دخلت للشقه وجاها اتصال من احد طلابها ناظرت ببندر اللي نايم ولاتدري وش تسوي بهالموقف تصحيه وتاخذه او تطلع وتقول لابوه انها بتطلع طلعت وراحت تدق الباب الشقه لفتره ماحد رد عليها رجعت تدق ونفس الشي تنهدت لما شافته يصعد من الدرج
ايلاف : تركي تكفى اجلس بالشقه فيه ولد نايم داخل بروح مشوار ربع ساعه مارح اطول وبرجع
تركي : وين وش ولده ؟
ايلاف: اذا جيت بحكي لك
تركي : تمام
طلعت مفتاح الشقه ونزلت مستعجله ركبت السياره لانها اتصلت با اسامه من قبل وتوجهة لبييت الطالب
اما تركي اللي رفع كتفه اخته غريبه فتح الشقه ودخل ماشاف احد صح اللحاف موجود بس مافي ولد ! يمكن تتخيل من كثر ماهي قطع حبل افكاره خروجه من الحمام
بندر اللي وقف مستغرب من الشخص اللي قدامه
تركي : صح النوم يابطل
بندر ناظره : من انت ووين خاله ايلاف !
تركي بصدمه: خاله !
بندر: اي خاله ايلاف
تركي : طلعت شوي ورح ترجع
سمعو صوتهم بالممر
بندر ابتسم قبل يركض بتجاه الباب ويفتحه اول ماشافه اندفع لحضنه
عزوز رفع بندر وهو يضحك: ياعيون عزوز يابندر اشتقت لك
تركي وقف وراح للباب وشاف ماجد قدامه مع عبد العزيز وبندر بحضنه
ماجد : شكرا لك باخذ بندر الحين
تركي اومئ قبل يسكر الباب عبد العزيز بحلطمه
عزوز: يوه طلعت متزوجه وانا ناوي اضبطها لي
ماجد عطاه نظره
عزوز : خير !
ماجد : ادخل
بندر: تاخرت
ماجد نزل لمستواه : جيت بدري بس كنت نايم
بندر ضمه: اشتقت لك
ماجد ابتسم
عزوز: اعع مو لايق عليك الحنيه خلك جامد احسن
ماجد : ارجع بيتكم
عزوز: لا تكفى خلاص بسكت بس خلني ادخل
ماجد دخل هو وبندر ووراهم عبد العزيز اللي التفت لباب الشقه كنظره اخيره
عند ايلاف
راحت لبيت الطالب واول مادقت الباب سمعت صوته تعرف هالصوت رجفت يدها
ايلاف رجعت الدرج بجنبها بس ليه تروح ؟ هي ماسوت شي غلط
فتح الباب : نعم !
ايلاف : فراس موجود
عبدالله بصدمه: ايلاف ؟
ايلاف : فراس موجود انا مستعجله اذا موجود قول له اني انتظره هنا
عبدالله : ادخلي
ايلاف : لا شكرا وراي مشوار ضروري
عبدالله كان يناظرها
سمع صوتها من وراه : عبدالله من !
عبدالله التفت
ام فراس : اوه استاذه ايلاف حياك
ايلاف ابتسمت لها وواضح بتعابير وجهها الارهاق : لا شكرا مستعجله بس جيت اوصل اوراق فراس
ام فراس : مشكوره تعبناك معنا زوجي توه جاء من برا وماكنت عارفه انه جاي
ايلاف: ولايهمك يلا استئذن
ام فراس : عبدالله وصلها
ايلاف: لا شكرا زوجي ينتظرني
ام فراس بتفاجئ : انتي متزوجه
عبدالله اللي كان واقف للحين مو مصدق او مستوعب الشخص اللي قدامه معقول كيف جمعتهم الظروف
من بعد هالوقت ايلاف نزلت الدرج بسرعه وركبت السياره يدها ترجف كم لهم ماشافو بعض من لما طردها ابوها من البيت ! قبل ٤ سنوات ! عنده ولد بالروضه !
