أمل عشق الزين ( الروايه الاولى من سلسله روايات العاشق المتملك) للكاتبه أمل السيد

الحلقه 8

الحلقه 8

كان في حد كان بينادي على زين بصوت عالي

عمر: إيه ده محسن عاش من شافك يوم أسود يوم ما بنشوفك
زين: عيب يا عمر ده عمك برده مش كده
عمر: ومش عيب اللي عمله هو كمان
زين بعصبيه: عمر مش عايز اسمع صوتك واتفضل اطلع على اوضتك مش عايز اشوفك قدامي
عمر: بس يا زين
زين : عمر قلت مش عايز كلمه زياده اتفضل اطلع على اوضتك كلمه زياده يا عمر هنسى إنك أخويا وهتشوف تصرف تاني
محسن: مش مستاهله يمشي عمر هم كلمتين جاي اقولهم وامشي فين ابني يا زين
زين بهدوء: انا معرفش إبنك فين واظن إنه مش هيجي هنا
محسن: كداب يا زين ابني مختفي من إمبارح
زين مستمر على نفس الهدوء: وانا قلتلك معرفش إبنك فين دور عليه في حته تانيه
محسن بغل : انت كده هتخليني اعمل حاجه مش هتعجبك واديني قلتلك يا زين ابني فين
زين: اعمل اللي انت عايزه واعلى ما في خيلك اركبه انا قلتلك معرفش إبنك فين ويلا بقى هوينا انا عايز انام ورايا شغل كتير بكره
محسن: بقى كده يا زين ماشي اتفضل يا حضره الظابط هو اللي يعرف
الضابط: أستاذ زين انت مطلوب القبض عليك
زين: هي وصلت لكده بقى كده يا عمي ماشي حضره الظابط انا متهم بأيه بالظبط وانت هنا بتقبض عليا علي أساس إيه عايز توضيح
الضابط: متهم بخطف وليد محسن الجارحي
زين : بس انا معرفش حاجه عن الموضوع ده
الضابط: حضرتك هتقول الكلام ده في القسم.
عمر: انت اتجننت انت مش عارف هتقبض على مين ده ده زين ياسين الجارحي
الضابط: والله انا عارف كويس مين ده القانون فوق الجميع و إحنا بنطلب بكل إحترام واظن انا مبعملش حاجه غلط اتفضل معانا من غير أي شوشره
محسن: قصدك تقول يا عمر زين أدهم ياسين الجارحي اه نسيت صحيح ما بتحبوش تربطوا إسم أبوكم بيكم عشان اللي عملوا زمان صح ولا انا غلطان يا زين
زين خارج عن السيطره فقط اعصابه مسك محسن من هدومه ونسى إن هو عمه وضربه بالبوكس في وشه اظن مالكش دعوه بالموضوع ده ياريت تخليك في اللي انت بتعمله
محسن: والله لا ادفعك الثمن غالي يا تربيه .........
زين: زين مسكوا من هدومه مره تانيه ياريت بدل ما تتشطر عليا اتشطر علي إبنك اللي بيحرقك

ادخل عمر عشان عارف إن محسن عمل كده عن قصد بس معرفش يحوش زين بس عمر اخد بوكس في وشه من زين
زين: عمر قلتلك ما تدخلش
والعساكر مسكوا زين واتجاهوا إلى قسم الشرطه للتحقيق مع زين

في شقه مراد السيوفي

كان مراد جاي من الشغل ولقى نور الشقه طافي ومش سامع صوت فرح فأعتقد إن هي نامت فدخل على الغرفه عشان يشوفها نامت ولا لا

