هلا. حبايبي شلونكم ان شاءلله بخير
(البارت التاسع)
كعدنه ثاني يوم شميت ريحه اكل طيبه بيض يمييي يمييي كعدت فتحت الباب ونعسانه كلت شنو هالريحه الطيبه
اطياف : سويتلكم ريوك
رسل : هلا بأمنا هلا
اطياف : انجبي وكومي غسلي وكعدي الصخلات وخلي ناكل جوعانه
كعدت الصخلات ع كولت اطياف بالدفرات كومتهن واكلنه وراها كملنه وغسلت بتول الماعين وكعدنه بالصاله
بتول : بنات هسه شنو نسوي شلون نروح للجامعه مانندلها
هبه : ي صدك شلون لازم نروح اليوم نسجل ونشوفها
اطياف : ممكن تنجبن حتى نفكر
بتول : وجع لتغلطين علينه خوش ام
اطياف : هههه انجبن انا امجن واصلا لازم تسمعون كلامي الشاطره مالتكم هههه
رسل: ممكن تسكتن خلي اخابر داد اشوف شلون نروح
رحت جبت الفون وخابرته اول مره مجاوب الثانيه جاوب
ابو رسل : هلا بالغاليه
رسل : هلا باباتي شلونك شخبارك مشتاقتلك شلونكم شلون ماما ومحمد
ابو رسل : كلهم زين ومشتاقيلج ويسلمون عليج شلونج انتي وشخبارج
رسل : كلشي تمام وبالشقه توه خلصنه ريوك بس شلون نروح للجامعه ونسجل
ابو رسل : حبيبتي انا وصيت ابو يحيى يهتم بكلشي
انا بكلبي اهووو هم يحيى : يي حبيبي شوفه وردلي خبر شنو حيصير
ابو رسل : ماشي حبيبتي خلي اروح اشوفه ديربالج ع نفسج باي
سده بابا وكلت للبنات الصار وطفرت بتول
بتول : من البدايه وخابري يحيى
هبه : يي والله خلي نكحل عيونه بي من الصبح
رسل : اكول نطمن مااخابر للمغرور
اطياف : هههه خرب رسيله حقدت عليه
رسل : لا ولج بس شايف روحه ومكروه اووو شعليه بي
شوي واجالي مسج من داد كاتب بي شوي ويخابرلج ابو يحيى ويكلج كلشي
المهم رحنه بدلنه شوي وندك الباب راحت فتحته هبه واسمعها تضحك وشي طلعت اشوف منو شفته لابس بدي رصاصي وجنز اسود يمووت طالع هو شافني وابتسم كال صباح الخير
رسل: صباحو شعندك جاي من الصبح
هبه بضحكه : هههه وجع اي وقت يجي هلا بي بس جاي علمود الجامعه
يحيى : جاي لان ابوي مشغول وكال انت قوم بالواجب فماجاي علمود عيونج
رسل: نننننننه اوك انتظر نكمل ونجي
يحيى : اوك نازل جوه انا مو تنامون فوك كملو بسرعه ماحب الانتظار
رسل : كيفنه ياهو كلك تجي
يحيى : مكروه بس بكلبه كال حاته
راح هو واستلمتني هبه والبنات لان حجيت هيج حكرتهن ورحت اكمل لبست جنز وقميص ابيض ورفعت شعري وحطيت حمره فاتحه ومسكاره وبس لان ميحتاج اخلي شي جمال رباني هههه وطلعت البنات صوفروا شنو انت يكميل ضحكت وكتلهن حتى انتن صاكات جانت اطياف تجنن لابسه فستان بيجي وشال ماروني ومكياج خفيف كلش وبتول جنز كابوي وقميص اسود وشاده شعرها كله بقراصه اما هبه جانت لابسه تنوره قصيره وقميص اسود وطالعه كيوت وفاتحه شعرها المهم نزلنه لكيناه جوه بس من نزلت وشافنا ضل يباوعلي وفاتح حلكه حتى كلت بكلبي هذا شبي انوب كال لو نايمات مو احسن
رسل : ياهو كلك تجي تاخذنه
يحيى : ام لسان كافي يله صعدي ...
(البارت العاشر)
يحيى /////
طبعا كعدوني من النوم علمود الحاته تريد تكمل اجرائات الجامعه والشي الحلو نفس جامعتي بس تستاهل اتعب علمودها كمت اخذت حمام وبدلت لبست بدي رصاصي وجنز طلعت اخبل صاك من يوم يومي واجت ابالي كلت خرب شسوت بيه هاي البنيه خلي اطلعها من بالي لان البنات كلهن سوا يدورن حلو وغني مابيهن زينه
نزلت جوه وركبت سيارتي ورحت دكيت الباب وطلعتلي قزمه كتلها هلو هبه وحجينه وضحك وشي شوي وانفتح باب الغرفه وطلعت الحاته مالتي ابتسمت بوجهه بس هيه اظاهر ضايجه مني هههه لان احلى منها
كالت شعندك جاي من الصبح صديقتها ضحكت وكلتلها علمود الجامعه وانا جاوبتها حتى اقهرها
يحيى : جاي لان ابوي مشغول وكال قوم بالواجب مو علمود عيونج
رسل : ننننه اوك انتظر نكمل ونجي
المهم راحت هيه والبنات وقبل لا اروح سمعتهن يرزلن بيها علمود اسلوبها وياي وبكلبي كلت اله اخليج تمووتين عليه انوب انتبهت ع روحي كلت حياوي لاتتخبل ماكو وحده تستاهل تحبها حالها حال غيرها
ركبت بالسياره انتظرهن اجيت انزل لان تأخرن شفتها نزلت بس ماكدرت احجي ملاك ملاك مو بنيه النعومه والاناقه ضليت ساكت لحد ماحسيت روحي مصختها كتلهم
يحيى:لو باقيات نايمات فوك مو احسن
رسل : ياهو كلك تجي علينه
يحيى : ام لسان
رسل : مغرور
صعدن وبقت هيه كالت وين اكعد ٲكـيدٰ وره
يحيى : سايق الخلفوج كومي كعدي كدام يله تأخرت
رسل : شكد مغرور وشايف روحك ع شنو مدري
يحيى : من حقي غير صاك
رسل بكلبي حات مو بس صاك : يي واضح مدري منو مقشمرك ردنه نكمل النكره مالتنه بس صديقتها عاطت بينه كافي خلي نروح للجامعه المهم الطريق كله كاعده يمي وكلبي يركع مدري شصايرلي كلساع استغفر ربي ماريد هالاحساس هذا.....
(يــــتـبــع..📝📝✏️✏️✏️✏️♥️🌚)
لاتنسون التصويت اضغطو ع نجمه مراح تاخذ وقت منكم
اي سؤال اسؤال بتعليقات مراح أقصر وياكم
احبكم 😍
أنت تقرأ
صديقات الأبدأ
Ficción Generalمرحبا بنات وياكم الكاتبه برو اول قصه لي ع واتباد واتمنه تعجبكم وان شاءلله تستمتعون بيه. وتعجبكم واريد منكم دعم ومشاهدة القصة حتى استمرر ولي عدهم قصه وتريد تكتبه تدخل خاص وان شاءلله مااقصر وياكم واحبكممم ❤🥺 مشهد من الاحداث وج رسيله كومي اليوم اخ...
