بيت عنود
دق الباب لفتره استغربت من بيجي لها هالوقت خصوصا ايلاف صار معها مفتاح
عنود من وراء الباب : من !
عبد الله : ابي اسال هنا ساكنه ايلاف !
عنود استغربت: لا اول مره اسمع بهالاسم
عبدالله تكذب بعد : اكيد !
عنود : اي اكيد
عبدالله: طيب قولي لها ان واحد من كان يسال عنها
عنود خافت
اول ماوصلو
شافته عند الباب انصدمت وجلست بالسياره
انتبه لها ولتغير تعابير وجهها ونظراتها ل عبد الله حرك السياره وتوجه لمكان مختلف
ايلاف: وين !
تكلم: السيد طالب مني ارجعك الشركه فيه كم ورقه ضروريه
ايلاف استغربت توني رايحه ماقال شي: تمام
وقف بالاشاره فتح جواله
عيد اسمع قول لراكان اني رجعت مع البنت وانه يقول هو اللي طلب مني علشان اوراق
عيد اللي كان جالس بالكرسي بمكتبه شافه وهو ماخذ جاكيته وبيطلع راح يركض له: دقيقه راكان
راكان التفت عليه : ها ؟
عيد: فهد ارسل لي انه رجع مع البنت
راكان قاطعه : ايلاف؟
عيد : هذا اسمها المهم هو رجعها مدري شصاير بس قول انك نسيت توقيع اوراق مهمه
راكان: بس انا ماعندي شي وليه مارسل لي
عيد : مستعجل المهم اكيد انهم جايين
راكان رجع مكتبه والف سوال وسوال جاء بباله !
ببيت محمد
ناظر باب غرفته
فيصل اللي كان يصعد الدرج: ماطلع من الصباح
تركي التفت له : ايش دخلني ؟
فيصل: تركي لاتكابر روح واسمع له
تركي تنهد قبل يتوجه لغرفه طلال دق الباب لفتره ماسمع جواب فتح الباب وحصله بسريره ملتف على نفسه عقد حواجبه وهو يتقدم له يشوف اذا هو بخير او لا انتبه لوجهه الاحمر قرب منه ولمس راسه حرارته مرتفعه اخذ مقياس الحراره وكانت ٤٠ انصدم قبل يرفع الغطاء عنه ويحاول يصحيه بس طلال مارد عليه لانه كان بعالم ثاني شاله وراح ينزل الدرج بسرعه
يسرى اللي كانت واقفه وانتبهت لهم انصدمت: يمه ولدي شفيه ؟
محمد انصدم لما شاف طلال بين يدين تركي : تركي اخوك شفيه ؟
تركي: مدري يبه باخذه المستشفى
محمد : دقيقه بجي معك خلني اخذه عنك
تركي: لا يبه مو ثقيل بس تعال بسرعه
محمد لبس جزمته ولحق تركي ركب مكان السايق وماعطى مجال لتركي انه يعترض
وصلو للمستشفى ونزلو على طول دخلوه للطوارئ
بالبيت
يسرى: يلا فيصل عبود استعجلو
عبود: يمه انتي لو تجلسين وتتركينا نروح احنا
يسرى: استعجل مارح اترك ولدي بالمستشفى واجلس هنا
عبود تنهد: يلا
ركبو السياره وتوجهو للمستشفى
بالشركه
نزلت من السياره وراحت لمكتبه كان جالس سمع صوت الباب : هلا تفضلي
راكان : اسف اني طلبت منك ترجعين بس كان فيه كم ورقه ضروري توقعينها
ايلاف: تمام
راكان: دقيقه بجي
راح لمكتب عيد وشاف فهد عنده : ماتقول شصاير ؟
فهد حكى له اللي صار
راكان: ماعرفت من ؟
فهد ناظره بستغراب: وش عرفني توني اشوفه
راكان : عطني الورق عيد
اخذه وطلع
بمكتبه
دق جوالها
ايلاف: عنود
عنود: ايلاف جاء هنا عرف المكان
ايلاف: اي شفته
عنود : لاترجعين لاتتركينه يشوفك
