نور الظلام

∞رصاصات مشاعر∞:🪐1🪐

_____________________________

عندها اكثر من4 سوايع و هي على الحالة هاذي ... تغزر للبحر ساكتة ... مهيش مستوعب الحقيقة لي عرفتها ...

"Flash-back"
كانت قاعدة في class...تستنى فساعة وقتاه توفى بش تخرج ...هي هكاكا و يجي القيم معطاتوش أهتمام خاتر مش أول مرة يجي مدامها تقرى مع كلوشارات lycée ...تحمد ربي أخر عام ليها فيه و تهج ...(خاتر السنا elbac تاعها)عيط القيم للprof ...خرجوا لبرا ...درا شنوا قعدوا يحكوا بعدها مشا ...اول ما دخلprof للclass قعد يغزرلها درا كفاش و قال:

_ميرال !الإدارة حاشتها بيك ...هز ادواتك ...إمشيلها خاتر الساعة ماقعدش فيها درجين أخرين و تصوني sonnerie ...
ملول إستغربت خاتر مش مستانسا الإدارة تعيطلها ...قعدت تلم في دبشها و خرجت من غير متقول شيئ ...هي أصلاً تلوج عليها ...تعدت طول للإدارة بش تشوف شنوا فما خاتر تفد بارشا من لحكايات هاذم ...أعطيها تروح لدارهم اكهو..
stop!!
خلينا نعرفكم ببطلتنا
ميرال 17 سنة

___________________________
اول ما دخلت للإدارة عرضها القيم لي جاء ...قلها بش تبعوا ...مشاو لقاعة الإجتماعات ...لقات طفل و معاه راجل إلي أول ما شافها عينوا دمعت ...دخلت القاعة مهيش فاهمة شيئ أما تمالكت أعصابها خاتر حست ب إحساس معرفتش شنوا هوا ...عارفا بش تصير حكايا ...لقت لمدير زاد معاهم سؤلتوا بكل برود عكس لتحس فيه من داخل
_msr علاش عيطتلي
جاوبها
_ميرال أقعد ...تنهد و بعد كمل كلاموا لي زاد دخلها بعضها أما مزالت محافظاا على قناع البرود و عدم المبالات ...
_ ميرال بش يحكوا معاك في موضوع ..بش تسمع للخر لازم تكوني هاديا ...
_مسيوا تنجم تدخل طول في المو....
قص عليها الطفل لي طيش كلمتين ...خلاها تقوم من بلاصتها بل وقت من غير متشعر :
•••_العايلة لي تعيشي معاها مهيش عايلتك
_فاش تخرف نتي
المدير_ميرال شنوا قتلك !!!
ميرال_ يدي لاباس في مخاخكم ...فاش تخرفوا شو كان أنتوما فارغين شغل راني أنا مش كيفكم ...
انس_تلم ..نقص من صوتك ..ترص في بلاصتك .. خيرلك ..
قدمتلوا تغزر في عينيه بكل حدة و غش ..قاتلوا
_ و كان منعملش لي قتلي عليه ..شنوا بش يصير
انس_مهوش بش يصير شيئ يا أخخختيي الغاليا ..
غمزها و قعد يغزرلها بنظرة إستفزازية ...قحرتلوا و كانت بش تخرج أما وقفها صوت الراجل إلي ملي وصل وهو ساكت ...
_ميرال أرجع أقعد مزلنا محكينا شيئ
قاتلوا من غير مدورلوا
_منحكييش مع لي نعرفهمش
جت بش تكمل طريقها أما وقفتها يد انس ...كان متغشش لأخر درجة ...كان قريبلها يغزر لعينيها بكل غش ...كان لقا رو شد كرفصها ..على برودية دمها و اعصابها لي تسيب فيهم ...اول مرة تثبت في ملامحوا خاتر كان قريبلها ...كان يشبهلها بكثرة ..شدها جرها حطها فوق الكرسي لي كانت قاعدة عليه ..رجع لبلاصتوا
انس (عرفش شيحكي بظبط)
_شوا بش تسمعي للخر ...هذا بابا لي هوا بوك انتي ..العائلة لي تعيشي معها مهيش عايلتك نعرف لي نقول فيه مكيش بش تصدقي ...أما كان تحبي هذا Test adn أقريه ...بش تجي تعيشي معانا خاتر حياتك فخطر ...عرفوا لي أنتي من عايلتنا لازم تجي معانا بش تحمي روحك ..عائلتك لي ربتك خاتر بش تولي حياتهم كيفك فخطر ..

