صديقات الأبدأ

بارت 2

(البارت الثاني)

خابرتهم وسوينه مكالمه جماعيه 
رسل: هلا بالصاكات شلونجن
اطياف : مزفتين ولج صعبه حموووت من هالماده 
هبه: يمعودات شيرادلها هيه فيزيا 
رسل : اكول انحبي هبه ماتشوفينه مسحولين بيها اشوف شلون تجاوبين باجر 
بتول: انا بعدلي هواي ممكملته عود كاعده من مساع بس مابيه ادرس 
رسل: وانا شو مالي خلك ادرس بس كملت الماده وراح اراجعها 
اطياف وهبه وبتول: هلا هلا بالسجاجه
رسل : وجع عينكم وين سجاجه بس صارلي فتره اراجع بيها وتعرفن سالفه المعدل العالي لازم اجيبه حتى نسافر كلنه سواا عااا ويتحقق حلمنه 
البنات كلهم صاحو صوت واحد اميييييين 
المهم خلصت منهم وكعدت اكمل دراسه والوقت مر عادي طبعا التلفون لاغيه كلشي بي بس مكالمات وي الشله لان ماكدر بدونهم المهم خلص هذا اليوم اجه يوم الامتحان ميته خوف ومانمت الليل كله نزلت جوه شفت ابوي وامي كاعدين يتريكون 
ابو رسل : صباحو بنيتي الغاليه
رسل: صباحو حبيبي 
ابو رسل : حبيبتي شبيج لتخافين كولي يالله وانتي سباعيه ويله اريدج تجاوبين بهالامتحان حتى تحققين حلمج طبعا محجيتلكم حلمي او حلم الشله انو نخلص السادس ونسافر نكمل دراسه بالخارج كلنه سوا واي وحده بينه ماتروح معناها كلنه مانروح نضحي عشتو هههه 
رسل: لا حبيبي باباتي مخايفه الكاتبه الله يصير .. حبيبي بابا تكدر توصلني اليوم لانو السايق مايكدر يجي
ابو رسل : من عيوني يله ام الغاليه محتاجه شي 
ام رسل : لا حبيبي محتاجه بس سلامتك
رسل : هلا هلا رومانسيه من الصبح يله داد خلي نروح تأخرنه 
ام رسل  : هههههههه يمه من لسانج
رسل : مممح ماما اندعيلي بيباي
ام رسل : الله يوفقج حبيبتي انتبهي ع نفسج
طبعا طلعت من البيت وانا ميته من الخوف بس مسويه روحي قويه وصلت للمدرسه وشفت الشله 
رسل: ولكم ميته خوف 
الشله: سجاجتنه خايفه
رسل : اكول انجبن يله وخلي ندخل تأخرنه
خلصت امتحان وطلعت يعني زينه لابأس ماعرف درجه عاليه او ע ... ماحب اسولف ع الي كتبته وطلعو البنات وخابصينه سكتتهم لان اعرف راح يحلون الاسئله وبس يطلع خطأ انقهر المهم رجعت للبيت ولكيت ماما مسويتلي دولمه اويلللي تعرفني مااقاومها
رسل: اويلي شنو انتي مممح اموت عليج
ام رسل : وانا اموت عليج بشريني شصار
رسل : الحمدالله ماماتي جاوبت والله كريم
ام رسل : الله كريم حبيبتي يله كومي بدلي حتى تاكلين وتنامين ترتاحين
رسل : يي والله رايحه لان ميته تعب فدوه لعمرج
صعدت فوك بدلت وكعدت ابحوش بالنت  شوي وسمعت ماما تصيحلي نزلت اكلت وصعدت بسرعه نمت لان منايمه وميته تعب كلش كعدت تقريبا نص الليل ميته جوع نزلت علكيف ورحت جوه حتى اكل المهم خلص هاليوم 
طبعا مر شهر كامل من يوم انتهينه امتحانات ولهسه وماكو اي تغيرات وقتي كاضيته بالبيت او وي الشله طالعه لو نايمه ماكو اي شي جديد صار لحد ماكعدت الصبح ع ازعاج تلفوني.....

[يـــتـــبــع...📝✏️✏️✏️✏️✏️♥️🌚]
&
&
#رواية_صديقات_الابدأ

↴ ✨🐣