نور الظلام

∞رصاصات مشاعر∞:🪐20🪐

I want to show the world how darkness can sometimes be so beautiful

_____________

بعد ممشوا الجماعة امير و جاسر مشوا بش يرقدوا وخلوها قعدت في الصالة تغزر للمنڨالة الي مقابلتها مخها يخدم في كل تفصيل صغير صارلها اليوم هكا طبيعتها تلاحظ حاجات يمكن العبد يلاحظهمش تتدقق برشا و تكبش في الحاجة لين تعرف سرها
اول مرة تحس روحها لازم تخمم فلي صارلها من اول نهار تقلبت فيه حياتها لتوا .نهارتها وافقت خاتر عارفة في كل الحالات بش تمشي معاهم هكا و إلا هكا معناها مش لازم منوا اك تمنييك الفارغ قرار لي خذاتوا كان صائب و خاطئ فرد وقت
زعما كان ممشتش كان بش يصير لي صار اليوم؟ كان بش يصير الي صارلها نهار تخطفت ؟كانت بش تتعرف على أمين ؟كانت بش تتعرف على بوها و خوها و عمتها و أميرة و الاولاد و سيف بطريقة غير ؟كانت بش تكمل تعيش حياة عادية ؟زعما كان ممشتش كان بش يصير هذا الكل؟كل هالفترة من احداث و عباد و لي صار لكل كان بش يصير ؟؟بش تتعرف بش تتوجع بش تفرح بش تتخنق بش تبكي بش تتغشش بش تحس كل هالمشاعر؟مخها تحسوا معاش ينجم يستوعب اكثر من هكا معاش يستوعب مصيبة اخرى كان تزيد حاجة اخرى وقتها برسميي تختار انها تدفن قلبها بش تنجم تكمل في هالأجواء كسر صمت دار صوت الباب لي سكروا انس دارت تغزرلوا وجهوا أحمر دوب ما لمحها
رتوا كبس على قبضة يدوا و طلع طول لبيتوا عرفت لي سبب غشوا يمكن هي تنهدت تنهيدة كبيرة معاش حاملة لوضع هذا فدت قلقت معاش عينها في شيء خرجت لبرا كانت السماء صافية مشت رقدت فوق كانابى كانت موجودة في الجردة و قعدت تغزر للسماء تحاول تصفي عقلها لين هزها النوم و هي ككا

_______________________

كان يسوق دار يلقاها متكية على البلار حب يكسر الصمت ولى تكلم
سيف_شنوا لي مسرحك
أميرة(تكلمت بصوت هادئ)_شنوا بش يصيرلنا اكثر من هكا شنوا مزال و معشناهوش
سيف_الي قاعد يصيرلكم حتى شيء بالنسبة لعباد اخرين تأكد
اميرة_زعما بش يوفى هذا الكل سيف (دارتلوا )زعما بش يجي نهار و نعيشوا حياة عادية
سيف_بش يجي أميرة
اميرة_و كان مجاش
سيف_ساهلة نجيبوه بسيف اثقي في ربي و حطي أملك فيه انوا لي قاعدة يصيرلكم بالك فيه خير تعرش أميرة على الدنيا و الله بش يجي نهار و توفى هالحرب الباردة
اميرة_ان شاء الله

__________________________

يعرش علاش متغشش و من شكون من روحوا؟من أمين ؟والا اختوا إلي الزوز معندهم حتى سبب دخل الغرفة السرية لي موجودة في كل بيت في الدار هاذي عرضوه مجموعة من التصاور تصاور لطفل صغير مع عايلتوا مع صحابوا و وحدوا كانت في عين هاك الطفل لمعة كبيرة لمعة فرحة لمعة حب لمعة امتنان
رغم صغر سنوا لمعة هاكي تمحات في صور كان فيها وحدوا تمحات بعد موت اموا لي كانت تصويرتها معلقة وحدها كادرو كبير تحتلوا امرأة فاتنة في الثلاثينات كانت ميرال نسخة مصغرة عليها ملامحها حادة عينيها لون القهوة و رموشها الطوال زادوها جمال على جمالها كانت تبتسم بثغرها ابتسامة جدا بسيطة كان يعدي في صوابعوا على تصويرتها يكذب كان يقول توحشهاش صحيح عاشش معها برشا و يتفكرش برشا حاجات اما مزال يتفكر صوتها الحنين خايف لا يخسر فرد من عايلتوا كيف ما خسر اموا عموا خالتوا شكون آخر مزال بوه؟اختوا؟ولاد عموا؟عمتوا؟صحابوا؟شكون هالمرة بش يجي الضحية و يموت موتة شنيعة مشى تكى فوق كانابى كانت موجودة غادي مغمض عينيه حس روحوا فد و زاد تخنق فز بش يخرج يعمل دورة البرا يشم شوية هواء بالك يهدى شوي