بداية عُزلة ( متوقفه )

البارت ١٣❤️

بالمستشفى
دق الباب قبل يدخل على طلال
طلال اللي يناظر بصوره خباها او ما شاف تركي دخل
تركي عقد حواجبه بس تقدم من طلال
طلال: تركي قول لهم اني بطلع تعبت من جلست المستشفى مايكفي اني سنوات
تدارك اللي كان بيقوله وسكت
تركي: سنوات ايش يا طلال ؟
طلال : ولاشي
تركي تنهد وجلس بجنبه مد يده ومسك يد طلال ضامها بين يدينه : طلال انا مو عدوك ولا شخص اكرهك انا اخوك اسرارنا عند بعض عمرنا ماخبينا على بعض شي تجي اليوم وتكون حالتك كذا وتخبي علي ليه ؟
طلال : تركي ما اقدر اقول لك
تركي : ليه ماتقدر
طلال حس بالم بصدره : لان يوجع
تركي تنهد ومسح على راس طلال: بطلع اجيب شي تشربه واجي
طلال ناظر النافذه بدون مايعلق
اما بعيد عنهم ببيت محمد تحديدا
كان جالس بالسرير وانفتح عليه الباب بقوه وتسكر ركض بتجاهه ونط على السرير : عبووود توقع
عبود اللي مصدوم للحين : شفيك مجنون ؟
فيصل بحماس : توقققع قلت لك
عبود: فيصل لاتلعب باعصابي وتكلم
فيصل : حصلت ايلاف
عبود شهق اما فيصل سكر فمه : اسكت وجع ابوي لايسمعك
عبود: شلون وين حصلتها ؟
فيصل : وين يعني بارض الله الواسعه
فيصل بعد عن عبود وعدل جلسته: لا واللي اكتشفته ان تركي يعرف عنها وحتى طلال اتوقع بعد مارح او حتى قبل مايروح كان يراقبها
عبود بحماس: طيب ؟وكيف شفتها انت
فيصل : كنت رايح لشركه راكان عرفته ولد صاحب ابوي
عبود: اي عرفتته يوه من زمان ماقابلناه
فيصل : اول مانزلت من السياره شفت ايلاف تركب سيارته
عبود عقد حواجبه: وليه ؟
فيصل: صبر اقول لك طلعت موظفه عندهم وهي سكرتيرته وعاد تعرف راكان من كان صغير يحب الجديه والمسووليه
عبود: عارف تقول لي بس الحين انت تكلمت مع ايلاف
فيصل : لا مع تركي
عبود : اها طيب متى بنلتقي فيها ؟
فيصل : مدري تركي قال انتظرو
بعيد عنهم
تحديدا بسياره راكان
عيد توتر من منظر راكان: راكان شصاير ؟
راكان مارد عليه
ناظر بعيد بستغراب ورفع كتوفه بمعنى حتى انا ما اعرف ترا
وصلو للفندق
فهمو ان صاير شي
فهد : هيه راكان مارح اسمح لك تدخل الا لما تقول لي وش صاير ؟
كان طالع من الفندق بعد مافقد الامل يحصل رقم غرفتها
فهد فتح عيونه بصدمه
راكان لاحظ تعابيره: اي واحد من اللي واقفين
عيد هز راسه بنفي
فهد : ماشفته بس شفت واحد كان بيصدم
راكان تركهم وراح للاستقبال اما عبدالله ركب سيارته وتحرك ناوي يرجع بوقت ثاني
بعيد عنهم كلهم
عنود : تعال طيب اكل ايلاف هالكم يوم بتكون مشغوله
ناظر بعنود : ابي ابوي
عنود: بنروح له تعال انت بس واكل اكلك
جلس بجنبها وبدا ياكل
عنود فتحت باب الشقه ودقت باب الشقه اللي قدامها ماحد رد ايلاف شلون متعايشه مع هالشخص اللي يختفي بالايام
بندر : بالدوام مارح يرجع الحين
عنود رجعت ومسكت كتفه ودخلو للشقه سكرت الباب وراها
عند ايلاف كانت تحت وشافته رجعت غرفتها وهي خايفه جوالها طفى شحنه صح نامت بس ماطولت ناظرت باغراضها اللي كانت عباره عن شنطتها بعيد عن اكوام الثياب والجزم والاكل اللي امتلى الجناح فيهم من راكان خذت شنطتها واول ماطلعت شافته بوجهها
