إشراقة حب

6

*#إشراقة_حب《06》*❤️
*#بقلم_آمنة_حمزة*
*★ــہہہـہہـ♡ــــــ★ـــــــہہہـہہـــــــ★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من الزعل ما عرفتا وصلنا مكان المواصلات كيف وبتين وامي ساكتة وبتعاين لي بس وما فتحت خشمها عشان عارفاني كويس بستحمل اي شي الا كرامتي تنجرح ،وقت وقفنا فترة امي قالت لي انتي معاك قروش ولا واقفة ساي ،ما عرفتا اقول ليها شنو وهي فهمت على وطلعت قروش من جيب الجلباب الابساهو وقالت لي امسكي اجري لينا بيها حاجة تودينا ما حاولتا استفسر هي جابت القروش دي من وين لانو انحنا حاليا في اشد الحوجة ليها ،وقفنا امجاد وركبنا وامي كانت البتوصف ليهو وانا ساكتة وبفكر في ناس إلهام ديل معقولة في ناس ما بتخاف ربنا كدا !طيب انا عملتا ليهم شنو لحدي ما يعملو معاي العملية العملوها دي ؟ وعمهم دا انا ما حصل اتصدمتا معاهو في حاجة لحدي ما يقول على ما مربية ،ليه انت كإنسان لمجرد كرهك لزول تاني تتسبب في اذية مشاعرو كدا؟ حرفيا الظلم والافتراء على الناس حار شديد وبوجع والكلمة الشينة ما بتتمحي من القلب طول العمر ،وكلامهم الحار القالو لي دا عمري ما هأنساهو ما كنتا مركزة مع الشارع ولا عارفة انحنا وصلنا بتين الا وقت امي هبشتني وقالت لي انزلي خلاص ،نزلتا شلتا الشنطة وحاسبتا بتاع الامجاد ودخلنا والحمدلله ناس عمي ما انتبهو لجيتنا دي لانو حاليا انا ما ناقصة اي كلام مع زول ،طلعتا السراير برة وفرشتهم ومشيت جبتا لامي موية ختيتها جنبها في تربيزة وسبحتها ومصلايتها والابريق ورقدتا اديتها ضهري ودا كلو وهي ما اتكلمت عارفاني وقت ازعل ما بحب اتفاهم مع زول ،مجرد ما قبلتا منها دموعي نزلو من قبيل كنتا ماسكاهم بالعافية ،ليه عشان انت ما عندك وربنا ما اداك لازم تستحمل رذالة المجتمع وتفكيرو الوسخان دا ،يعني عشان انحنا ما عندنا قروش في نظرهم ممكن نعمل اي حاجة عشان نتحصل عليها ؟اتذكرتا ابوي واخوي اسعد وذدتا في البكى بس بصوت مكتوم عشان امي ما تسمعني هسي لو كانو موجودين ما كنا اتعرضنا للذل دا ،سامعة صوت عربية وقفت طوالي عرفتا انو هيكون مدثر ،غطيت وشي بالملاية ومسحتا دموعي ،فتح الباب ودخل امي وقت شافتو قالت ليهو اتفضل جى سلم عليها ومن سكوتو عرفتو بعاين لي بس انا ما اتحركتا ولا حركة عشان في اللحظة دي بالذات ما عايزة معاهو اي تفاهم لانو الحصل دا كلو بسببو هو واهلو ،قال لامي انتي معتبراني زي ولدك ولا لا ،قالت ليهو والله ربنا يعلم معزتك عندي قال ليها طيب ليه ما انتظرتوني اجي وطلعتو براكم ،امي قالت ليهو والله يا ولدي مكان ما ختو ليك فيهو كرامتك انت ما بتقعد فيهو والحمدلله انحنا جينا بيتنا وهدا شالنا ،سكت مسافة وقال ليها طيب ليه ريم ما خلت حيدر يوصلكم وليه ركبتو مواصلات في الزمن المتأخر دا ،طبعا انا بتحت الملاية وسامعة كلامو واصل وقال لامي على الاقل كان تركبو معاهو ويوصلكم لحدي هنا معززين ومكرمين ،امي قالت ليهو هو قال ليك ريم رفضت ،قال ليها اي قالت ليهو انحنا ما عايزين صدقة من اي زول تاني وبنعرف نمشي كيف ،طبعا في سري انا لمن اتشهودتا معقولة حيدر دا قلبو وسخان كدا بتين قال لي اوصلكم وانا ابيت هو اساسا ما نزل معانا ،قلت ما فرقت كلهم في البيت داك واحد ،امي قالت ليهو قلنا ما نكلفو بس ،قال ليها اما بالنسبة للقصة الحصلت دي فأنا بعتذر ليك شديد يا حجة وانا عارف كويس انتو منو وشنو واما إلهام دي فحسابها على انا وما بنساها ليها وهسي قومو عشان ترجعو معاي ،مجرد ما قال كدا نزلتا الملاية وقمتا قلتا ليهو انحنا ما هنمشي اي مكان تاني وهدا الحمدلله بيت ابوي كبير وبشيلنا وبالنسبة لاهلك انا ما عافية ليهم حقي ،عاين لي ومسح وشو بيدو وقال لي يا ريم انا عارف انهم ظلموك بس حقك بجيبو ليك انا والبيت الهم قاعدين فيهو دا ما بيتهم دا بيتي انا وزي ما هو بيتي معناها بيتك برضو ،قلت ليهو معليش بس انا ما عندي اي حق هناك وحقي هدا قاعدة فيهو ،قدر ما حاول يقنعني رفضتا وبصوت كلامنا جى داخل عمي حامد وهو مخلوع انحنا جينا بتين ولشنو ،امي قالت ليهو دي دخلتنا هسي ،سلم على مدثر وعلى ومن ملامح وشوشنا عرف انو في مشكلة فإختار انو يسكت ويعاين لينا بصمت ،وقت الزمن مشى مدثر قام على حيلو وقال لي دا اخر قرار عندك قلت ليهو اي ،قال لي طيب تمام ومشى من غير ما يقول شي تاني ،قلت في نفسي هو مفتكر نفسي ضعيفة ولا شنو مستحيل ارجع البيت داك تاني لو ما جابو لي حقي ورجعو لي كرامتي ،بعد مشى انا رجعتا رقدتا نفس رقدتي الاول وخليت عمي بيسأل في امي من الحصل وهي ما حكت ليهو انو اتهموني بس قالت ليهو مشكلة صغيرة بينهم وبتتحلا ،اخد معاها مسافة ومشى بيتو وعلى الاغلب امي رقدت نامت بس انا ما قدرتا انوم من التفكير