نور الظلام

∞رصاصات مشاعر∞:🪐15🪐

___________

3 تع صباح لكل على الطاولة بش يتسحروا بخلاف أميرة و خوها لي حلفوا مايقوموش

مراد_انس وقتااش بش تروح بميرال
انس(شبه فايق)_بش نمشيلها بعد 3 سوايع خاتر عندي برشا خدمة منيش بش نلقى وقت جملة
مراد_اطلبها مالا قبل متمشي
انس _باهي بابا
كملوا تسحروا لكل و طلعواا لبيوتهم بخلاف انس و جاسر مشوا جاب كل واحد ordinateur تاعوا و قعدوا يخدموا منها فماشي مينقصوا مالخدمة قعدوا يخدموا فاقوش بالوقت كيفاش تعدا
جاسر(يتكسل)_اطلب أختك و رتح شوي على الأقل نقصنا هاني طالع لفوق نحضر روحي
انس_باهي ولد العم

___________

راقدة تسمع كان تليفون تحت راسها يصوني فزت تقعدت في عقل عقلها حتى لين علق حكت عينها جبدت تليفونها من تحت المخدة تلقاه انس جت بش ترجع تطلبوا ياخي رجع هو طلبها
انس _صباحوا عامين
ميرال_و انتي بايت تحلم طالبني من توا
انس_شنعمل لعمري كي انتي كالتابعة حضري روحك بش نجيك
ميرال_توااا
انس_اي ايا باي
علق عليها خلاها تستوعب مسحت على وجهها تستغفر في ربي خرجت من بيتها مشت للسال دو غسلت وجهها رجعت لبيتها بدلت حوايجها و هزت كتبتها لي مزالوا حطتهم في ساكها ريقلت روحها و جوها و مشت قعدت في صالة حتى رت امها خرجت كي رتها استغربت
ميرال (متبسمة )_صباحوا
سناء_صباح الفل وين على خير
ميرال(مشت عنقتها)_انس بش يجيني
سناء(محستشش على روحها حتى عيطت)_شنوا علاش من تواا!
ميرال_يا ما يهديك شمدخلني أنا هاو هو طلبني قبيلة قلي حضري روحك
سناء(قعدت و ولات تبكي)_مزلت حتى مشبعتش بيك لازم يروح بيك
ميرال(هي تحكي و تري في ريان خرج من بيتوا يحك في عينوا قعد مقابلهم يغزر) _ماا علاش البكا توا بلاهي بش نرجع نطل و نبات مرة أخرى
ريان_علاش وين ماشيا انتي بش ترجعي
سناء_بش يروح بيها خوها يحب يهزلي بنتي يحب يبعدوها عليا مرة أخرى يا ربي راني الطفلة معاش عندي فيها حق يا ربي شعملت أنا نحب بنتي تقعد بحدايا
ميرال (دمعت عينها ) _ممااا
ريان_لازم يهزوك؟؟ أصلاً علاش من توا 6 رااو بايت يحلم سي الخراا هذا
ميرال(شدت راسها)_شنعمل توا أنا شنعمل يا ما يزي مالبكاا و الله بش نرجع نجي مرة أخرى و نبات اكثر من هكا ياخي مستانسا نكدب أنا و انتي شنوا حكينا الباارح (هي تحكي ياخي سمعت صوت تزمير تع كرهبة عرفتت خوها جا ولت عنقت امها)يا احلى أم في تونس نوعدك والله نرجع نجي (بعدت على امها لي قاعدة تبكي بساكتة و دارت لريان تبسمت و ترمت عنقتوا و حكات بينها و بينوا)مهوش بش ياخوا بلاصتك حد نوعدك تو نرجع يمكن جمعة جاية و ألا جمعة لي بعدها أول ما نرجع نقرى اقرى على روحك و كان صارتلك حكاية هكا و ألا هكا اطلبني أنا معاك
أول ما بعدت عليه عاودت سمعت صوت تزمير و تليفونها ولا يطلب تلقاه جاسر
هزت ساكها و خرج معاها ريان
