صديقات الأبدأ

بارت 7و8

(البارت السابع)

صعدنه الطياره والوقت محسينه بي كضيناها سوالف وهاي النايمه وهاي التسمع اغاني وهاي التدردم شوي كالو ع كل الركاب لبس الاحزمه سوف نهبط لبسنه احزمتنه شوي وهبطت الطياره ونزلنه 
هبه : اويلي ويلاه 
بتول : دشوفن المزز شوفن الصاكين اويييلي
اطياف : وجع هاي بعدنه مطلعنه من المطار شبيجن ماشايفات انجبن وامشن يله 
رسل: هههه انتم لسه مشفتو حاكه يله خلي نروح لصديق داد كالو كاتب اسمي ع ورقه هو الي راح يوصلنه للشقه مشينه شوي وضلينه نتلفت ندور عليه شفت واحد من بعيد بس مو ولد ملاك ونازل شنو الجمال الرجوله الصخام يفلش انوب انتبهت ع البنات صافنات كلت بكلبي شبيج رسل تخبلتي جايه علمود الحلم انجبي ولتفكرين بهيج سوالف 
تقدمت منه كتله مرحبا كال ءءءء انتي رسل كتله يي 
قبل لا اكمل خلي يعرفكم هو ع روحه 
اسمي يحيى شاب صاكه ادري بروحي محد شافني وماطاح بشباكي طويل كلش عبالك عارض ازياء طولي ١٩٠ والعب حديد وهيج شكلي خليجي وع عراقي وع اجنبي يعني مشكل يالوز بين قوسين صاك ومغرور وشايف روحي بس حقي وعندي لحيه خفيفه وادرس بجامعه سيتي هاي من اكبر جامعات لندن واختصاصي صيدله مرحله رابعه بيوم كاعدين بيتنه طبعا انا وحيد عند اهلي لا اخ ولا اخت يعني بين قوسين المدلل وحالتنه كلش عاليه اغنياء ابوي يملك شركات هواي وامي دكتوره بنفس جامعتي بس تدرس طب مو اختصاصي صاحلي الوالد 
ابو يحيى : حياوي ابني اريد منك طلب 
يحيى: عيوني الك 
ابو يحيى: صديقي ببغداد بته اجت تدرس هنا هيه وصديقاتها وكملت كلشي انا بس ماعدهم احد يوصلهم وانا مثل ماتشوف ملتهي تكدر تروح وتوصلهم للشقه وتره حنبقى نهتم بيهم لان مثل بناتي صارو 
يحيى: تدلل يالغالي بس بكلبي كلت مناقصني غير هالسالفه الي خلك بنات وغيرها 
رحت للمطار وكتبت بورقه اسم رسل وبكلبي الاسم حلو ياريت تطلع صاحبته حلوه مثله 
من بعيد شفت بنيه طويله بالنسبه للي وياها وقزمه بالنسبه الي بس رب الحاته الطول الجسم الجمال الخلقه الشعر يعني متعوب عليها كلش والوياها مصدومات هههه مشايفات صاك بحياتهن تقدمت عليه وبصوت يموت كالت مرحبا انا ضليت امتمت كتلها ءءءء انتي رسل كالت يي كلت بكلبي بعد جبدي ولك حياوي اثكل 
لاتنسه هاي امانه ابوك وصاك عليها ....

(البارت الثامن)
رسل//////  
بتول : انت الصاك الي حتوصلنه للشقه 
انا كرصت بتول وكلت : هلا خويه ذول هبه وبتول واطياف ويانه راح يجون 
يحيى بكلبه خويه بعينج :: اهلا بيج ،،، ماكو مشكله ،،،  كملتو الاجرائات 
رسل: يي كملنه كلشي 
كال امشو طلعنه نمشي وراه والبنات يدردمن عليه وانا ساكته ماعرف شحجي واطياف ترزل بيهن وجاي يتعاركن عليه ههههه بتول وهبه وصلنه لسياره كشف 
هبه صرخت : يبووي لتكول نصعد بهاي السياره 
بتول : يوويلي ماتحمل صاك وعنده هيج سياره 
اطياف : وجع ثكلن شبيجن عيب منه
يحيى : هههه هاي الي وعندي غيرها بالبيت عود اوايجن ياها وموجهه كلامه لهبه وبتول 
اني بكلبي كلت : وجع شكد مغرور وشايف روحه اليكول مشايفين هيج سياره
صعدنه وطول الطريق الخبلات بتول وهبه ماسكت لو يباوعن للشارع ويسولفن لو وي المغرور بس انا واطياف ساكتات وصلنه يم مكان كلش حلو نزلنه كال هاي شقتكم الطابق الثالث رحنه صعدنالها شفناها شقه كلش حلوه وجبيره بيها غرفتين وصاله ومطبخ وحمام وشرفه تطل ع حديقه تجنن 
بهاللحظه دخلن الخبلات وكامن يطفرن ويحيى صعد الجنط ويضحك عليهن 
يحيى : بنات شنو تحتاجون كلولي ماكدر اتركم بمكان ماتعرفون بي احد 
رسل : تسلم خويه تعبناك ممحتاجين شي 
يحيى بكلبه انا محتاجج يعسل : تعبكم راحه 
كام وكتب رقمه بورقه وانطاني ياه كال هذا رقمي شنو تحتاجون اتصلو عليه 
رسل: ماشي تسلم وسلملي ع الوالد وتشكر منه 
كام يحيى طلع والبنات دارو عليه وجع رسيله شبيج وي الصاك 
رسل: انجبن مغرور منيله صاك 
هبه : ههه كل هالجمال وتكول اجكم ههههه والله يالله انجبي معاجبح العجب
بتول : وج نعيله لو تشوفينه شلون يباوعلج جان حبيتي من اول نظره 
رسل : هههه اكول انجبن ام اول نظره دوختيني خلي نكوم نرتاح 
اطياف : صدك دوختنه كومن يله جاين ندرس لو نحب ونعشك
رحت فرفرت بالشقه واختاريت غرفه وصارت هبه وياي والغرفه الثانيه اطياف وبتول سوا وشوي اندك الباب كمت اشوف منو اجه هيج وقت فتحت الباب شفت يحيى 
رسل: هلو شنو هاي 
يحيى : جبتلكم غدا اعرف متكدرن تطلعن وماتندلون لهسه 
رسل: يسلمو تعبناك 
راح يحيى وسديت الباب واجن البنات منو ع الباب وسولفتلهن
بتول : يمه شكد حباب 
هبه : يمه الوسيم فديته 
اطياف : ثكلن وجع 
رسل : صدك ثكلن هو اكل شدعوه تره عادي اي واحد غيره يجيب 
المهم هوستنه هوسه اكلنه وهاي الي سبحت وهاي النامت وهاي الي راحت كعدت بالبلكونه المهم مر هاليوم عادي.....

{يـــتـــبــع...📝✏️✏️✏️✏️✏️♥️🌚} 
بنات اضغطو ع نجمه مراح تاخذ من وقتكم فددوة
وتعليق حلو مثلكم
احبكم 😍❤