ايلاف شهقت وحطت يدها على فمها كردت فعل
راكان رفع حاجبه : بتطلعين مكان ؟
ايلاف بتوتر وارتباك: ها لا كنت كنت
راكان : كنتي ؟
ايلاف : كنت بتمشى
راكان : انا بكون بالجناح اللي بجنبك اذا احتجتي شي
ايلاف : انا برجع شقتي ما ابي اظل هنا
راكان بحده: رح تبقين سوا برضاك او بالغصب صرتي مسؤوله مني
ايلاف بغضب وعناد: ومن انت علشان اكون مسووله منك ؟
راكان : انا الشخص اللي وقعتي معه عقد اليوم اذا ناسيه بانك تسلمين لي نفسك وماتعارضين ولا قرار
عيد وفهد اللي كانو بعيدين
عيد : شيبي يسوي هذا ؟
فهد : مدري بس الشخص اللي برا نفسه الي كان عند بيت صديقتها واتوقع انها تبي تطلع من هنا بسببه
عيد : وليه ماقلت له
فهد: لاني متاكد مثل ما انا شايفك اني بشوف جثته لو قلت انه هو
عيد انصدم : تمزح صح مو ترك هالسوالف
فهد : بس اتوقع بيرجع لها
عيد : اتوقع العكس
راكان : تمام انا اللي رح اوصلك
ايلاف : شكرا لك بس طلبت سياره من قبل
بعدته قبل تسرع بخطواتها وتسكر المصعد اللي راكان ماقدر يلحق عليه
فهد تنهد : اوف واضح اننا بنعاني
عيد: تعال نمسكه بس لايسوي فيها شي
فهد ابتسم بنذاله: تتوقع يسوي لها وهو ميت عليها
عيد : فهد امسك لسانك تدري لو حس راكان بكلامك بس رح تودع الكلام نهائي
فهد : اووه صادق هذي غير عنده
فتحت باب السياره بس تسكر بقوه
السايق انصدم ونزل : ايش فيه
راكان شد بكلامه: قلت انا اللي بوصلك
ايلاف دفعته بقوه : وش تبغى فيني انت قلت لك اذا على موضوعك مارح اتكلم والله مارح انطق بشي
راكان: ولاشي بوصلك واروح قلت لك
ايلاف فتحت باب السياره وركبت السايق ركب هو بدوره راكان فتح الباب الثاني وانتبه انها بتفتح الباب مسك يدها بقوه : لاتعاندين
السايق حرك سيارته وتوقع انها هوشه متزوجين وصلو لعماره الشقه الخاصه فيها
عم علي كان جالس برا اول ماشافه راكان ناظره بحيث انه يمثل انه مايعرفه
علي : ايلاف اخبارك يابنتي
ايلاف ابتسمت بتعب: بخير ياعم انت اخبارك واخبار ياسر
علي : كلنا بخير انتي مو عطيتي مفتاح شقتك لصديقتك !
ايلاف: اي ليه هي مو موجوده؟
علي: لا والله طلعت ب بندر وقالت انها مارح ترجع الا بعد مم ساعه اذا سال ابوه وماردت عليه
ايلاف: اها
رجعت بخطواتها : وقتك عنود وجوالي طافي
حست بدوخه متى كلت اخر مره ! ماتدري بس اللي تعرفه انها بدت تحس الدنيا تدور فيها قرب منها وسندها عليه
ايلاف كانت بتبعد بس مسكها ورفعها من الارض بنفس اللحظه وصلو
عيد وفهد اللي لحقو راكان بسيارتهم
ايلاف بهمس وعدم استيعاب : مين انت وليه تسوي كذا معي !
اغمي عليها اما هو ركب السياره وهي بحضنه طلب منهم يتوجهون للفندق نفسه
بعد ٤ ساعات
فتحت عيونها ورجعت سكرتهم فتحتها من جديد شافته جالس بالكرسي اللي بجنب السرير وماسك جواله ويناظر فيه بجديه
ايلاف حاولت تجلس وتعدل نفسها بس وقف ورجع سندها على المخده : انا وين!وايش صار
راكان: اغمي عليك متى اخر مره كلتي ؟
ايلاف ناظرته : ليه جبتني هنا!
