سابين تكول الجهاد
ــــــــــــــــــــــــــــــــ
شفتك بالحلم
شفتك بالحلم فزيت ادور عليك
نسيت انة صحيت وبالحلم عفتك
اعاين بالوجوه وانت ما موجود
ما معقولة يمي وإني ما شفتك
شلتك بالكلب يوم الجنت موجود
ودمعة بالجفن يوم الرحت شلتك
ما ردتك دمع وتساير الخدين
انة عون وذخر بالدنيا الي ردتك
وحشة البيت بعدك ارجع أترجاك
وحشني بيك كلشي حتى سالفتك
ولو ادري جيتك جيت مودعين
جنت ع الأقل هميت جنت ودعتك
ما ادري غفل عن عيني راح تروح
ويخلص بالعجل ما جنت اضن وكتك
ــــــــــــــــــــــــــــــــــــــــــــــــــــــــ
سابين
كاعده بالغرفة و جواهر تحوس تريد بس تشيل كرار
سابين: شلون اليوم يعني ما انام كافيي
جواهر: شبيج فدوه خلي احطه بحضني
رفعت راسي يوجعني من السهر مال الاستاذ كرار
سابين: مثل البارحه وملختي ايده ولي لا اخابر ابوج ياخذج
جواهر: هووو سابين شبيج والله بس ابوسه فدوة والج ريحته تجننن
سابين: وين قيصر يجي يطيح حضج
جواهر: هووو هم قيصر اكول هوة مو عنده تدريب شعده جاي
سابين: ماعرف والله شكالو الج ضابط اني اكول جواهر ولي عني كافي عليه امج كل شويه صارخه بيه سابين ايده سابين رجله سابين راسه
جواهر: شوفي اغسل ملابسه كلهن واشيله
سابين: بضحكه... هههههه اي بس حتى ملابسي
جواهر: اي يله اشيله
سابين: لا غسليهن اول وبعدين شيلي يله غسليهم زين تمام
جواهر: تمام
طلعت جواهر الي جايها ابوي يمي لان ماقبلت اروح البيتهم تمددت على ضهري وكروري يمي نايم. الهدوء الي عنده مو عند احد بس من يجوع هوو يضل يصرخ الي يكول كارصينه
شلته على كيف وحطيته على ايدي
سابين: حبيبي سندي شنو اليوم كله نوم اكعد اريد العب وياك
رفعت ايده الناعمه وبستها صار عمره اسبوع حبيبي
رجعت راسي على المخده وتذكر من جهاد عرف ولدت
ـــــــــــــــــــــــــــــــــــــــــــــــــــــــ
ثاني يوم ولادتي
نايمه على السرير بغرفتي دخلت عبير بيدها التلفون حطته بيدي وطلعت رفعته رقم بله اسم حطيته على اذاني اجاني صوت ملهوف الي يسمعه يكول شكد يحبني
جهاد: سابين الحمدلله على سلامتج ام كروري شلونج خو مابيج شي
رجفت شفايفي ماعرف شكول اريد احجي علي واريد احجي وياه واريد اسد التلفون بوجهه
بس ماعرف شنو بالضبط ضليت اسمع حجيه وهوة يردد سابين ردي بس اسمع صوتج
أنت تقرأ
#في عينيك اصرّار
Romanceبقلمي انا شيمان البقاء بين النور والظلام بين الحب والكراهـيه الوقوع بين العقل والجنون والبقاء بين الصواب والخطأ بين السي والجيد بين الحياة والموت هو البقاء الإنسان من أجل أخراج طمع الظلام فينا بدون أي حيلة تذكر... ...