تلقاهم قاعدين يستنوا فيها ربت ريان على كتفها دارت تبسمتلوا و مشت ركبت في الكرهبة و طار انس طول
جاسر(دارلها)_الحمدالله كي تنازلتي و جيتي
ميرال(عوجت فمها)_و أنتوما ماو لاباس من توا جايين ليا بايتين تحلموا
انس_قتلك عندي برشا خدمة لايامات هاذي منجم نجيك كان الوقت هذا
ميرال_هيي شعملتوا في غيابي
جاسر _لي يسمع يقول هاذي قعدت اشهرة (ضربتوا على كتفوا)باهي بركة مصار شيء بركة أميرة تحسها cvp
انس_نسيت شنسئلك مصار شيء متعاركتوش خاتر من نهارت لي مشيتي و هي ساكتة ريتها مرتين في صالة لبارح و في شقان الفطرة
ميرال_خليتها عادي انا. كي خرجت bn مش عادي أما داخلة بعضها شوية
انس_علاش داخلة بعضها
ميرال_نعرش خلوها على راحتها
هوما يحكوا و تليفون انس صونا شافوا يلقاه أمين
حطوا haut parleur
انس_اووو شوا شكون تفكرنا أمين بكلوا لاباس عليك يا ولدي هالغيبة
امين_الحمدالله و انتي
انس_الحمدالله مقتليش كسبتك فايق من توا
جاسر_هذاكا تلقاه احمد كب عليه سطل ماء بش يمشي للشركة معاه
امين_كيفاش طلعتها هاو بالعمل خوك بحدايا راقد و أنا نسوق
انس_تقليش عملها برسمي و الله يعطيه الصحة اوكا نفس الحالة المدنية أنا نسوق و الي بحدايا شابع حديث
امين_تو أنا و إياد فزينا توا خاتر احمد فززنا و أنتوما علاش مستانسين تمشوا مخر
جاسر_لا ماو مروحين بميرال
امين_فهمت و أنا نقول علاش فازين من توا واللهي ميرال كبستكم باهي اسمعوا بعد جاي في الليل هاو من توا
انس_ايجا شكون شدك أما وقتااش في شقان الفطر ؟
امين_في السهرية نجي
انس _باهي سي brag بعد نتقابلوا
طول حديثهم و ميرال تسمع فيهم يحكوا و مركزة مع بحة تع صوت أمين تعرش علاش أول ما سمعت اسمها من فموا استحلتها و حست برعشة سرت في كامل بدنها غمضت عينها من الشعور الي اجتاحها تنفستت تطرد في المشاعر الي كثرة عليها حطت راسها على الشباك لابدة خرجوا على المدينة و مشوا في طريق الغابة طريق تشبه طريق لدار الفرق بيناتهم هو كثرة الأشجار و طولها كانت طريق شبه فارغة و تشبه الصعدة كان فمة كرهبتين يمشوا قدامهم و بعد معاش رتهم و ولت فارغة باتم معنى الكلمة هبطت الشباك و استنشقت هواها الشمس مزالت كي شرقت قعدت تغزر لين وصلوا بعد نص ساعة خرجت هازة ساكها كي عادتها مع هزت راسها تلقى روحها prsq في القمة تع الجبل دارت بكلها حالة ذراعتها و متبسمة عجبتها البلاصة باتم معنى الكلمة كانت هادئة كيف بلاصة دارهم و بعيدة على العينين هي هكاكا مستمتعة بالجو لين سمعت صوت تصفير دارت تلقى انس رمالها مفتاح لقفتوا و هو تكلم
انس_مفتاحك رد بالك تضيعيه و ادخلي لتستبردي ملتقانا بعد
ميرال(تبسمتلوا )_حاضر شاف ايا باي
مشت حلت الباب و دخلت و هو أول ما طمن على اختوا مشى للشركة تستنى فيه خدمة كبيرة عندوا اجتماع مع خدامتوا الجدد بش يحكي معاهم و يتفاهم معهم