اسامه : فيك شي ؟
ايلاف ابتسمت : لا وصلني البيت
اسامه اخذ طريق البيت وبعد وصوله نزلت
اسامه: ارتاحي اليوم لاتستقبلين طلاب
ايلاف : بشوف
نزلت من السياره وصعدت للشقه دقت الباب لفتره انتبهت للورقه اللي طايحه
طلعت انا ساعه واجي :تركي
جلست على الدرج تنهدت انه بتجلس برا الشقه لان المفتاحين حقت الشقه واحد داخلها وواحد مع تركي
فتح الباب
عزوز : يلا مجود انا طالع تبي شي !
ماجد: لا سلامتك
عزوز التفت للدرج وبستغراب ؟ ليه جالسه هنا
ايلاف اللي كانت سانده راسها على الجدار عدلت جلستها
عزوز : صاير شي ؟
ايلاف : لا انتظر اخوي
عزوز اخوها ! اللي من شوي : طيب انتظريه داخل لاتنتظرين هنا
ماجد اللي كان يسمع عزوز يتكلم راح للباب وشافها
ايلاف انحرجت
عزوز: ماجد خلها تدخل لما يجي اخوها
ماجد : ماعندك مفتاح
ايلاف : المفتاح عطيته اخوي واكيد طلع لشغله ضروريه
ماجد: ماعندك رقمه
ايلاف: لا
ماجد: خلاص ادخلي عند بندر بنزل انا كنت بتركه عندك قبل اطلع عندي مشوار سريع
ايلاف : بتطول ؟
ماجد؛ مدري بس اذا جاء اخوك اخذي معك بندر
ايلاف بعد تردد: تمام شكرا
ماجد نزل مع عزوز
عزوز : ماجد ليه خليتها وجيت معي !
ماجد: ماجيت بس ياغبي افهم علشان البنت ماتنحرج او ترفض تجلس بالشقه اذا كنت موجود بتقول انها مارح تدخل فهمت
عزوز: اها فهمت عليك
طلعو سوا اما تركي اللي راح للسوبر ماركت بعد ماشاف الثلاجه فاضيه وراح لمطعم اشترى وجبه كبيره بعد ماخلص اخذ المشروبات ورجع للشقه فتح الباب واستغرب انها للحين مارجعت
اما بندر اللي انتبه لصوت الباب لانه يلعب قريب من الباب راح يركض لا ايلاف اللي جالسه بالصاله
بندر: ياخاله جاء
ايلاف وقفت: من جاء ؟
بندر: اللي كان بالشقه
ايلاف فتحت الباب ومعها بندر سكرت الباب بعد ماخذت المفتاح دقت الباب
تركي: توني اقول ان
ايلاف ضربته: ليه تروح وتاخذ المفتاح معك تركتني بموقف محرج
بندر ضحك من تعابير تركي
تركي: وين كنتي
ايلاف: ابو بندر تركني اجلس بالشقه حقتهم لما ترجع وطلع مع صاحبه
تركي : اي اذا شفته بشكره
ايلاف : مايحتاج
تركي قلب عيونه واشر للاكل : جبت لك اكل اكليه مع هالنتفه يمكن يكبر انا بطلع الحين
ايلاف: تمام انتبه لك وطمني عليكم
تركي: تمام
ايلاف: دقيقه عطني رقمك
تركي: اوه صح انا عطيتك رقم المره اللي راحت بس اتوقع ماضبط او تغير رقم
ايلاف: اخخ بس منك
تركي فتح الباب : احبك
ايلاف : وانا بعد
ماجد اللي كان واقف عند الباب رفع حاجبه : بندر صاحي
تركي مد يده اما ماجد هالمره صافح يده : مشكور على اللي سويته مع اختي
ماجد: ولو احنا جيران
تركي: اكلت !
