نور الظلام

∞رصاصات مشاعر∞:🪐17🪐

________________
After 10 day:
كانت قاعدة تلم في حوايجها بكل هدوء تخمم كيفاش بش تحكي في الموضوع هي ككا و دخلت عليها اميرة هازة سيكانها سكرت الباب وراها و مشت قعدت فوق الفوتوي قحرت لميرال اول ما لاحظت قصة شعرها و ضربتها بمخدة
اميرة_زايد لي في مخك في مخك
ميرال (تبسمت على جنب)_يختي العنااد يجري ف دمي قتلك نحملش شعري كي يطوال
اميرة_على أساس كان طويل هوا تعرفي كان يسمع بيك انس قصيتي شعرك ألا ما ينحرك
ميرال_منين بش يعرف الي أنا قصيتوا و هو راهوش
اميرة_فيبالي نومك خفيف أنا انس ساعات يدخل يتفقدك كي تبدي راقدة
ميرال_وقتاش
اميرة_ساعات يتفقدك خالي و ساعات انس ماو تبركالله يعرفوك تعرفيش تتغطي
ميرال_تييي عادي أصلاً ميهمنيش
اميرة_نجوا للرسمي شنوا بش نقولولهم
ميرال(تعمل في خيمارها)_الليسى بعيد و ميساعدنيش نفز من 6تع صباح و ألا 5 بش نوصلوا في الوقت
اميرة _هيا نمشوا نكلموهم بش دووب ما نكملوا الشقان يوصلنا واحد منهم
ميرال(غزرت لروحها في مراية بيتها بعدها مشت عنقت اميرة و خرجوا)_نشالله بركة ميعكسوناش
اميرة_انتي بركة تسيبيش بلادتك عليهم
ميرال_باهي بركة

(دخلوا يلقوهم ملمومين على الطاولة بحكم شقان الفطر قرب)

ميرال(مشت جرت كرسي مقابل اياد لي شاد تليفونوا و اميرة قعدت بحداها بدوا الزوز يتبسموا يحسنوا في سيرة بعدها حمحموا فرد وقت أو بالأحرى كحوا شيء لي خلا العينين كل تتحط عليهم ولت وقتها ميرال تكلمت)_بابا مدامنا ملمومين حبيت نشاورك في حكايا و اوعدني مكش بش ترفض أنتي و البقية
انس(يتمتم)_اللهم خيرا يا ستار استر
مراد(هزلها راسوا موافق)_احكيلي
ميرال_غدوة نرجعوا نقروا و اليسى بعيد و أنا و اميرة يساعدناش نفزوا من 5 تع الصباح
اميرة(هزت راسها موافقة كلام ميرال و كملت )_على هذاكة نحبوا أنا و ميرال نروحوا لدار نقعدوا غادي وحدناا(نزلت عليها)و انتوما اقعدوا هنا مغير متعبوا رواحكم
انس_فهمتش تحبوا تمشوا تقعدوا غادي وحدكم و ألا احنا الكل نمشوا مع بعضنا
ميرال_نمشوا نقعدوا وحدنا مينجم يصيرلنا شيء و انتوما اقعدوا هوني مش لازم تهبطوا توا كملوا حتى ليلة نص و اهبطوا كان تحبوا و ألا اقعدوا رمضان كلوا هوني و اهبطوا
انس_تفدلكي
ميرال_لا
امير(بكل برود)_فماش مشي
اميرة_امير
ميرال(دارت غزرت لبوها تلقاه يغزرلهم بهدوء تام غمضت عينها تهدئ في روحها بعد حكت)_انا ماشيا
انس(بإستنكار)_لوين
اميرة(غزرت بتحدي في عينين خوها)_انا زادة ماشيا
ميرال(رجعت غزرت ابوها)_بابا نجموا نمشوا
مراد_راحتكم اولى أما بش يمشوا معاكم خواتكم

(جوا بش يتكلمو قص عليهم صوت الاذان بسملوا الكل فرد وقت و شقوا فطرهم)

__________________

كانوا قاعدين شادين تليفوناتهم وصلهم ميساج لي الآذان اذن في تونس معناها هوما يزيدوا 4 سوايع و نص ساعة من عندهم على الشك تنهدوا الزوز مع بعضهم هكا حالهم ملي روحوا الأولاد من عندهم يخرجوا في الليل و في النهار يصبحوا راقدين يفزوا كان العشية بش يحضروا شقان فطرهم
فز سيف يتفقد في الصالصة تع المقرونة يلقاها نشحت زادها شوية ماء و رجع لأمين لي كان في عالم آخر رما عليه المخدة
أمين(هز راسوا)_شبيك
سيف_شقولك نروحوا ليلة
امين_هيهيهي ممسطك
سيف_والله نحكي برسمي ديجا قصيت زوز تيكيات قبيلة
امين(مش مصدقوا)_تفدلك
سيف(بلا مبالات)_لا
أمين(رما عليه المخدة)_تي شكون قلك نحب نروح تي أنا مشى فيبالي بش نقلك مغير منهبطوا في النص جملة نهبطوا في العيد مرة وحدة