دارين

الحلقة 5

-ااا....إلي قالهم ..هو.....هو...أأ..أرسلان

بابا و أمي تصدموا

-أاااا..فف..فاش تقول براء أأرسلان ففي دزاير و ميجيش لتونس

-هاني جيت لتونس

غزرت لمصدر الصوت نلقاه هو أمي مشاتلوا تجري ولات تصيح عليه و تضرب فيه فصدروا :أش مرجعك بعد السنين هاذي الكل ....علاش رجعت

وقفت تتنفس بالقوي مشالها بابا جبدها منوا

-سيبني سيبني يا محمد خليني نقتلوا و نرتاح....أاااااااه ياربي بنتي من جرايروا بين الحياة و الموت و الأخرى مش تموت على أختها....بدات تدفع في بابا و تقولوا:بالله يا محمد سيبني ...بالله

-اهدي يا احلام...اهدي شوي أمانك....يزي أمانك

#دارين تحكي

متكية فوق السرير نغزر للسقف دموعي ما حبسوش نحب أختي

نحب أختي و أنا هكاكا نسمع في صياح أمي تفجعت نسخايل لين صراتلها حاجا خرجت نجري و ياليتني ما خرجت شوفت أكا الراجل يقول:سيبيني أنا إلي لازم نعاقبك بعد ما خرجت من الدار أكا النهار و هزيت لبنات و خليتلي ورقة.....و ولا يصيح : علاه هزيتهم هما بالذات علاه شبيك خليت ولدك و هزيتهم هما

-تسأل عندك عين و تسأل أه....أه كلمني..... أنا ريتك بعيني وقتها كان مشفتكش كنت منصدقش ريتك بعيني أنتي و الللا إلي معتبرتها صاحبتي و نحكيلها كل شي .....نسيت و لا نذكرك...صحيح قلبي وجعني وقت خليت ولدي أما تلزيت...تلزيييييت فهمت

قعدت واقفا في بلاستي ما عاد فاهمة شي شكون بابا و أمي الحقيقين ياربي باش نطرشق....قدمت بحذاهم غزرلي أكا الراجل :شوفت شوفت و لا وين وصلوا لبنات ميلي راوك أمشي من هنا ....أمشي

-ههههه ضحك ضحكة سخرية:تحلم...تحلم أنا مشيت أكا المرة خاطر مصلحتهم و أنتي تعرف......أمممممم و نذكر وقتها وعدك إني باش نرجع شي يوم و هاني رجعت

قدم منوا براء و دزو التالي :اقلب وجهك من هنا ما حجتناش بيك

جا أكا الطفل إلي جاء معاه و بعد براء:منسمحلكش تمسوا بالطريقة هادي و أحترم نفسك و إلي أكبر منك

غزرت لأمي لقدمت لأكا الطفل و قالت:ل ل ل ....للؤي...ولدي لؤي

ياربي باش نترشق شني كل مرة نسمع حاجة تزيد تصدمني

-ستوووووووووووب...ستوووووب يزي...ستووب...شنو هاد إلي يصير أنتي على أما بنات تحكي عليهم و أنتي أما ولدي متاعك أهو ولدك...أهو براء ولدك شكون هادا في لحظة تقوليلوا ولدي وأنتي بابا اتكلم واحد جاي يتبلى عليك و يفكلك في بناتك و أنتي ساكت ....بابا أتكلم دافع على روحك قول ألي مافماش حتى طفلة تهمك هنا قولوا إلي هادوما بناتي