ماجد ؛ ايش مناسبه السوال ؟
تركي : جايب اكل
ماجد : لا اكلت الحمدلله
تركي : انا بروح الحين
ايلاف: تمام
ماجد : يلا بندر
ايلاف: اتركه ياكل وبعد مايخلص بيجي عندك ماعندي احد يكون معي
ماجد: تمام بترك الباب مفتوح شوي بس تخلص تعال
بندر اومئ
اليوم الثاني
كانت صاحيه بدري او بالاصح ماجاها نوم ونامت ساعه بسبب اللقاء اللي صار قبل
سمعت صوت الباب
ايلاف عقدت حواجبها من بيجي هالوقت وخصوصا الصباح ! قربت من الباب
ايلاف: مين ؟
ماجد: انا
ايلاف فتحت الباب : هلا والله
ماجد اللي كان يشوف شكلها المرتب جميل ومابعمره شافها غير بكامل اناقتها معقول صحت بدري وتجهزت ! كذا بس وين بتروح : امم كنت بقول لك
رفع الكيس
ايلاف : ايش هذا ؟
ماجد: فطور حسبت لك معنا
ايلاف ابتسمت له : مشكور
خذت الكيس
ماجد : عندي اجازه كم يوم علشان كذا يمكن بندر مايجي عندك بس متى ماحبيتي بيكون موجود بالشقه
ايلاف بتردد: عندي طلب !
ماجد: امريني
ايلاف: ابي اخذ بندر معي
ماجد: لوين ؟
ايلاف: بطلع اليوم كله عندي كم مشوار بينبسط فيها ويشوف اطفال اكثثر
ماجد طلع بطاقته : تمام ماعندي مشكله بس بشرط
ايلاف : ايش !
ماجد : تحاسبين من هالبطاقه على كل شي يطلبه وبنفس الوقت اي شي بخاطرك خذيه بالبطاقه
ايلاف: لا معي الحمدلله كثير
ماجد: انا ما اسالك هذا شرطي على الاقل لاتحملين نفسك مصاريف طفل مو طفلك
ايلاف حزت بخاطرها هالكلمه لو ماصار اللي صار كان الحين تزوجت وصار عندها ولد: تمام
دخل للشقه وشافه جالس يتابع التلفزيون
ماجد: بندر تعال
بندر ركض له
ماجد نزل لمستواه : بتطلع مع جارتنا بتقضي اليوم معها تبي او ماتبي !
بندر بفرح: صدق عادي ؟
ماجد: اي عادي
بندر : اي ابي اروح اليوم وبكرا بجلس معك
ماجد ضحك: تمام لاتزعجها
بندر زعل : انا مابعمري زعلتك بزعل غيرك !
ماجد: في هذي معك حق ماقدر اقول لك لا
بندر ابتسم: بروح ابدل
بعد ماخلص طلع ودق الباب على شقتها
ايلاف فتحت الباب
بندر اللي كان واقف بجنب ماجد رفع راسه ببتسامه
ايلاف : يا اهلن يلا ادخل
بندر دخل
ماجد : رقمي عندك متى ما احتجتي شي اتصلي علي بكون موجود
ايلاف: تمام شكرا
ماجد رجع للشقه واتصل على عزيز اللي رد وهو نايم وبس عرف ان ماجد بيجيه قام يرتب الشقه يعرف ان ماجد مايحب العفسه ابد
عند ايلاف
ايلاف بحماس: شرايك نروح اول شي نشتري لبس وبعدها نروح للملاهي وبعدها نطلع نتعشاء ؟
بندر لمعت عيونه بفرح: صددق بروح لكل هذا
ايلاف : اي ياقلبي بنروح لها كلها يلا بس اخذ اشيائي واجي
دخلت للغرفه طلعت وشافته واقف يناظر بالارض
ايلاف : يلا نروح
مسكت يده قبل تنزل كان جالس برا بجنب علي يدخن وصل اسامه قدام الباب
بندر شافه ابتسم له: مع السلامه
ماجد بادله الابتسامه: مع السلامه انتبه لنفسك
بندر قرب منه وباس خده : ان شاء الله
ماجد همس باذنه : خليك رجال واهتم بالبنت اللي معك ترا البنات يحبون اللي يهتم لهم
بندر توسعت ابتسامته : حاضر
ماجد بعثر شعره
ركبو السياره
اسامه: وين ؟
ايلاف: نبغى مول
اسامه: كبير؟
ايلاف: اي وفيه ملاهي تناسب بندر
اسامه: حاضر
حرك السياره وشغل اغنيه بندر كان بجنب الباب مستمتع بالمناظر
انتهى البارت ❤️
أنت تقرأ
بداية عُزلة ( متوقفه )
Roman d'amour- الليلة أنا وحيدة ولا أرى سواي ليقطع الطريق في هذا الانعزال والضياع والغربة🖤.
