وخز دبابيس لأنك تعنيني

24

#وخز_الدبابيس
(#لأنك_تعنيني)
بقلم ايناس ادم
-٢٤-
_ما ح اقدر اوصف ليكم حالة أحمد كانت كيف لما سمع كلام الدكتور💛قال لدكتور شكرا شكرا شديد،،الدكتور ربت على كتفو وقال ليهو ح تقدروا تشوفو بعد ننقلوا،،ومن خلال كلامكم معاهو ح نعرف اذا فقد ذاكرة ولالا!،،احمد قال ليهو طيب تسلم يا دكتور،،،بعد الدكتور مشى خالتو فتحية قالت الحمد لله رب العالمين الف الحمد لله قلبي كان ح يتقطع 💔💛،،،رهام بس كانت بتبكي،،تسنيم جات وقفت جنبي قالت لي صحى يا ايناس واخيرا 💛م تتخيلي أنا مبسوطة كيييف،،قولته ليها ولسة ح تنبسطي بس ربنا يتم عافيتو 💛،،،بعد حكاية ساعة تقريبا او اقل نقلوا فارس غرفة تانية،،اول شي دخلت امو ورهام ورنا ما قعدوا كتيير،،بس لما طلعوا قالوا لينا شكلو كويس وما عليهو حاجهه 💛،،،احمد قال ح ادخل اشوفو،،،تسنيم مسكتني من يدي وقالت ليهو نحنا كمان ح ندخل معاك 😁،،،فعلا دخلنا،،،كان راقد وبعاين فوق،،احمد مشى عليهو،،فارس قال ليهو بصوت ضعيف خفتا صح!!،،،احمد قال ليهو م تعمل كده تاني،،،فارس قال ليهو يعني خفتا هههه،،،ختا يدو على يد فارس وقال ليهو عمري ما خفتا زي خوفي عليك طول الفترة الفاتت،،سكت شوية وقال ليهو شد حيلك يلا يا بطل عشان ترجع زي اول واحسن،،قال ليهو لا أنا حديييد لو عاوزني اقوم انط اسي بقوم 😂😂،،،تسنيم قالت ليهو أحم احم لف راسو ناحيتنا،،طبعا هو شايف ممرضة واقفة معاي ما ركز في ملامحها وافتكر أنا العملتا الحركة 😂😂😂قال لي مرت الاخ 💛💛،،،قولته ليهو الف سلامة عليك وان شاء الله ما تشوف شر تاني،،قال لي الله يسلمك،،تسنيم تاني رجعت عملت احم احم 😂😂،،،بقى يعاين ناحيتنا وما ركز برضو،،جات وقفت في وشو قالت ليهو والله انت سغيييل بشكل ما طبيعي معقولة م عرفتني،،،فضل يعاين ليها والصوت ما غريب عليهو اصلا،،،قال ليها أنا بعرفك؟!،،صراحه ما متذكرك والله اعفي لي،،،قالت ليهو فارس للدرجه دي أنا اتغيرتا،،عاين لأحمد وقال ليهو دي منو بلغة العيون 😂😂،،احمد ابتسم وحك لحيتو،،،تسنيم قالت ليهو طيييب طييييب أنا تسنيم،،،تسنيم يا فارس،،،ما تتخيلوا كان مصدوم كيييف 💛💛💛😂،،،قال ليها تسنيم!،،تسنيم الواااااحده دي،،،قالت ليهو امممم الواااحده دي 😂😂،،،بقى يبتسم ويرجع يقول ليها تسنيم بالجد تسنيم 😂😂،،،،فضل قرابتن خمس دقايق بالحالة دي،،في الآخر سلم عليها وابتدا يسألها عن اخبارا وكذا 💛💛،،،،لحدي المساء كنا في المستشفى،،فارس قال لامو عليك الله يا أمي ارجعو البيت وبعدين أنا كلها يومين بس وح ارجع ثم ثانيا رهام قالت لي انك زعلانة منها،،،رهام قالت ليهو هي فعلا زعلانة بس ليها حق 💔،،قال ليها لا ابدا ما ليها حق،،ح تدخلوا في القضاء والقدر كمان،،،انا ما فيني شي يا أمي ورهام ما عندها ذنب،،وحتى لو ما هي قالت لي اطلع كنتا ح اطلع عشان الحادث ده مكتووووب 💛،،،قالت ليهو الله يديك العافية التااامة يا ولدي،،قال ليها اللهم اميين خلي بالك إنتي بس من نفسك وانا هين بعدين ارجعو كلكم ما عاوز زول يقعد معاي غير أحمد 💛،،احمد قال ليهو يا زووول،،قال ليهو والله 😂😂،،ياسر وماجد واسماعيل وناس ابوي جووو سلموا على فارس وبعدها طلعوا،،،،،،احمد قال لينا طيب يا جماعة ارح اوصلكم،،فارس قال ليهو م تتأخر علي بمياعة كده😂😂😂😂تسوو ماتت بالضحك قالت ليهو عوارتك دي ما ح تخليها 😂😂،،احمد ختا يدو على رأس فارس وقال ليهو ما بتأخر أنا لو حسيت بأي حاجه او شي وجعك كلم تسنيم وخلي الدكتور يجي يشوفك اتفقنا؟؟،،بعد مسافة انتبه على نفسو إنو بوصي في فارس،،بقى يكح وبعدين طلع قدامنا،،،،طول الطريق كلهم بحكوا عن فرحتهم بصحيية فارس الا أحمد كان مركز في سواقتو لمن وصلنااا....