ايلاف: انا خايفه عليك انا ممكن ادبر نفسي بندر عندك
عنود: لاتحاتين رقم ابوه عندي بس انتي حاولي انك ماترجعين الا لما اتصل عليك لانه للحين عند البيت
ايلاف: طيب انتي انتبهي لنفسك تمام اوه صح ترا هو يعرف بندر فا لايشوفك معه ولا يشوف ماجد انا باخذ لي شقه لليوم بس بكرا الصباح بداوم لاتحاتيني بما اني بعيده عنكم مارح يجيكم
عنود بضيق: ياليتني اقدر اسوي شي
ايلاف: لاتحاتين يكفي انك معي
عنود : انا معك مارح اتركك لاتحاتين وطمنيني بس تحصلين فندق
كان واقف وسمع كل الحديث لان ايلاف كانت فاتحه السبيكر بس بصوت خفيف رجع بخطواته لمكتب عيد
راكان بجديه: فهد معلومات الشخص اللي شفته ابيها عندي قبل اطلع من الشركه وماله داعي تاخذها باخذها انا اوصلها
عيد ناظر الباب وراء راكان اللي طلع: واضح بيتعمق بالموضوع مدري ليه
فهد رفع كتفه: بدت متعتي
عيد : فهد لاتتعمق انت الثاني بعدين تعالو وقولو نظف ورانا
فهد : لاتحاتي مارح اجيك
طلع فهد ودخل مكتبه قفل الباب عليه وبداء يطقطق بالجهاز
بالمستشفى
محمد : طمنا يادكتور
الدكتور ابتسم : تطمنو هو بخير الحمدلله بس يحتاج راحه
محمد: الله يطمنك
الدكتور: ممنوع الكلام معه او تعريضه لضغوطات الفتره الجايه كلها
محمد: ان شاء الله
راح الدكتور ولحقه تركي اما البقيه كانو جالسين عند الغرفه
بغرفه الدكتور
تركي: دكتور قول لي الصدق
الدكتور: انت ايش تقرب له؟
تركي : انا اخوه
الدكتور : ما اقدر اكذب عليك اخوك يحتاج فحوصات دقيقه
تركي بقلق: ليه فيه شي ؟
الدكتور : مو متاكدين بس ان شاء الله تطلع مجرد شكوك
تركي: دكتور ايش اللي ممكن يكون في اخوي
الدكتور : نسبه احتماليه وجود ورم بجسم اخوك هو كان كذا وضعه؟
تركي: لا يادكتور هو سافر لفتره طويله واختفى قبل سنه ولما رجع لنا قبل فتره كان شكله كذا مدري ايش صار له بهذيك الفتره
الدكتور : الفتره هذي هي اللي تحدد وجود الورم من عدمه اذا صحى رح اتكلم معه وبسووي الاجراءات الازمه للفحوصات
تركي اخذ نفس : مشكور دكتور
الدكتور: العفو ولو واجبي
تركي: ممكن خدمه يادكتور
الدكتور: ايش ؟
تركي : لاتقول لاهلي شي اذا انتهت الفحوصات ان شاء الله انا بطمنهم
الدكتور: تمام ولايهمك
ببيت عنود
بس شافته راح اتصلت عليه
ماجد اللي كان يرتب الشقه انتبه لصوت جواله
رد : الو
عنود: انا اسفه بس انا اتكلم مع ماجد؟
ماجد: اي
عنود: امم ممكن تجي تاخذ بندر لان ايلاف صار لها ظرف ومارح تقدر تجلس اليوم عنده وانا عندي كم شي لازم اروح اخلصهم
ماجد حس بضيق انه اكيد بندر مضايقهم وبنفس الوقت لاتاخذه اذا رح يكون كذا لانها بالاول والاخير رح تاذيه: تمام جاي مسافه الطريق
بالشركه
تحديدا بمكتب راكان
بوسط قرائتها للاوراق اتصلت عليها ناظرت براكان
ايلاف: ممكن ارد
راكان اشر لها: خذي راحتك
ايلاف فتحت الخط : الو
عنود: ايلاف مفتاح شقتك ! بروح اسكن بشقتك كم يوم!
