البارت الاول)
وج رسيله كومي اليوم اخر يوم تدرسين بي امتحانج النهائي وانتي نايمه تنبل مال نوم صايره
اي يمه كايمه هسه شدعوه عليه تجرحين مشاعري الرقيقه
يمه حبيبتي تعبي روحج بس هالكم فتره ع ماتخلص هالفتره وشبعي نوم
حاضر يالغاليه
راحت امي وبقيت بفراشي هذا الموال يوميه اسمعه من الوالده وماتمل منه ودائما ترزلني ع شغلتين النوم وابني( تلفوني ) طبعا تكلبت بفراشي وقررت اكوم قبل لاتجي مامي وتعصب عليه ... قبل مااكوم دك المنبهه الاخير الي من اصل ١٠ منبهات 🙊 كلت بكلبي بعد وقت لو ماداك احسن هههه طبعا كمت من فراشي وغسلت وفرشت اسناني وعدلت ملابسي لان شوي عذروني من انام شي فوك شي تصير البجامه عبالك رايحه حرب مو للنوم المهم مااطولها عليكم خلي اعرفكم ع نفسي شوي 👀
اسمي رسل عمري ١٩ طبعا مواصفاتي خياليه مااحجيلكم عنها اخاف تحسدوني جذب جذب راح اسولفلكم شوي شوي طويله طولي تقريبا ١٦٨ ووزني ٥٨ بس واو جسمي يعني مرسوم رسم مثل عارضات الازياء شعري كلش طويل جوه من خصري وشفتي زغيره وروديه وخلقتي ممبين عراقيه صدك لو كالو ربج تعب بيج وعيوني كبار وعسليات وبشترتي حنطاويه ع بياض يعني بين قوسين افلش ومامحجبه
نزلت جوه ولكيت العائله الكريمه مجتمعه وكاعد يتريكون طبعا
رسل: صباحوو داد مممح
ابو رسل: صباحو حبيبة ابوها هلا بروحي
ام رسل: يي ييي بعد اكو شي ماكلته الها وأني تكلي صباح الخير ام رسل
ابو رسل : انتي ام الغاليه اكيد انتي نمبر ون
رسل: شنو شنو هاي اغار انا معليه انا نمبر ون
ابو رسل: هههه ثنينكم نمبر ون
ام رسل ورسل: احسن شي
رسل: لعد وين محمد
ام رسل: محمد نايم وكعدته يكول نمت وقت متأخر وماقبل خلي شوي واكعده
رسل: يي بخت وانا تكعدين تحجين عليه لحد مااكوم قاسيه ماما
ام رسل: هههه حبيبتي انتي سادس وامتحانج الاخير باجر اما هو معطل شتردين منه
طبعا ماعرفتكم ع عائلتي المتكونه من امي وابوي وخواني ثنين وانا وبس طبعا المدلله 🙈🙈
ابوي رئيس مهندسين وامي ربت بيت واخوي علي طالب صيدله يدرس بالخارج مرحله اخيره ومحمد اخوي الزغيروني صف خامس راح اما انا صف سادس هالسنه واليوم اخر يوم ادرس بي فيزيا لان باجر امتحاني الاخير
طبعا ميته خوووف لان جد تعبت بهالماده واصلا هاي الماده تخوف ماعرف شصايرلي هالفتره حساسه ههههه
المهم صعدت غرفتي خابرت للشله ( اطياف و بتول وهبه ) واعرفكم عليهم بالبارتات الجايه
&
&
&
#رواية_صديقات_الابدا😻🦋
سوي اعاده توجيه للي تحب يقرا معاك🐣
ويشترك بالقناة ليصلك كل جديد 😊💫
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
صديقات الأبدأ
Narrativa generaleمرحبا بنات وياكم الكاتبه برو اول قصه لي ع واتباد واتمنه تعجبكم وان شاءلله تستمتعون بيه. وتعجبكم واريد منكم دعم ومشاهدة القصة حتى استمرر ولي عدهم قصه وتريد تكتبه تدخل خاص وان شاءلله مااقصر وياكم واحبكممم ❤🥺 مشهد من الاحداث وج رسيله كومي اليوم اخ...
