صديقات الأبدأ

بارت 4

(البارت الرابع)

المهم البنات راحو لبيتهم واني نزلت جوه لكيت بابا حبيبي كاعد ع الابتوب 
رسل: بابا حبيبي احبك الله يخليك الي 
ابو رسل : وانا اموت عليج يالغاليه 
رسل : بابا شنو صار ع السفر لايكون نسيت 
ابو رسل : لا طبعا شلون انسه الوعد النطيته الج وطبعا ردت اسويلجن مفاجئه انتي والبنات بس ادري مخبله انتي ماتصبرين 
رسل : حبيبي لتلعب بأعصابي كول شنو المفاجئه
ابو رسل : حاجيت اهل البنات علمود السفر وكلهم قبلو بس اهل اطياف كالو ننتضر النتائج والله كريم 
رسل : عااا بابا حبيبي فديتك بسته وطفرت فوك دزيت رساله بكروب الواتس اسمه الخبلات كتبت عندي الكم خبر بشده شكد تنطوني اذا كلته 
هبه : انجبي واحجي كلبي ميتحمل اخبار 
بتول : احجي رسيله لتخبثين
رسل : عااا ولجن حنسافر راح يتحقق الحلم واخيرا بابا حاجي وي اهلجن وقابلين ماعدا اهل طيوف كالو نفكر وره النتائج
اطياف: خرب ادري بحضي الاغبر 
رسل : انجبي نزلي حاجيهم هسه ورديلي خبر 
راحت اطياف وانا خايفه لا ميقبلون لان حلمنا سوا ونحققه سوا
رحت نزلت اتعشى ومن خلصت صاحلي بابا 
ابو رسل : رسولتي تره انشالله باجر او عكبه احجزلكم هم يالله تسافرن وتستقرن هناك
رسل: حبيبي انت ماشي بس انتظر اطياف تردلي خبر واذا ردت ابلغك
ابو رسل : ماشي حبيبتي انتظرج
رسل: ممح يا اغلى ابو بالكون ،،، تصبح ع خير 
ابو رسل : شعندي غير بنيتي وحيدتي ،،، اجمعين عمري
صعدت غرفتي لكيت الكروب محترك وبس يكتبن لا لتكولين هيج ويحطن سمايل يبجي انا كلت لا حلمي راح مراح يتحقق اهل اطياف مقبلو كبل خابرت الشله ودخلتهم جماعي
رسل : شصار احجولي
هبه: خلي اطياف تحجيلج
بتول: رسيله لاتنصدمين حبابه
رسل : خرب احجو شصاير
اطياف : بنات سامحوني ماكدر اروح مقبلو انتو حققو حلمنه وانا ادرس هنا 
رسل: ممكن تنجبين خلص محد يروح وندرس سوا
اطياف : يرروحي رسوله ماكدر اقشمر عليج واقهرج هههه اهلي قبلو وباجر يخابرون لابوج علمود الحجز
رسل : يانذله ولي لتحجين وياي وانا حتى بجيت تف عليج 
خلص يومنه وكل وحده تفكر بمستقبلها شنو طبعا احنا صديقات من فتره طويله واستمرت صداقتنه لهسه وقررنه نخلي حلم خاص النه وانو ندرس سوا ونعيش سوا ونتخرج سوا ونموت سوا ونتزوح سوا وحتى يجوز نجيب بيبي سوا وحلمنه مايتحقق اذا وحده منه مكدرت صداقتنه وخوتنه اهم من هالشي فقررنه كلشي سوا .....

[يــتــبـــع....📝✏️✏️✏️✏️♥️🌚]
بنات فدوة دعمكم حتى استمرر