مراد: فروح انتِ نمتي
فرح: لا رد
مراد: رد عليا يا فرح
فرح: لا رد
مراد: انتِ زعلانه مني يا فرح
فرح: لا رد
مراد بخبث: انتِ حره مترديش انا كنت جايبلك البيتزا وشيبسي وبيبسي اللي انتِ بتحبيه بس خلاص هاروح اقولها مع ريهام زمانها لسه متعشتش أما اتصل بها
فرح بيزعل: بس انت جايبهالي ليه ماتديها لغيري
مراد: اخيراً رديتي اشهد أن لا إله إلا الله واشهد أن محمد رسول الله انا بحسبك موتِ يا شيخه
فرح: بعد الشر عليا إن شاء الله اللي يكرهوني
مراد بحب: اكيد طبعا بعد الشر عليكِ انتِ ما بترديش عليا ليه بقالي ساعه عمال أكلمك وانتِ مبترديش
فرح بدموع: انت مش عارف ليه
مراد: بلاش الدموع دي وانا اعرف منين
فرح بعيط : لا انت عارف بس بتضحك عليا
مراد: خلاص بطلي عياط انا اعرف منين انتِ زعلانه مني
فرح: هزه رأسها يعني أيوه
مراد: انتِ زعلانه مني انا وانا زعلتك إزاي بقى
فرح: لما كلمتني في الفون اتعصبت علي مخلتنيش اروح مع زين وكمان ما خلتنيش اروح الكليه
مراد: توت توت لو زعلتك تاني يا رب اموت
فرح ابتسامه: بعد الشر عليك
مراد ابتسامه واسعه: إيه ده انتِ بتحبيني هاتي بوسه بقى
فرح : انت مبتصدق لا طبعا انت لو موت مين هيجيبلي بيتزا و شيبسي وبيبسي
مراد: آه يا طفسه يا أم بطن طب هاتي حقهم بقى
فرح: انا طفسه ماشي يا مراد بس انا معيش فلوس هبقى اخد من زين
مراد بمكر: لا انا مش عايز فلوس انا عايز حاجه تانيه
فرح بغباء: مش عايز فلوس تبقى عايز تأكل البيتزا والشيبسي والبيبسي صح
مراد: انتِ غبيه يا فرح ما انا لو كنت عايز أكلهم مكنتش جبتهم
فرح: تصدق عندك حق لا عايز فلوس ولا عايز تأكلهم اومال انت عايز إيه
مراد: تعالي وانا اقولك في ودنك
فرح ومراد: 👂(عيب لما انت تسمع حد إحنا متربيين)
فرح : انت قليل الأدب مش متربي
مراد : انتِ مراتي يا هبله ؟بس يلا مالكيش نصيب في البيتزا ولا شيبسي ولا البيبسي هاروح أكلهم بقى مع ريهام يلا تصبحي على خير
فرح بغيره: عشان اقتلك واقتلها
مراد : يا راجل بقى تقتلي جوزك
فرح: انا مش راجل واشرب من دمك كمان
مراد: يا نهار أسود ده انا كده متجوز مصاص الدماء
فرح: طب هات البيتزا والشيبسي والبيبسي
مراد: مش هديهملك غير لما توافقي على اللي قلتلك عليه
فرح: طب هاتهم واوعدك افكر
مراد: لا يا حبيبتي فاكراني غبي لما توافقي الأول
فرح في سرها: لا انا كده هموت من الجوع وريحتها حلوه اوي ولا الشيبسي شكله حلو اوي ولا البيبسي هتلاقيه طعمه حلو طب اعمل إيه دلوقت إيه هوافق وأمري لله
مراد: هنقف كتير
فرح: هات بقى انا موافقه
مراد ابتسامه واسعه: يا حبيبتي يا مراتي
فرح: استني لما أكل الأول
مراد: طب خلصي بسرعه هدخل الحمام اخد شاور وآجي الآقيكِ خلصتي أكل
فرح: ماشي ماشي
مراد: والنبي ما انا فاهم منك حاجه بالراحه شويه لا تزوري
فرح بتتكلم والأكل في بقها: مالكش دعوه انت بس ما تبصليش في الأكل عشان بطني متوجعنيش
مراد بصدمه: خارج من الحمام يا نهار أسود ومنيل البنت نامت فرررررررررح لا يا روح أمك متستعبطش عليا اومال جايب البيتزا ليه عشان تأكليها وتنامي انا النهارده يا قاتل يا مقتول
فرح: يا ماما الحقيني يا ابن المجنونهههه
( اخص عليكي يا فرح انتِ تعرفي أمي عشان تشتميها بس يلا نسيبهم يحكوا حكايات الف ليله مع بعض وشهرزاد تحكي له وسكتت شهرزاد عن الكلام الغير مباح)

في قسم الشرطه

كانت الشرطه بتحقق مع زين

الضابط: أستاذ زين دلوقت القضيه بقوا اثنين
زين: وإيه هم القضيتين
الضابط: أول واحده خطف وليد محسن الجارحي وتاني قضيه تهجم علي محسن الجارحي
زين: والقضيه دي ملهاش أساس من الصحه
الضابط: ومين قال كده
زين: انا اللي قلت كده
الضابط: تبقى بتحلم انا اللي أقوله بيتنفذ
زين ابتسامه: ومين قالك إن انا هفضل هنا ساعه واحده
الضابط: يعني انت كده بتهددني
زين: والله افهم اللي تفهمه
الضابط: لا انت كده زودتها هتشوف اللي هيحصل فيك دلوقت
زين مستمر على نفسه الهدوء: طب ما توريني كده والله العظيم لو حد لمس شعره مني لموديك وراء الشمس
الضابط: هنشوف دلوقتي و بينادي على العسكري عشان ياخد زين وجاء العسكري
العسكري: تمام يا فندم
الضابط: خدي الحيوان ده نزله الحبس مع الأسد
العسكري: انا آسف يا فندم مش هقدر انت عارف مين ده
الضابط: وحياه أمك انت بتعصي أوامري انت عارف لو مخدتوش دلوقتي اللي هيحصللك
زين: اسمع الكلام ومالكش دعوه
العسكري: حاضر زين باشا
الضابط: مفيش باشا غيري هنا
زين: زين بصله بصه معناها يعني هنتقابل تاني
العسكري خد زين
ليليان: زين انت رايح فين
زين: متخافيش يا ماما كلها ساعه وارجعلك تاني وانت يا عمر نفذ اللي انا قلتلك عليه وانت يا محسن قصدي يا عمي حسابك معايا تقيل اوي
عمر: وانت رايح فين دلوقت يا زين
العسكري: هينزل الحبس مع الأسد
ليليان كانت مصدومه من الإسم كانت خايفه ومش عارفه تنطق وعمر الأسد يعني إيه ده

#امل_عشق_الزين
#يتبع