راكان : انتي مكانك هنا وقلت لك هذا بيكون مكانك لفتره مو قصيره فا اتمنى ماتعاندين وتبقين بمكانك وصح > بتكونين ملازمه لي ل٢٤ ساعه حتى وقت النوم بكون نايم بالغرفه اللي بجنبك
ايلاف بصدمه : ايش تمزح صح !
راكان: ما امزح وفيه بينا باب تقدرين تقفلينه وقت ماتبين بس برضو اذا حصلت عناد ممكن اكسره
ايلاف اكتفت بالصمت كا اجابه
راكان رفع السماعه: الاكل
بعد دقايق سمع الجرس راح فتح الباب ودخل الاكل
راكان : كلي واتغذي عدل ما ابي سكرتيرتي تكون ضعيفه وكلي علشان تقدرين تواجهيني وتتحديني
مشى عنها ودخل للغرفه اللي بجنبها بس بالاصح كانت جناحين وبينهم باب كان مقفل من الفندق وفتحوه بطلب من رئيس الفندق > راكان طبعا
اول ماسكر الباب تسند عليه
ايلاف بحلطمه: مفكر انه اشتراني وبصير تحت امره اخخ ياربي انا ليه شفت اللي صار بهذيك الليله لو ماشفتها كان انا بدوامي مبسوطه وبعدين وين كانت طالعه العنود بدون ماترسل لي صح جوالي طافي * تنهدت *
ابتسم قبل يبعد عن الباب ويجلس فوق السرير كان ناوي يخلص كم اجتماع اون لاين بس مايدري كيف نام بدون مايحس
ايلاف وقفت بعد ماكلت كانت تبي تبدل وخايفه ينفتح الباب بينهم قربت من الباب ودقته : انت موجود !
لا رد
ايلاف بصوت اعلى: انت موجود ؟
فتحت الباب وباب كان مفتوح اصلا ماشافت احد بس انتبهت له نايم على السرير بعبثيه والغطاء بعيد عنه حست بضيق على حالته قربت منه وشافت حواجبه معقده وكانه كان يحلم بشي مزعج قربت منه قبل تغطيه انتبهت لملامحه اللي صارت هاديه وطبيعيه
رجعت غرفتها وقفلت الباب من جهتها انتبهت للملابس خذت منها بدله كانت لايقه عليها وكان الثياب مختاره لها تركت جوالها لان كل اللي ببالها انه طافي وطلعت كان جالس برا الفندق يناظر الرايح والجاي انتبه لها وركب سيارته كان نايم بجنبه حرك السياره ولحق سياره الاجره
بعد وقت صحى من النوم كان بداخله احساس مزعج رفع الغطا واستوعب انه ماكان متغطي رفع راسه للباب شافه مسكر رفع كتفه بعدم اهتمام وراح للحمام غسل وجهه وطلع دق البااب مره مرتين ثلاث رفع حاجبه بستغراب : يمكن نايمه
دق عليهم
مايرد عيد دق على فهد
فهد : هلا !
راكان: وينكم !
فهد :طالعين ليه
راكان عقد حواجبه: طالع وين يعني
فهد: طالع انا وعيد وراء ايلاف لانها طلعت
راكان : ارسل لي مكانكم
فهد ارسل له وتنهد وهو يشوفها جالسه بنفس مكانها من وقت وتناظر البحر
اما راكان اللي لبس وطلع مستعجل يبي يشوفها ويشوف ليه طلعت استعجل وركب سيارته وما انتبه للي داخل للفندق وحجز شقه
عند ايلاف كانت جالسه بهدوء وحست باحد يمشي وراها جاي بتجاهها حست بخوف وتوتر من انه يكون هو ! لا يارب مو هو
راكان : ليه تطلعين من دون ماتعطيني خبر
ايلاف زفرت بقوه لدرجه صدمه راكان اللي خاف وتقدم منها: صار لك شي
ايلاف ناظرته بشر قبل تضربه : خوفتني
راكان: اسف

                        انتهى الباررررت ❤️
ادري طولت عليكم بس للامانه برمضان احس ماكان لي وقت اجلس اكتب 🥺 وعارفه هالبارت قصير ومايعتبر تعويض بس تبشرون وصح

                كل عام وانتتتتتتتتو بخير يارب ❤️❤️