وخز دبابيس لأنك تعنيني

23

#وخز_الدبابيس
(#لأنك_تعنيني)
بقلم ايناس ادم
-٢٣-
_إحتمالية إنو يخش في غيبوبة دي حاجه متوقعة،،بس حاليا الدكتور ما ح يقدر يحدد شي ما لم فارس يصحى بعيدا عن الإصابات الخارجية ممكن تكون في أصابات داخلية ودي أخطر طبعا زي مثلا فقدان الذاكرة ده احتمال لانو الرأس اضرر اكتر من باقي الجسم+الجزء الشمال كمان الاصابات فيهو كتيرة وده جزء حساس نسبة لوجود القلب طبعا 💔،،فما عارفة ده تحليلي لحالتو،،،قولته ليها ربنا يلطف بيهو ياخي،،،اخدت نفس وقالت لي ياريت كان جيت ابدر من كده،،ايناس لو حصلت ليهو حاجه أنا ممكن أموت 💔،،،قولته ليها تسنيم م تفكري في الحاجات الكعبة،،ربنا ما يجيب الشينة،،،،بعدها العملية التانية حقت فارس بدت،،،لمدة كذا ساعة الدكتور جوه والناس دي كلها اعصابها مشدودة،،،خالتو فتحية كانت ماسكة سبحتها وجنبها خالتو سعاد وامي،،،،احمد كان بمشي ويجي ما قعد نهائي،،،خلص كذا إجراء في المستشفى ورجع البيت جاب عربيتو وجاا المستشفى مع جيتو الدكتور طلع من غرفة العمليات،،،كلنا وقفنا وبقينا نعاين ليهو،،،احمد اتقدم ومشى عليهو قال ليهو العملية كانت كيف؟،،فارس صحى؟؟،،،الدكتور قال ليهو م بقدر احدد حاجه حاليا مالم المريض يصحى،،ال٤٨ساعه الجايات ديل ح تحدد حالتو واذا ح يتخطى مرحلة الخطر ولالا،،،،احمد قال ليهو أنا عاوز اعرف بالظبط راسو اضرب شديد،،،الدكتور قال ليهو ايوة الناحية الشمال وربنا لطف انو العين ما اتصابت،،بس هو اول ما يصحى كل حاجه ح تتوضح⁦❤️⁩بعد اذنكم،،،،،تسنيم قالت لي شفتي 💔يارب يصحى خلال اليومين ديل 💔،،،قولته ليها الغيبوبة ممكن تستمر اسبوع شهر سنة م معروفة،،،بس طالما الدكتور قال يومين معناها أن شاء الله ح يصحى⁦❤️⁩،،،فضلنا في المستشفى لحدي العصر،،إيڤا اتصلت على أمي وعرفت منها الحاصل،،،ادتها اتكلمت مع خالتو سعاد وفتحية،،طبعا عذروها علشان هي ما كانت عارفة وعلشان حملها صعب شوية،،،،اتكلمت مع تسنيم مساااافة،،تسنيم قالت ليها بعد اطلع من المستشفى بجيك،،،قالت ليها طيب تمااام⁦❤️⁩،،،احمد طول الوقت كان قاعد بس وبعاين للحوالينو بدون ما يرمش حتى،،جاتني فكرة بس ما عارفة إذا ح تخفف عنو ولا توجعو،،،قبل تسنيم تطلع من المستشفى مع أمي قولته ليها تسنيم إنتي كنتي شغالة هنا يعني أكيد تعاملك مع الطاقم الطبي حلوو صح؟،،قالت لي أيوة،،بس ليه؟،،قولته ليها ممكن تدخلي أحمد لفارس،،خلي يشوفوا،،قالت لي ما أعتقد الدكتور يوافق،،،وبعدين ما مسموح لزول يخش على مريض حالتو بالخطورة دي،،،قولته ليها تسنيم عليك الله حاولي أن شاء الله يشوفو من بعيد بس،،عليك الله،،،عايني حالتو،،،طبيعي سرحان وخايف على اخوهو،،قالت لي لو شافو يمكن يخاف اكتر 💔،،،عموما ح اتصرف،،،غابت حكاية ١٠دقايق وجات راجعه،،قالت لي بعد طلوع روووح واحده من الممرضات وافقت تدخلو وهي ح تدخل معاهو،،،قولته ليها بالجد،،،قالت لي ايوة استعجلي خلي يجي قبل نتكشف وتبقى مشكلة،،،قولته ليها ثواني،،،مشيت ليهو ومترددة بمشي خطوة وبرجع،،المهم وقفتا قدامو قولته ليهو أحمد،،،رفع راسو وعاين لي،،،قولته ليهو عاوز تشوف فارس؟؟،،قام على حيلو وقال لي بقدر اشوفو،،،قولته ليهو ايوة تعال معاي،،،مشينا لتسنيم كانت ماسكة لبس الممرضين،،،خلتو يلبسوو،،الممرضة قالت ليهو دقيقتين بس وح نطلع طيب وما تنفعل ابدا أو تقرب من المريض،،،فعلا دخلوا،،،،،،احمد كان بعاين لفارس ودموعو على وشك تنزل،،،الاجهزة مغطية كل جسمو،،،راسو شبه متهشم،،،رجولو ملفوفة،،في ضربة على كتفو اليمين،،،فضل يعاين ليهو وكان نفسو يقرب،،كان نفسو يهبش راسو ووشو،،،نفسو يصحي 💔،،شكلو زي الزول النايم،،،دموعو نزلت على وشو وحتى ما لاحظ ليها عشان يقدر يتحكم فيها،،،الممرضة قالت ليهو الدقيقتين خلصت يا أستاذ،،،يلا نطلع،،،،اول ما طلعوا مشينا عليهم احمد طلع اللبس واداهو لتسنيم،،شكلو وهو بالمنظر ده وجع قلبي بالجد 💔💔وراني قدر شنو هو متعلق بفارس 💔،،،تسنيم قالت لي أنا امشي بعد كده ضروري امشي لايڤا اليوم بس بكرة بجي،،قولته ليها طييب سلمي عليها،،،بعد مشت التفتا عاينتا لأحمد كان بمسح دموعو تاني بتنزل بمسحها 💔،،،قال لي ارح لناس أمي عشان ارجعكم البيت،،،قولته ليهو طيب،،،نزلنا تحت لقينا ياسر قاعد مع خالتو فتحية ورهام ورنا،،،رهام قالت لي عمو آدم وخالتو سعاد طلعوا اسي،،قولته ليها اهاا،،،احمد قال ليهم يلا يا جماعة ارح اوصلكم البيت،،،خالتو فتحية قالت ليهو كيفن امشي بس يا ولدي واخلي اخوك بحالتو دي امس خليتوني امشي الليلة ما بقدر،،،قولته ليها بس هو ح يبقى كويس يا خالتو،،قعدتنا في المستشفى ما ليها اي فايدة،،وبعدين إنتي عاوزة تفضلي ترهقي نفسك كده كتير طيب لما فارس يصحى ويلقاك بحالتك دي ح يقول شنوو؟؟،،،اكيد ح يلومنا كلنا أننا ما اهتمينا بيك،،عشان كده خلينا نرجع البيت،،وبعدين أحمد هنااا،،يعني أكيد ح يخلي بالو منو⁦❤️⁩،،،سكتت وما ردت علي،،،رنا قالت ليها إيناس بتتكلم صح،،يا أمي إنتي أمس من التفكير الضغط بتاعك ارتفع،،،عليك الله ارجعي