#دارين تحكي
فرحانة برشا تنجموا تقولوا هاذي حفلة نورمال أما بالنسبة ليا لا.... لفرحة لين ديما كل عام فهاد اليوم تكون حزينة منعرش علاش مشيت لصحابي قعدنا نضحكوا معبعضنا
لوجين:بون أناي يا روحي
-عيشك...كيفاش عرفتوا احكيولي
إيمان:هههههه...إسئل لوجين
غزرت للوجين تبسمتلي: و الله أنا معملت شي عملت إلي قالي عليه براء أكهو...
-أمممم...و براء أش قالك
-هههههه كلمني البارح و عطاني لدراس متاع الريستو و اليوم الصباح عطاني الكارتات باش نعمرهم أنا و مايا و نوزعوهم بعد ما تروحوا..
-يطلع منوا سي براء هاذاكا علاه قالي مش نروح بيكم
ميار:آو...راني موجودة
الكل:ههههه...
-ماشوفناكش
قحرتلي و قالت:أنا باش نسامحك على خاطرو اليوم عيد ميلادك
-هههههههه...مقبول
طفا الضو شوي و مبعد عاود شعل غزرت نلقى ڨاتوا كبيرا بثلاثة طوابق....محلاه خويا قداش يحبنا و يحس بينا...قربت أنا و لين شدينا السكين و قطعنا الڨاتوا معبعضنا....الناس الكل صفقوا لين فرحت برشا..عنقنا براء هو كان أول واحد مادلنا الكادوات متاعنا
لين:يااا....براء هاذا الكل و زيد الكادو يعيشك
-إيجا هنا أنتي ياخي شكون عندي أني
غزري جبدني ليه عانقتوا بكل قوتي هو سندي بلا بيه منجم نعمل شي .....و أحنا هكاكا فرحانين و صحابي بداو يعطيونا في الكادوات دخل راجل غزرتلوا موش كبير في العمر يعمل 20سنة وقف قدامنا و قال:أوو لبنات...تعملوا أني فرسار و ماتستدعونيش غزرت لبراء يقحروا في قحرة متاع موت لين جامدة في بلاسطها ماهي فاهما شيء و أنا زادة
براء:لؤي أش جابك تو
-لا عاد.... كان أنتي تهني خواتك .....حتى من حقي نعطيهم كادوا عيد ميلادهم
تصدمت ما لقيت ما. نقول قعدت نغزر أكهو تلفت ناحيت لين لقيتها جامدة قطع الصمت متاعنا صوت أكا الطفل:بون أناني mes soeur زدت جمدت غزرت لبراء نسأل فيه بعيني ما جاوبنيش هبط راسوا غزرت للين كي بدات تضحك:هههههههههه ياخي فاش تحكي أنتي أما أخت تحكي عليها هادي لعبة و لا شنو
