد استقرار ايلاف بالشقه ارسلت اللوكيشن لتركي وانتظرته يجي ماتدري ليه تحس بشعور غريب بس كانت بانتظاره .......
انتهى البارت 🤍🤍
أنت تقرأ
بداية عُزلة ( متوقفه )
Roman d'amour- الليلة أنا وحيدة ولا أرى سواي ليقطع الطريق في هذا الانعزال والضياع والغربة🖤.
