تحكي و أنا موش معاها جملة....
-دارين...داااريييين..
-تي شبيك تعيط أكا فجعتني
-ما قالك حد أسرح.....هاي فاش سرحت..ااااه
-شبيك تعيط
-تطلعش مضروبة في شكون و ماحكيتليش
-ههههه مخك مشا لبعيد برشا
-دارين
-اممممم
-غدوة لانيفارسار متاعنا...
-اممم
-تي شبيك قولي كنك ما تعرفش أش نقصد
-لين إلي مش يصير أنا راضية بيه أصلا تعرفني مانحبش الحفلات هاذوما
-أما يا دودو....صحابي قالولي اش مش نعمل في l'anniversaire متاعي
-لين عيش أختي تعرف أنو أحنا معملناش حفلة حتى مرة نورمالموا تعودنا
-أما يا دارين صحابي لكل كل عام يعملوا حفلات علاش بابا و أمي ميخموش باش يعملونا حتى حفلة صغيرة
براء يحكي:
روحت من لخدما تاعب دوب ما وصلت مشيت لبيت دارين كي العادة باش نطمن عليها و نحكيو شوي...مالقيتهاش عرفتها بحذا لين....مشيت لبيتها جيت باش ندق لباب سمعتهم يحكيو على l'anniversaire متاعهم حزنت عليهم برشا آخر مرا عملوا l'anni متاعهم وقت كان عمرهم 3سنين و قتها تبدلت حياتهم هاذاكا علاه بابا ماعدش يحب يعمليلهم حفلة. كنت باش ندخل ياخي بطلت... جاتلي فكرة لحكايا مر علاها 9 سنين مستحيل تتعاود مشيت للبيت متاعي و كلمت أوس صاحبي:ألو
-وااااو و أخيرا سي براء شرف و طلب
-ههههه أوس حاجتي بيك في قضية
-هههه كان ماتقولي ماني نعرفك ماتكلمني كان على فضية و خاصة فهاد الوقت باز très important
-باهي اسمعني...غدوة l'anniversaire متع لبنات
-هاي شنو باش يسير
-نحب نعملهم حفلة
-اااااااه....تجنيت ياخي واش قال عمي محمد
-مافيبالوش
-براء نسيت أخر مرة واش سار
-أما لحكاية عندها 9 سنين..سمعتهم يحكيو قلبي وجعني علاهم نحب نفرحهم حتى شوي أكهو
-أما
-مش تساعدني و لا ندبر راسي
-باهي....وين شتعملها
-في ريستورو***
-أوكي تو نحجزلك و نحضر كل شي
-أوس ميرسي....اه و ماتقولش لبابا
-أوكي...ماتقلقش روحك
علقت عليه طول دخلت للفايس نحوس على كونط لوجين أقرب صاحبا لدارين و مايا أقرب صاحبا للين و حكيت معاهم و وعدوني أنهم يستدعاو أصحابها لكل و مايخبروهمش باش تقعد سيربريز
_______________________________________________
-غدوة لبنات يعملو 18سنة
-ما تقلقش روحي كلش قريب يتكشف
-إن شاء الله نحب ننتقم و نرتاح
-مش نرتاحو لكلنا صبرنا برشا منجموش نصبروا نهار
-عندك الحق باهي أنا ماشي تو
-راجع لتونس؟
-لازم نحل كلش بيدي لحكايا حساسا برشا
-أرسلان...نحبك ترجع لهوني كان بيهم
-ماتخممش ماني راجع كان بيهم
_______________________________________________ #زعما أرسلان شنيا حكايتوا مع لبنات و شنوة ماصيرهم؟
هاذا لكل باش نعرفوه في الحلقات الجاية
ان شاء الله روايتي تعجبكم خاطرها أول رواية نكتبها
#شيماء الحنشي
#دارين
