وخز دبابيس لأنك تعنيني

14

#وخز_الدبابيس
(#لأنك_تعنيني)
بقلم ايناس ادم
-١٤-

_بقيت اعاين للبنات الضحكوا فيني بغيييظ😭😭،،،واحده قالت لي معليش على السفهه تكبري تنسي حبيباه 🙊😂😂😂💔،،،ابتسمتا ليها وعملتا الموضوع عادي،،فضلنا في موال الغداء لحدي ما غدينا الناس كلها،،،،اساسا العرس كان في البيت بس عاملين صالة متحركه في الميدان الجنبنا،،،،قبل المغرب بشوية كده أمي قالت لي امشي لاختك دي بتكون براها،،،قولته ليها واخليك براك مثلا،،قالت لي اي،،المهم هي،،،كيف تجي مع اخوات راجلها،،،اسي لو تسو كانت هنا اكيد كان سمعت كلامي ومشت،،،قولته ليها طيب طيب ح امشي،،،،ادتني قروش وقالت لي اظبطي ليك ميك اب حلو كده،،،قولته ليها اوكي 😂😂شلتا فستاني ولبستا لي عباية،،،،طلعتا برة طبعا الرجال كانو كمية،،،لمحتا ماجد من بعيد اشرتا ليهو جاني،،،قولته ليهو اسمعني عاوزة امشي الكوافير،،قال لي إيناس الله يسألك شكلك ده شكل كوافير 😂😂😂،،،قولته ليهو ماشة لإيڤا يا حيوان 😒،،قال لي لو كده معليش،،،ثواني اشوف لي عربية اوصلك بيها،،،مشى وجاني راجع،،،قال لي ارح،،،،مشينا محل العربات واقفة،،،فتح العربية وركبنا،،،قولته ليهو دي حقت منو؟!،،،،قال لي حقت أحمد،،،قولته ليهو اهاا 😑،،،،وصفتا ليهو الكوافير،،،وصلنا جيت انزل قال لي استناك؟،،قولته ليهو لاا امشي،،،انا بجي مع العرسان يا بابا 😌😌،،،قال لي طيب 😂،،،،دخلتا الكوافير وبقيت اتلفت،،،اتصلتا على إيڨا كلمتها اني جيت وكده،،قالت لي تعالي في الطابق الفوق،،،قولته ليها طيب،،،طلعتا فوق لقيتا قااعده،،،خلصوا ليها من الرسم وكان خلاص بتجهز عشان تلبس الفستان،،،،قولته ليها الرسم اوڤر ماشاء الله 😭⁦❤️⁩⁦❤️⁩⁦❤️⁩،،،جات علي وعيونا اتملت دموع حضنتني وقالت لي إيناس أنا مبسوطة شديد⁦❤️⁩،،،قولته ليها الله يبسطك كمااااان وكماااان،،،قولته ليها تعالي نتصل على الكلبة الاسمها تسنيم دي،،،قالت لي خليها بعد البس الفستان،،،انتي انزلي تحت لو عاوزة تظبطي شعرك أو وشك،،،قولته ليها طيب،،،،نزلتا تحت لقيت بت بتمكيج،،قالت لي جهزي نفسك في الغرفة ديك اول بعدين تعالي ابدا ليك،،،دخلتا الغرفة لبستا فستاني،،،كان لونو أحمر شااااين⁦❤️⁩من غير ايادي بس عندو حركة كده حلووه نازل شوية من اكتافي ومن تحت فيهو حبة فرة،،،،لبستا معاهو كعب بالابيض واكسسوارات بالابيض،،،مشيت للبت مكيجتنييي⁦❤️⁩،،،واساسا شعري كان ظاهر إنو مقصوص فبس شقيتو من النص وخليتو 😂😂،،،،،بعد شوية إيڤا جات نازلة،،الفستان كان خراااافي على الميك اب على رهابة الرسم ماشاء الله بالجد⁦❤️⁩⁦❤️⁩،،،،كانت عاوزة تبكي وتتعاور 😂😂،،،قولته ليها اوووعك بتبوظي الشي ده اووعك،،،بقت تاخد نفس،،،بعديها شلتا تلفوني واتصورنا،،،انا حرفيا كنتا مرهقة شدييد 💔مستنية متين المواضيع دي تخلص عشان انوم بس،،،،اتصلتا على تسنيم ڤيديو بقيت اوريها في شكل إيڤا⁦❤️⁩،،،قالت لي ماشاء الله تبارك الرحمن حلوة حلوة حلوة تتهني⁦❤️⁩،،،نينا حصنيها،،،قولته ليها راجلها مخير بيها أنا مالي 😒،،،قالت لي الغيرة الغيرة 😂😂😂💔،،،طبعا كالعادة ما ورتنا وشها بس كانت خاتة صحن سلطه قدامها،،،،قولته ليها تسنيم الخساسة شنو ما عاوزة تورينا وشك،،،قالت لي ماف شي بس عايزاكم تشتاقوا لي 😂😂😂،،،قولته ليها انننننننن،،،قدي يلا،،،قفلتا منها وكنتا شبه دايخه،،،النور جاا متين واتصورنا متين ووصلنا البيت متين انا ما عارفة م كنتا مركزة ابدا 💔،،،،لما وصلنا البيت،،،ما دخلتا الصالة اصلا،،،مشيت البيت طوالي،،،اكلتا لي سندوتش جبنة وشربتا عصير،،،قعدتا شوية وبعدين طلعتا،،،،،الناس كلها الموضوع ما كان عاجبهم،،،يعني بس فضلوا يتكلموا ويقطعوا لدرجه إنو امي اتحسست وكم مرة بتقوم تقول عاوزة تسألهم،،،قولته ليها عايدة اقعدي وصلي على النبي لو سألتيهم ح تقيميهم،،خالتي "ام مازن"،،،قالت ليها أنا نهائي ما بسألك يا عايدة رميتي بتك في النار بيدك حتى راينا ما اخدتي،،،الله بسألك بعدين،،،اامي قالت لي شايفة كلو بسببكم انتو،،،قولته لخالتي خلاص الموضوع ده بقى عاينوا ايڨا مبسوطة كيف ما تمسخوا عليها اليوم ده بليز يعني⁦❤️⁩،،،،،الحلفة خلصت،،،جرتقوا العرسان وودعناهم 💔،،،قولته لنفسي يدوب كده البيت ح يمسخ لي جد جد💔💔،،،،إيڤا قبل تطلع العربية كانت بتوصي فيني علي امي،،،قولته ليها ما تشيلي همها⁦❤️⁩،،،واخيرا غرفتك ح تبقى لي 😂😂😂😂،،قالت لي إيناس ما تغيظيني بقوم اسي اطلق الا غرفتي فاهمه 😂😂💔،،،،بعدها مسكت يدي مسافة وقالت لي عليك الله خلي بالك من أمي وما تزعليها طيب⁦❤️⁩،،،قولته ليها من عيوني والله،،،،بعد العربية اتحركت التفتا اشوف أمي،،،لقيت أحمد واقف على بعد متر مني وبعاين لي،،،بقيت أحمر ليهو،،،رفع حاجبو واتحرك طوالي 😂،،،رهام جات وقالت لي طالعة حلووووة⁦❤️⁩⁦❤️⁩،،،قولته ليها عيونك الحلوة يا حبيبي إنتي،،،قالت لي إيناس إنتي ما ينفع تتزوجي ليك واحد يمرمطك ابدا 😂😂 ماشاء الله رقة وحلاوة لسان وتطييب خاطر لاي زول،،لا حقيقي إنتي محتاجه راجل راجل يعني 😂😂?