ايلاف ارتبكت لانه كان سبيكر
ايلاف : وش براسك !
عنود: ولاشي يلا سريع
ايلاف: تحصلينه عند عم علي
عنود: البواب ؟
ايلاف : اي هو
عنود: تمام انتي ماخلصتي ؟
ايلاف: الا بطلع الحين
عنود: اسمعي بحجز لك
ايلاف قاطعتها؛ بحجز انا اعرف مكان كويس
عنود: تمام حبي طمنيني
ايلاف : تمام وانتي بعد
سكرت منها : اسفه
راكان : ولايهمك
بعد ما انتهت
راكان : عندك شي بعد هذا ؟
ايلاف : لا
راكان : تقدرين تروحين معي يعني!
ايلاف: شغل يعني
راكان: تقريبا
ايلاف: مو مشكله
راكان وقف ولبس جاكيته وقبل يطلع وصلته رساله فتحها وماكانت الا من فهد معلومات عبد الله كلها عنده طلعو من الشركه وتوجهو للسياره
التفتت له : اقدر اجي بتاكسي
راكان : بس احنا رايحين لنفس المكان صح ؟
ايلاف اومئت وركبت وراء
عيد طلع مع فهد وانتبه لهم
فهد: غريب
عيد : بتعرف الموضوع بعد فتره لاتحاتي بيجي يقول لك كل شي
فهد : ما اقصد عليه
عيد التفت : اجل ؟
فهد : على الشخص اللي واقف هناك يناظر بالبنت
عيد التفت على اللي يقصده
كان جاي لراكان لان بينهم مصالح انصدم ممن اللي تركب السياره اكيد مو هي لا يمكن اتخيل بس هي ؟ لا مو هي كيف كذا بديت اتخيل انا او ايش ؟
رجع ركب بسيارته وقرر يلحقهم بس اعتراض فهد له وقفه نزل من السياره بستغراب
فيصل: ممكن تبعد !
فهد : ليه تناظر بسياره اللي راحت ؟
فيصل: النظر صار حرام ؟
فهد: لا مو حرام بس اعرف ليه تناظر سياره رئيس الشركه
فيصل: مو قصد بس كنت ابي اساله عن كم شي لان مدير الشركه ارسلني
فهد : عيد شوف ايش يبغى
عيد اللي كان واقف تنهد: تعال ندخل
فيصل كان كل تفكيره ايلاف الا انا متاكد بس ليه تغير شكلها كذا اشتقت لها
اتمنى صدق تكون هي
بالسياره
راكان بعد تردد: انا سمعت محادثتك مع صاحبتك بالغلط ماحبيت امثل اني ماسمعت وانا ماخذك الحين لواحد من فنادق التابعه للشركه طلبت منهم تجهيز جناح لك ورح تحصلين بداخله كل احتياجاتك
ايلاف بصدمه: بس ليه انا قلت بروح ادور
راكان: عارف بس حاليا انتي صرتي سكرتيرتي الشخصيه فا مارح اسمح لاي شي يصير لك
ايلاف ناظرت المكان اللي وصلو له وكان فخم مره صح تسمع عن سلسله الفنادق هذي بس ماتوقعت بيوم تكون ساكنه فيها
دخلت وراه اما هو توجه للاستقبال
راكان : حجزت باسم راكان ال **
الموظف: اهلين استاذ راكان الجناح جاهز بكامل التجهيزات
راكان : شكرا لك
اخذ المفتاح وعطاه ايلاف: هذا مفتاح الجناح بس تحتاجين شي * طلع ورقه فيها رقم* هذا رقمي الخاص برد عليك على طول الوجبات كلها رح توصلك بوقتها
ايلاف ناظرته وهو يبتعد قبل تروح لجناحها
انتهى البارت ❤️
أنت تقرأ
بداية عُزلة ( متوقفه )
Roman d'amour- الليلة أنا وحيدة ولا أرى سواي ليقطع الطريق في هذا الانعزال والضياع والغربة🖤.
