#دارين تحكي:
مشيت لبيت بعد ما رقدت لين أنا نعرف أختي حساسة برشا و ماتنجمش تخبي حزنها.....قعدت عالبالكون نتفرج في المطر الدنيا باردة برشا
#براء يحكي:
مشيت لبيت دارين مالقيتهاش تلفتت نلقي بابا البالكون محلول مشيت نلقاها واقفة و شاردة حبيت نسقسيها تكيت عالباب:شبيها دودو سارحة قلي....
غزرتلي أول مرة نشوفها هكا مشيتلها بستها في جبهتها و حضنتها:دارين مستانسا تخبي على خوك أحكيلي شبيك موش كي العادة
#دارين تحكي
تلفتت نلقاه متكي عالباب دورت وشي منحبش نحكي منحبش نسمع حاجة تصدمني مش نخليها للوقت أكيد تو كلش يتحل قدملي باسني في جبهني و حضني صاي عرف إلي بيا حاجة تو ماعاش يسيبني كان ما نقولوا
-براء.......
-شبيك سكت .....دارين صارت حاجة
غزرتلوا: سمعت أمي و بابا يتحدثوا سمعت اسم راجل على ما نضن اسوا أرسلان المالكي
غزلي تراكيفاه يضهرلي تفاجئ كي سمع الاسم:ياخي تعرفوا شكون؟
غزرلي ندرا كيفاش غزرة مافهمتهاش:لا منعرفوش....شبيك ماسألتهمش
-خاطر سمعت بابا يقول مانحبش نخسر بناتي
-ماتحوط شي في بالك كان فما حاجة مهمة تو يقولولكم....أه...ياخي لين في بالها؟
-لا...ماقولتلهاش.
-باهي بونوي....أه نسيت غدوة ماتعملش بروغرام باش نجي نروح بيكم انتي و لين
-أوكي...بوني
بست و عاناقتوا و مبعد تكيت عالسرير غطاني و تهنا عليا و مبعد خرج
#براء يحكي:
تصدمت كي سمعت لحكاية يعني الموضوع قريب باش يتكشف...... مخي باش يترشق كان عرفت دارين لحكاية معاش بش تحكي معاي خاطر خبيت علاها قعدت متكي نغزر للسقف لين رقدت
#دارين تحكي
صباح جديت أما مش كي عادو اليوم وليت شخص بالغ قانونيا اليوم قفلت 18سنة ماي مام الروتين خذيت دوش صحصحت بيه و مبعد تعديت لبيت لين كي العادة ياربي من هالطفلة متنجمش تقوم وحدها ملا نوامة: لييييييييين قوم 7:00راخي هيا
-يا بنتي ياخي لهدرجة تحبني باش كل صباح تصبح عليا لولا
براء:لا أما خايفة عليك...
