" Vegas နဲ့ ဘယ်သွားလာတာလဲ? "
ပြတင်းပေါက်ဘေးမှာရပ်ရင်း ဆေးလိပ်သောက်နေရာကနေ ဆေးလိပ်ခွက်ထဲကို ပြာချရင်း Kinn က မေးလာတယ်။
ကျွန်တော်ဟာလည်း မျှော်လင့်ထားတဲ့အတိုင်းပဲ အပြစ်ရှိတဲ့စိတ်နဲ့ ဘာမှပြန်မပြောနိုင်။ Kinn က တချက်သာကြည့်ပြီး ပြတင်းပေါက်နားက ခွာသွားတယ်။
ဒါပေမယ့် ခုနက မေးလိုက်တဲ့မေးခွန်းထဲမှာ Kinn ရဲ့ စိတ်ခံစားချက်ဟာ ဘာတစ်ခုမှ
မမြင်ရ.. ။ တံတွေးမြိုချလိုက်ရင်းပဲ
" ငါ.. "
" ဘာဖြစ်လဲ? "
ဘာလို့ ကျွန်တော်လုပ်ထားတဲ့အမှားမဟုတ်ဘဲ အမှားလုပ်ထားသလို ခံစားနေရမှာလဲ? Kinn စိတ်ဆိုးလောက်မယ်ထင်ထားရာကနေ စိတ်မဆိုးတာကို မြင်ရတာ ဝမ်းသာရမယ့်ဟာ။ ဘာလို့ ရင်ထဲ နာကျင်နေရတဲ့ခံစားချက် ခံစားရပြန်တာလဲ? အခု ထပ်မေးတဲ့အသံမှာတောင် Kinn က အေးစက်စက်။
" ငါ့ဆိုင်ကယ် ပျက်သွားလို့.. အဲ့ဒါ Vegas လည်း ငါ့ကို အမှတ်မထင်တွေ့တာနဲ့ ပို့ပေးတာ "
" သူနဲ့မပတ်သက်နဲ့လို့.. ။ ငါ မင်းကို ပြောထားတာ မှတ်မိလား? "
Kinn က ကျွန်တော်နဲ့ မျက်လုံးချင်းမဆုံတဲ့အပြင် လှည့်တောင်မကြည့်။ ဒီနေ့အဖြစ်အပျက်ကို Kinn က တကယ်တော့ ဂရုစိုက်ပုံမရပါလား.. ကျွန်တော့် ဆိုင်ကယ် ပျက်သွားတာတောင် ဘာ့ကြောင့်လဲ မမေးခဲ့။ ဘယ်က ကျွန်တော် လာတာလဲဆိုတာလည်း မမေး။ ဘာကြောင့်ဆိုတာတောင် သိချင်တဲ့ပုံမရ..
" ထပ်ပြောမယ်။ သူနဲ့ မပတ်သက်နဲ့.. တရင်းတနှီး သွားမကပ်နေနဲ့ "
ဟ! Kinn ဂရုစိုက်နေတာက Vegas ပါလား..
" ဘာလို့လဲ? "
" တစ်ယောက်ယောက်မြင်သွားရင် မြင်မကောင်းဘူးလို့ ငါပြောတယ်မလား? တဆင့်စကားနဲ့ တဆင့်.. "
" ဒါပဲမလား? "
တိုးတိတ်စွာ မေးမိလိုက်တယ်။ ကျွန်တော်ကသာ သူ့အပေါ် အရမ်းတွေးပေး ခံစားပေးနေတာများလား? အခုဆို အရှင်းကြီး.. တကယ် ဒါပဲလား?
YOU ARE READING
မာဖီးယားနဲ့ သူ့ဘော်ဒီဂတ် (ဘာသာပြန်)
Krótkie OpowiadaniaOngoing / Start Date : April 28 , 2022 အသေးစိတ်ကျကျနဲ့ အတိအကျ ဘာသာပြန်ထားခြင်းမဟုတ်ပါ။ ကြိုက်နှစ်သက်ရာ အပိုင်းလေးတွေကိုပဲ အကြမ်း ဘာသာပြန်ထားပါတယ်။ ဝတ္ထုနဲ့ကာရိုက်တာတွေက ဘာသာပြန်သူ မပိုင်ပါဘူး။ အင်္ဂလိပ်ဘာသာပြန်သူဆီမှ ခွင့်ပြုချက်ယူပြီး ဘာသာပြန်ထားပေ...
