أمل عشق الزين ( الروايه الاولى من سلسله روايات العاشق المتملك) للكاتبه أمل السيد

الحلقه 7

الحلقه7

زين كان مصدوم مين اللي شافه ليليان صرخت بتقول

ليليان: اللي عمل فيك كده يا عمر 😯😱
زين : اكيد كان بيلعب ملاكمه بس معرفش يلعب استسلم ههه
عمر: بطل استظراف ي أخ زين
ليليان: تصدقوا إنكم ما عندكوش دم تصبحوا على خير
عمر: زين هي ماما مالها ما اطمنتش عليا زي كل مره
زين: لقيتك ما عندكش دم كل مره بتجيء بنفس المنظر عايز تعملك إيه عايزها تكمل عليك ههه
عمر : تصدق احسن اللي هي مشيت بدل ما تكمل عليا زي كل مره هو انا تعبان وعايز انام بقولك إيه زينو
زين : عايز إيه اخلص عشان اطلع انام
عمر: ما تكسب في أخوك ثواب خليني انام في اوضتك النهارده
زين: لا انا ممكن اعمل فيك ثواب هوصلك لغرفتك إيه رأيك
عمر: ليه بس ده انا حتى نومي نسمه محدش بيحس بيا
زين: نسمه إيه ي أبو نسمه انت... انت نسيت آخر مره عملت فيا إيه بس يلا معلش صعبت عليا وانا كمان هموت وانام
عمر: قلبك كبير بيسامح بسرعه يلا شيل
زين: اشيل مين
عمر: انا
زين: انا قادر اشيل نفسي انا بقول احسن تبات هنا سلام قال اشيل
عمر: كده يا زينو اهون عليك
زين: صبرني يا رب يلا يا أخويا اسند عليا
عمر: إلهي يا رب تتجوز واشوفك عريس واشيلك يوم فرحك
زين: انت اهبل يا عمر ما انت هتتجوز معايا في نفس اليوم
عمر: يلا مش مشكله الأول هتجوز و في الآخر هتجوز بصوت واطي والنبي ما أنتم خلصانين مني قال اتجوز قال
زين: يا راجل قول كلام غير ده بس برضو عندك حق يلا عشان ننام

الكل نائم في هدوء في الصباح شروق الشمس الجديده الفرح والسرور علي سماء القاهره

في شقه مراد السيوفي

استيقظت فرح من النوم بدري زي كل يوم تحضر الفطار و تنظف الشقه زي مراد ما
قالها بالظبط

استيقظ مراد من النوم

مراد: صباح الورد عارفه احلى حاجه عجباني فيكِ إيه
فرح: اممم
مراد: اممم يعني إيه قولي صباح العسل يا حبيبي يا جوزي أي حاجه كده
فرح: عسل لما يدق على نفوخك حبيبي إيه حبك برص ماشي على الحيط
مراد: لمى لسانك يا فرح عشان اخدتي علي إنك تقولي اللي انتي عايزاه
فرح: لو متلمتش لساني هتعمل إيه يعني
مراد: ولا حاجه هنزل اروح شغلي
فرح: مش هتفطر الأول
مراد: هفطر في الشغل مع ريهام
فرح بغيره : بس انا حطيت الفطار ومين ريهام دي
مراد بمكر: بتغيري علي يا فرحتي معلش مش هقدر افطر معاكِ النهارده لأني وعدتها هفطر معاها النهارده متزعليش بقى
فرح: واغير عليك ليه تفطر معاها مع غيرها ماليش دعوه إن شاء الله يا رب تأكلك في بُقك
مراد: لا بقرف مبحبش حد يأكلني في بوقي غيرك انتي على فكره الغيره واضحه في عينيكي ثم عشان ما تفكريش كتير دي السكرتيره بتاعتي مش اكتر و هنفطر في مكان عام شغل

مراد مدهش أي فرصه إن هي تتكلم باسها بوسه من خدها ودخل غرفته اخد شاور وغير هدومه ونزل على الشغل أما فرح فكانت مبسوطه من جواها من صراحه مراد معاها وإن هو مبيخبيش عليها حاجه