(البارت الخامس)
طبعا ماعرفتكم ع صديقاتي التهيت اسولف هههه
اطياف / طبعا طيوفه ماحجيلكم عنها ورده من وردات الشله الصايعه هاي امنا الحنونه طبعا هاي الوحيده من الشله ملتزمه ومحجبه بس صاكه بالحجاب شحال لو نزعته ههه مواصفاتها طولها متوسط مناسب مربربه شوي جسمها يجنن طولها ١٦٠ وزنها ٦٠ يعني تشوك شك عيونها كبار وجوزيات وبشرتها حنطاويه وطبعا بيها شغله نموت عليها بس طبعا منكللها حلوه نعلق عليها دوم وهيه انو عدها لدغه بالراء
بتول / بتيله مدري شنو اوصفها هاي صايعه الشله واصلا لو ماهيه جان طعم الشله ماصخ هيه ملح الشله مواصفاتها شوي اكصر مني طولها ١٦٣ ووزنها ٥٩ وجسمها يخبل بيرفكت وبيضه وعيونها كبار وملامح وجهه من تنتبهين عليها تجذبج تحسينها قويه بس بالاصل لو تتعرفون عليها جان شفتوها شكد حساسه ومامحجبه همين شعرها قصير تحبه هيج مسويته كصه فرنسيه
هبه/ الدولمايه مالتنه قزومتنه طولها ١٥٠ والنعومه مال الشله لو توكف يمنه تضيع بالرجلين هههه مواصفاتها عيونها خضر وبيضه وعيونها وسط وشعرها متوسط طوله وشكلها طفولي وهيج بريئه ولو تتعرفون عليها تحبونها اكثر مني وهمين مامحجبه ولهنا خلصنه الشله مالتي واجينه لقبل يوم من السفر ...
(البارت السادس)
اليوم اخر يوم وي اهلي واخر يوم الي ببيتنه وبغرفتي صح ضايجه لان ممتعوده اتركهم بس لازم اتحمل لخاطر حلم حياتي ووياي الشله فراح يخففون هالشي عليه
ام رسل : رسوله حبيبتي بعد عندج نقص بشي
رسل : لا ماما كملت كلشي واصلا تسوكت كلشي وي البنات بس وين بابا
ام رسل : ابوج راح يشوف الرجال الي حيوفرلكم كلشي هناك
رسل : ماشي ماما
ام رسل : حبيبتي مااوصيج هناك
رسل: اكيد ماما تربيتج ميحتاج توصيني واصلا كافي اطياف ويانه مانكدر نسوي شي ههههه
ام رسل : الله يحميج ويخليكم لبعض
رسل: حبيبتي ماماتي ،،، شنو مسويتلي اليوم
ام رسل : برياني اعرفج تحبينه
رسل : هلا هلا خلي اغسل وانزل انتظر داد لان ميته جوع
غسلت ونزلت جوه شوي واجه بابا رحت بوسته وكال جهز الشقه وكلشي وراح يستقبلكم ابن صديقي هناك كاتب اسمج بورقه جبيره روحي وياه يدليكم الشقه ودائما يطمن عليج ثقه هالعائله
خلصت غده وخابرت للبنات مكالمه جماعيه وبقينه نسولف بالساعات لحد مانعست نمت وهنه يلغن ع الخط
كعدت الصبح كلي نشاط لان اليوم راح ابتدي اول خطوه بتحقيق الحلم
غسلت وبدلت ونزلت اتريك ولكيت الكل كاعد
رسل : صباحو يااغلى ثنين بالكون
ابو رسل : هلا بدلوعتي وغاليتي
ام رسل : هلا حبيبتي ،،، ها جاهزه اليوم
رسل : يب يب اكيد جاهزه ماعندي شي اصلا
كملت اكلي وصعدت فوك صحت للخدامه تنزل الجنط ونزلت قبلها شوي بابا كام حتى يوصلني سألته ع البنات كال راح نمر عليهن
المهم رحنه اخذنه البنات والطريق كله صافنه ع الطريق خايفه من المستقبل المجهول صح خواتي وياي بس ماعرف ممتعوده بدون اهلي المهم وصلنه لمطار بغداد ونزلنه وصلنه لنهايه المكان وميصير بس المسافرين ودعت بابا وانا ابجي
ابو رسل : ها ها خلص ماخليج تروحين شهالدموع ماريد دمعه تنزل منج روحي ودرسي وتونسي
رسل: بابا حشتاقلكم انت وماما
ابو رسل : يروحي واحنا راح نشتاقلج
شوي وسمعنا نداء الرجاء ع المسافرين التوجهه لقاعه الانتظار
رسل : يله حبيبي رايحه وسلملي وبوسلي ماما ويوميه راح اخابركم
ابو رسل : ماشي حبيبتي انتبهي ع روحج
رحت وعيني ع بابا ماكدر بدونهم بس لازم اسوي هيج واجيب الشهاده وارفع راسهم......
(يــتــبــع..📝✏️✏️✏️✏️♥️🌚)
أنت تقرأ
صديقات الأبدأ
Ficção Geralمرحبا بنات وياكم الكاتبه برو اول قصه لي ع واتباد واتمنه تعجبكم وان شاءلله تستمتعون بيه. وتعجبكم واريد منكم دعم ومشاهدة القصة حتى استمرر ولي عدهم قصه وتريد تكتبه تدخل خاص وان شاءلله مااقصر وياكم واحبكممم ❤🥺 مشهد من الاحداث وج رسيله كومي اليوم اخ...
