انتقام مارينا

البارت ⁴

     ✨ العيون استراحن هودن بالشوف ✨

                        البارت :الرابع

                      ‹‹انتقام مارينا ››

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

احمد

شفت اخر شخص متوقع أن اشوفه مره ثانيه مارينا
هي وياها بنات اثنين ‚ انتچيت اباوع الها بإعجاب
ملابس رسميه سوده صارت عيني على أيدها بيها أكثر من محبس ‚اظافرها اسود مصبغتهم ‚كلشي بيها مرتب ويجذب المقابل الها .

فزيت من صفنتي على مصطفى الي سحگ على رجلي حچه بإستغراب .

مصطفى:اگلك هاي مو ماري فشخه ؟

احمد :ها !

مصطفى :وجعا شبيك؟ گدامك شوفها .

احمد :رجعت باوعت الها حجيت بشرود
"اي هي .

مصطفى بضحكه :شجاك شو صرت فاهي ؟

احمد :دفعته عني ضحك حجيت بنفاذ صبر

"شبيك تضحك ؟ بعدين انچب شني فاهي

مصطفى :تسرسحت بعد اخوك ‚قابل مچذب أنه ؟

احمد :مصطفى !

مصطفى بضحكه : تعال عاتبني إذا ماطلعت معجب بيها‚صارلك سنين تصيح مااريد احب وهسه واگع على وجهك.

احمد : اكل نعل واسكت ‚ماوگعت .

مصطفى بضحكه :اي چذب چذب مبين معجب بيها ‚عيونك صلفات كل شويه تباوع عليها.

احمد :حجيت مغير الموضوع لأن ادري بي راح يضل يلح
"دكافي اسكت شگد تلح ‚شوكت يجون الولد ؟؟

مصطفى :خوش تغير الموضوع هسه شويه ويجون .

احمد :بقيت ساكت كل شويه عيوني تروح الها ‚گاعده اباوع للبنات الي يمها هنه يصورن ويضحكن وهي تبتسم بطرف شفتها ‚فزيت على مصطفى الي ضربني على راسي حچه بضحكه .

مصطفى :خويه كوم روح يمها مو طاحت رگبتك سوده عليه .

احمد :مصطفى انچب كافي شبيك ؟

مصطفى :شوف نفسك من شفتها لهسه وضعك تخربط ‚ لاتنكر الحقيقه .

احمد :شلون يعني اصير اعمى مااباوع ؟ شو وخر عني.

مصطفى :لا حبيبي باوع محد مانعك .

احمد :قاطع كلامنا صوت الولد اجو حچه بضحكه مثل كل مره

محمد بضحكه :ها *** شلونكم؟

مصطفى :لك هلا حبيبي مسمد.

محمد :ها حميدان شلونك ؟