وخز دبابيس لأنك تعنيني

31

#وخز_الدبابيس31
(#لأنك_تعنيني)

_ما كنتا مركزة إنو أحمد واقف اساسا بالي كلو مع بتي وعيوني عليها 💕🌸دي بتي أنا حتةة مني،،ضميتا علي وانا دموعي نازلة،،،احمد قعد جنبي وبقى يعاين لي وليها،،قولته ليهو أحمد شوف بتنا 💕،،،قال لي حنين ✨🌸،،بقيت أعاين ليهو بإستغراب لأني خاتة في بالي اسم ريل،،،قال لي بعد اذنك نسميها حنين ✨💕عشان هي القربتنا لبعض وخلت بينا مودة ورحمه وحنية 🌸💕بعد اذنك ممكن اسميها حنين؟؟،،،عيونو وهو بقول في الاسم وربكتوو قولته ليهو ومالو نسميها حنين ✨💕حنين أحمد الحكيم....قال لي مبروووك وان شاء الله من البارات الصالحات 💕💕.

اسم حنين الاخترتو لبتي كان بالجد يستاهلها لانو كل حاجه بتخص إيناس حتى في شكلها بتكون عبارة عن حنية وهي طول فترة بعدها عني وقعادها مع امها كنتا بحن ليها وبستنى اليوم اللي ح تجي فيهو وتنور بيتها هي وبتهااا 💕💕،،،،عملتا السماية في اليوم السابع 💕،،ما كنتا بعرف اشيل بتي وبخاف ارميها إيناس كانت بتمسكني ليها وبتمسك يديني من تحت 💕💕،،،قعدت فترة ال ٥٠يوم عند أهلها بعد الولادة،،بعدها رجعت،،،رجعت راسمة حنة رفيعة شديد لابسة فستان باللون الكبريتي وملبسة حنين فستان وردي،،انا اتفاجأتا بيهم لما جووا،،قولته ليها ليه ما قولتي لي جايين؟؟،،انا كده كده ماخد إجازة كنتا ح اجيكم،،قالت لي حبينا نعملا ليك مفاجأه،،، حنين عايني بابا العصبي اشتاق لينا شكلووو 🌸💕،،بستا راس بتي وقولته لايناس البيت كان فاقد نور،،،قالت لي نوري أنا ولا بتك؟؟،،،قولته ليها على ما اعتقد إنو اليوم اول مرة بتي تجي صح بس في ناس تانية ليها فترة عايشة هنا واكيد عارفة إنو النور نورهم....🌸💕 بعد كذا يوم فارس رسل لي الفيديو حق ولادتي وصوري 😂😂😂🤦في صورة كده أنا واحمد كنا بنعاين لحنين 💕🌸عجبتني شديد لدرجه اني رسمتها وعلقتها في غرفتنا.....💕🌸.

بعد ولادتي لحنين بكذذذذاااااا شهر يدوووب عرفتا قدر شنو أحمد ده طفل 😂😂💕 مستعد يفضل اليوم كلو بلعبهااا ويعمل حركات بس عشان تضحك 💕💕،،،،مرة كان طالع الشغل وهي بتبكي شديد حالفة ما تسكت،،،احمد جهز نفسو وكان بعاين ليها،،قال لي بتبكي كده ليه ما تكون في حاجه وااجعها!!،،رضعتيها صح!!،،قولته ليهو أيوة بس ما عارفة مالا شالا مني بعد اتجهز حام بيها البيت كلووو ما سكتت لحدي ما وصل جنب الباب أداني ليها وطلع ما اظن وصل باب عربيتو جاا راجع 😂😂شالا مني وبقى بقول ليها في شنو بس يا بابا هااا بتبكي كده ليه؟؟،،تقريبا ساعة بهز فيها وبتكلم معاها لحدي ما نامت 💕،،،قولته ليهو امممم حنين شكلها قاصدة تعمل حركات بس عشان انت تقعد قصادها،،،قال لي ومالووو،،،هي بس تكون بخير وانا مستعد اخلي اي حاجه وافضل جنبها...💕🌸مشيت ناحيتوو وقولته ليهو جنبها بس؟؟،،،قال لي وجنب امها..💕🌸

_________________________________

بعد حنين عملت سنةة ونص💕🌸كانت يدوب بتمشي دبدوبة كده 😂😂في يوم مشيت بيها لناس تسنيم،،،،فارس قال لي البت دي ح تطلع قصيرة شكلها 😂😂،،قولته ليهو ومااالهم القصار،،قال لي إنتي منهم 🤦💕😂😂😂يارب بت اخوي تطلع طويلة،،،قولته ليهو ما مشكلة البت الجاية تطلع طويلة عليكم يا اخوي 😒😒،،قال لي لالا أنا بستنى بتي بس مالي ومال استنى اولاد الناس وانظر 😂😂،،،تسنيم جات بكرشتها طبعا 😂😂مدت لي كباية العصير،،،قالت لفارس اشحد ربنا بتك ما تطلع زي زمااان هاا 😂😂،،قال ليها ومالك زمااان يااا بت انتي زمان كنتي قطعه شوكلاتة عليها سكررر كتيير 💕💕،،،زمان حلوة شديد واسي احلى يعني ما فرقت بتي ح تجي كيييف المهم فيها منك،،،تسنيم قالت ليهو فارس ما تكون شربتا حاجه 🙂🙂بتجيب الكلام ده من وين اكيد ما من قلبك 🙂🙂؟؟،،،قال ليها من بطني🙂،،،ولاااا تضايقي نفسك أنا بسحب كل كلمة قولتها إيناس خليك شاهده أنا ما قولته شي 🙂🙂،،،ياخ اليوم داك ضحكتا ضحكك 😂😂😂💕،،،،،لما رجعتا البيت حكيت لأحمد بالكلام ده وانا بنوم في حنين،،،ضحك وقال لي ديل مجانين ساي،،،اليوم كان حلو شكلو؟؟،،قولته ليهو جدا جدا 😂😂😂💕،،،بعد نومتا حنين قعدتا ارسم بعد خلصتا،،فوفة اتصلت علي صوتها يجيب الرايح 😂😂😂،،قالت لي اتحبس وما تجيني ووووو،،،قولته ليها أنا وحنين نكون عندك الاسبوع الجاي مالووو حبيبي مضايق بس😘😘،،قالت لي كلبة بحبك فصلتيني😂😂،،،""""""طبعا من ايام المزرعة وكده هي وياسر كانوا متواصلين وارتبطوا فترة كويسة بعدين اتقدم ليها وعرسها فاضل عليهو شهر 🔥 ورهام وافقت بمحمد ود عمتها وعملت خطوبة بسيطة بس وماحددوا العرس لسة🔥"""،،،دخلتا غرفتي لقيت أحمد في سابع نومة قربتا منو وبستو في خدو💕،،،رقدتا نومتااا....