إشراقة حب

18

*#إشراقة_حب《18》*❤️
*#بقلم_آمنة_حمزة*
*★ــہہہـہہـ♡ــــــ★ـــــــہہہـہہـــــــ★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
وقت وصلنا البيت ناس قطفان برضو كانو قريبين مننا ،مدثر فتح الباب وقال لي ادخلي وساق عمو من يدو ،الزمن كان متأخر شديد وبصوتنا ناس امي شكلهم اتخلعو وجو هي وخالتو حليمة وقت شافونا صاحين قالو لينا ان شاءالله خير يا جماعة ،قلتا لامي ناس قطفان جو معانا والصباح هنفهمكم اي حاجة ،ما حبو يكترو كلام خاصة انو مدثر لسه كان متضايق وما اتكلم مع زول فيهم ،انحنا واقفين هو مشى جاب الفرشات فرشهم ورقد عمو في السرير ومشى جاب ليهو موية وختاها جنبو والوقت دا ناس قطفان كانو وصلو ،وقت دخلو قطفان دي عيونها ما بتقدر تعاين ليهم من الدموع ،مدثر قال لي دخليهم الغرفة التانية مشيت فتحتها وخليتها تهوي وجيت قلت ليهم اتفضلو ،قطفان طوالي شالت عيالها ومشت ما كانت قادرة تتكلم ولا كلمة ،حقيقة يعني الجو الاسري البكون ملان مشاكل دا بيعمل ضغط نفسي كبير شديد ولو الزول ما حاول يتجاوزو هيعمل ليهو نفسيات وشوية شوية لحدي ما يحصل مرحلة الجنون ،بعد قامت ناس امي قالو لي الله يحينا الصباح ومشو بهناك وانا خليت مدثر بيتكلم مع حيدر ودخلتا غرفتنا ،كنتا محتارة في القروش البتعمل مشاكل بين الناس دي ندمتا في انو دعيت وقلت ربنا يديني قروش معناها حالتنا البسيطة دي احسن من حالة ناس كتيرة عندها قروش بس بيفتشو في الهدوء النفسي وما لاقينو ،مدثر جى داخل شال ليهو حاجة من الدولاب وقال لي نومي يا ريم انا هأنوم برة ،قلت ليهو طيب اطلع معاك سرير لانو هناك في سريرن واكيد حيدر برضو هينوم برة ،قال لي لا انا طلعتو خلاص انتي بس نومي وما تشغلي بالك ،بعد طلع قفل لي الباب قلت ربنا يسهل عليهو اتاريهو العليهو ما هين والله