٣ ثواني

الحلقة ٦

بعد ٣٠ عام (القاهرة ٢٠١١)

في استوديو تصوير

استوديو تصوير به ٤ معدات اضاءه وقفص السجن حيث تقف البطلة خلف القفص ورجل يضع على فمها

مالك هو شاب في الثامن والعشرين من عمره درس تخرج من كلية هارفرد في إنجلترا ثم ذهب الي معهد العالي للسنيما قسم تصوير وتخرج منه ولكنه يهوي أكثر التصوير الفوتوغرافي ويرتدي تيشرت ابيض مقلم في اسود واسع عليه بليزر اسود طويل يغطي الركبه وبنطلون اسود جينز ويلبس حلق له مدخلين في اذنه اليسار و٣ حظاظات وخاتمين احداهما في السبابة والاخر في البنصر، يحلق شعره مربوط بي توكه والجه اليسار بها شعر قصير ولديه اوصه على الجهه اليمني.

اما عن شهدان هي شابه في السادس والعشرين من عمرها كانت في الولايات المتحدة الامريكية ودرست الديكور هناك ولسه راجعة مصر من قريب وترتدي بنطلون جينز على بلوزه حمراء وشعرها قصير حيث انه يصل الي اول كتفها.

يجلس مالك علي كرسي ينتظر حتي ينتهي الديكور من ترتيب الموقع اما عن شهدان فهي ترتب الموقع بالتفاصيل الدقيقة فتذهب لها صديقتها ملك وهي في السادس و العشرين من عمرها ترتدي بنطلون جينز علي تيشرت اسود و قصة شعرها (boy cut)

ملك: انجزي يا شهدان انتي مش شايفه مالك مستعجل ازاي

شهدان: اهو خلاص انا خلصت

ملك: أستاذ مالك احنا جاهزين

فيأخذ مالك كاميرته ويستعد ان يصور عندما يدخل عينيه في عدسة الكاميرا تجري شهدان مسرعة لتضبيط شيء اخر في الديكور فيراها مالك في عدسته

صوت إبراهيم: ١،٢،٣

فيضغط مالك علي زرار الكاميرا ويصور شهدان

إبراهيم: وفي هذا الوقت قد وقع ابني مالك في الحب

ثم بعد ذلك لا يستطيع مالك ان يبعد نظره عن شهدان طول جلسة التصوير حتى يأخذوا جميعا بريك فيخرج مالك وباقي فريق العمل لأخذ استراحة لكن يظل كل من ملك وشهدان في الأستوديو لتحضير ديكور اخر

اثناء ترتيب ملك وشهدان الديكور للتصوير الثاني الذي يوجد بيه ديكور غرفة نوم خشبية الوانها غامقة

ملك: سسسسسسسسسسس

شهدان: بتعملي كده ليه

ملك: (مصدومة) انتي مشوفتيش نظرات مالك ليكي ولا ايه

شهدان: شوفت بس ايه المشكلة

ملك: يا بت انتي بهيمة وهتقرفيني معاكي ومصر كلها هتتجوز وهتخلف وانتي هتفضلي عانسة عشان

غبائك... الواد معجب

شهدان: حتي لو معجب انا اعمل ايه.. انتي عارفاه سكري وبتاع بنات والناس بتجيبعه عشان شغله بس

وده كله هيروح منه عشان هو حياته مدهوله و مهمل و انا مش هدخل في حياة شخص كده

ملك: انا....... ممممممممم شكلك يا بت معجبه و مش عايزة تقولي

شهدان: الصراحة... هو جذاب وملفت بس معتقدش ان حياته شبه حياتي بس كل اللي اقدر أقوله ان

تصرفاته دي كلها عشان هو موجوع و بيخبي مشاعره

ملك: انتي اخذتي بالك من كل ده في اول يوم تصوير اومال لو كملنا شهر هتعنلي ايه

ملك تضحك و شهدان تضربها علي كتفها

شهدان: انا هروح اناديهم عشان نبدأ

ملك: (بتضحك) متنسيش تنادي مالك معاهم

فتخرج شهدان لمنادة فريق العمل

-قطع-

في سيارة مالك

تذهب شهدان لتنادي مالك فتمسع صوت صريخ في سيارته و هي سيارة رانج روفر فتذهب لتخبط ازاز السياره فينزل مالك ازاز السيارة من جه السواق فيرمي مالك زجاجة الخمرا خارجا فتجد شهدان مالك ليس مرتدي تيشرته و تجد بنت بجواره فتنصدم شهدان

شهدان: (مصدومه ومتوترة) احنا..... احنااا جاهزين

ثم تذهب مسرعة

-قطع-

منزل كوثر وفاروق

يجلس كلا من كوثر وميار في صالون وهنالك في الصالون كنبه و٤ كراسي لونهم نبيتي كلاسيك وامام الكنبه السفره وتتكون من ٨ كراسي ويوجد نيش امام السفره ويوجد تلفزيون ٢١ بوصه وكوثر في ال٥١ من عمرها تجاعيد العمر تبان عليها وصبغه شعرها احمر وترتدي بيجامه ازرق اللون اما عن ميار فهي طالبه في اللسن صيني تنهاز من العمر الواحد والعشرين وترتدي بيجامه بيضاء وشعرها اسود (curly) ثم يدخل عليهم فاروق وهو عنده ٥٢ عام وأصلع ويرتدي بيجامه مألمه

فاروق: كوثر... إبراهيم جاي مصر بعد بكرة لسه مكلمني وقالي ان هو خلص شغله في اليابان

كوثر: يااااه... أخيرا

فاروق: هتقولي لنفين ازاي

كوثر: معرفش سبها على ربنا... انا ممكن اقولها ان. احنا هنتقابل كلنا وهي تتفاجأ ما تشوفه

فاروق: ميار متنيسش تقولي لمالك يجي بس برضه متقلولوش ان باباه جيه عشان ميجيش

-قطع-