ميرال تحكي:
قاعدة نسمع و منيش مصدقة ...نغزرلهم قاعدة نستوعب كفاه قاعد يحكيلي بكل برود ...كاينها حكايا عاديا علخخر و لا سيدي خويا واثق من روحو برشا قاعد يتأمر عليا ..سكت هو و قعدو يستناو فيا شنوا شنقول تحكمت في أعصابي أكثر ما يمكن غزرتلهم و بعد قلت بصوت هادئ .. ( هدوء ماقبل العاصفة نسميه أنا)
_ لي فهمتوا لي انا بش نعيش معاكم ...بش منكونش فخطر ...و نحمي لي رباوني ..موافقة ...نجم نمشي توا ..
مستنتهمش ..بش يحكواا اصلااا غزرتلهم واحد واحد و خرجت .. بعدها مشيت للبحر ..اكثر بلاصة نرتاحلها لازم نمشيلوا بش نصفي ذهني ..و منعملش حتى موصيبة
عندي اكثر من4 سوايع و أنا هوني ..نغزر للبحر منيش مصدقة لحياتي كلها كذبة ...منجمتش تدخل لمخي جملا ..علاه توا جو ..علاااش أصلاً رجعوا و شكون لي عرفوا ..كنت متكيا على الرمل فزيت و عيطت ب أقوى صوتي "علااااااااااااااااش" ..قعدت نتفكر في صغري في لحظات لي عشتهم لكل رميت حجرا و بعد قلت _ ميرال إنتي مش هكاا ..مكيش ضعيفة ياخي بش تتقلقي على حكايا تافها كيف هكا و برا كان طلعت حياتك لكلها كذبة يصير عل les arjell... 😺😺 لازم نكون قوية لازم دنياا بدأت تظلام لازم نروح
دارت بش تمشي ...تري كان ف طفل متكي عل كرهبة و يغزرلها " يا ربي عدي نهار هذا على خير ..إستغفر الله يا ربي شبي سماه هذا يغزر ...ميرال تعرفي شنوا شتعملي بشش تتعدي كما أيها ناس منيش ناقصين مشاكل تفاهمنا_ تفاهمنا كهو أنا هبلت ...وليت نحكي وحدي " قص عليها طفل هاذاكا كي قال
_بنت العم هيا كان مروحة ..خلي نروحوا و أنا من قبيلا نستنا في سيادتك بش نروح بيك ...ربي يهديك يا مراد
_كهو ختمت شكون هذا ..برا عيش خويا غالط ضاهرلي ف طفلة ..اكيد شبهتني عليها
_يا ميرال مانيش غالط بعثني عمي مراد لي ..هوا بوك بش نهزك ف طريقي خاتر نخدم قريب منا ...هيا معاي
_اااااا قتلي ملول لي special dad عمك
ركبت معاه و اتكيت عل بلار بعدها ..تفكرت درتلوا :
ياخي انتي من وقتاه كنت متكي عل كرهبة و تغزرلي نقصد ...وقتاه جيت للبحر
تبسم و قالي:
_من وقت إنتي مشيتيلوا
_فهمتش ...معناها من قبييلااا تستنا فيا؟؟
_اي ...مراد قالي كتكمل تخدم تعدا لميرال خاترها فل بحر و أنا و قتها كملت بطبيعتي ..ياكهو قلت خلي نمشي نهزها توا ...كي لقيتك سارحة خليتك على راحتك نعرف مش ساه .. محبيتوش يكمل شنوا بش يقول خاتر منحب حد يشفق عليا و قتلوا بكل برود
_مم باهي ..كي نوصلواا فززني
حطيت لكيت في وذني ...و رجعت تكيت عل بلار لين هزني النوم
___________________________
مراد :بو ميرال 52 سنة
انس :خوا ميرال

جاسر (الطفل لي وصل ميرال):ولد عم ميرال
اياد: ولد عم ميرال و خوا جاسر ___________________________