نبداو حكايتنا مع دارين عايشة مع عايلتها هي و أختها لين توأم عمرهم 16 سنة و خوها الكبير براء عمرو 23سنة دارين عايشة حياتها عادي كيما أي انسان تمشي تقرى هي و أختها و تروح للدار ترقد.
كانت تقرى في روايات الأكشن و الإثارة و الرومانسية من وقت ما بدات تقرى تحلم باش تعيش مغامرة و تعيش قصة حب كبيرة ماي جامي الحاجة هاذي مستحيلة خاطر الحكايات هاذي نلقاوها كان في الروايات. البرا هي طفلة هادية عكس أختها لين شخص كي تخصورلو تخاف منو تخاف من غزرتها تخاف من كل شي فيها ماي هاذي الشخصية تتبدل كي تكون مع عايلتها و صحابها المقربين ليها.خوها يخدم في المخابرات التونسية معندوش برشا أكشن في حياتو خاطر موش معروف يعني من البيرو للدار و من الدار للبيرو. هو و دارين ياسر متفاهمين و مربوطين ببعضهم تحكيلو كل شي متخبي عليه حتى شي موش كيما علاقتو مع لين تحسها باردا برشا. فتكم في لحديث خلينا نبداو روايتنا.
-زعما دارين مش تكمل حياتها عادي كيما أي انسان و لا القدر مخبيلها برشا حكايات؟
-شمش يصير لدارين و شنو الحدث إلي ماش يبدل حياتها؟
#هاذا الكل مشنعرفوه في الحلقات الجاية.
يزي بلا توخير خلينا نبداو لحداث متعنا.
#دارين
#شيماء الحنشي
...............................................
