ترانيم آراجاسيا ( قيد التعديل )

هام.

تم حذف الرواية مؤقتاً حيث أنها قيد التعديل والمراجعة.

...............

تصحيح الأخطاء الإملائية كان يتم أثناء نشر رواية بشكل طبيعي، ولكن حابه أوضح فكره بسيطة وياريت تعذروني في الي هقوله.

انا مش باخد فلوس من حد عشان أنشر علي مزاجه!!

ولا أنا بجبر حد أنه يدخل يقرأ روايتي.

سواء التعليقات السلبية أو النقد حتي لو هادم، بقبل ويشهد الله وكل الي متابعني في أي مكان يشهد أني عمري حتي ما رديت الإساءة بمثلها، ولا تطاولت علي حد ولا قولت أي شيء خارج حدود الأدب ( لفظ خارج ) لأي شخص.

ولكن توصل أن الناس تنسي نفسها وتتعدي حدودها والموضوع يخرج من نقد للرواية للتطاول عليا شخصياً؟! لا معلش أنا مش مجبره أفضل علي أبلكيشن أتحول من أبلكيشن محترم لمكان لا ينتمي للإحترام بصله...!!!

انا مش هقبل أن شخص يتجاوز حدوده معايا.
الي مش عاجبه الروايه ما يقرأهاش، الي شايف أن روايتي ممله او تقليديه او حتي بير سلم بلغة القراء المحترمين الي بيعبروا عن رأيهم بمنتهي الإحترام والأدب الي مش موجود اصلا، مش مجبر يقرأ ولا يدخل علي أكونتي اصلا...!!

وعلي العموم بالرغم من ده ولكن يشهد ربي أني بردو ما ردتش الإساءه والتطاول عليا بالمثل، أنا عملت بلوك لكل شخص تخطي حدوده وقدمت بلاغ للواتباد بأسماء كل أكونت ككاتبه ليا حقوق من أبلكيشن المفروض ان خدماته بتدعم الكتاب زي القراء بالظبط، واتعمل ريبورت بأسم كل اكونت و تم الإبلاغ عنه.

وانا ما حذفتش الروايه تأثراً بأي تعليق من الناس دي لأن صعب أنزل مستوايا من طبقه راقيه لطبقه لا تفقه في الأدب والذوق شيء، ولكن حذفتها منعاً لحرق دمي لما أبقا بعد ما كتبت الرواية وبعدل عليها تاني وتالت ورابع عشان تبقا بأحسن مستوي الاقي كومنت جاي يحبطني ويحرق دمي ويأثر عليا.

الي بيقول ان محتوي الروايات غير أخلاقي.
الروايات كلها اتعدلت كذا مرة لأجل ضميري انا يبقي مرتاح، ولكن كلنا عارفين أن روايتي ليست محتوي خارج زي روايات كتير بتبقي دي الفكره الرئيسيه للروايه، انا حتي بقلل مشاهد الرومانسية الي في الروايات لأجل حتي مشاعر البنات ما تتحركش وتبدأ تتخيل نفسها في موقف رومانسي واخد انا الذنب.

والي قرأ عشق امير الجان اكتر من مره هيلاحظ ده، اول سنه الروايه نزلت فيها غير بعدها بسنه غير دلوقتي.

وعلي العموم أنا بعتذر لأي شخص شايف ان روايتي كان فيها شيء خارج، مع أني مش شايفه ده اصلا بالنسبة للروايات الواتباد والي هي الروايات المشهورة كلها بلا إستثناء اصلا.

ولكل شخص أساء ليا حسبن الله ونعم الوكيل انا مش مسامحه في حقي، وهيفضل ذمي في رقبتك فاصل بينك وبين الجنه.

وآسفه للناس المحترمه الي كانت بتقرأ الرواية انا هحاول اخلصها في أقرب وقت ممكن بإذن الله، وشكرا لكل شخص أهتم وقرأ واستحملني، وآسفه طولت عليكم ولكن ياريت تقدروا موقفي.