ــــــــــــــــــــــــــــــــــــــــ
بسم الله الرحمن الرحيم
ـــــــــــــــــــــــــــــــــــــــ
صوتو+علقو بين الفقرات داده🌹
جهاد
///////12
كعدت على صوت صريخ فزيت البست بسرعه وطلعت الصوت من المطبخ دخلت شفت سابين
كاعده بالأرض الزمه ايدها وتبجي تقربت عليها كعدت يمها. سحبت ايدها صايره حمره
سارة: اسفه والله مو قصدي
جهاد: شنو الصار ليش هيج ايدها
سارة: والله مادري شلون وكع الجاي على ايدها
جهاد: سارة جيبي عبايه بسرعه
سارة: اي ثواني
راحت سارة وسابين راسها على صدري تبجي احس اعصابي كاعده تفور من القهر ايدها قرقرت وصار الجلد مثل كاش
رفعت راسها عيونها حمرا تشهك وتحجي
سابين: جهاد راح اموت ايدي ااه ايدي
جهاد: شش حبيبي هسه راح نروح المستشفى وتصيرين زينه يروحي انتي
سارة: هاك جهاد
جهاد: خابري يونس يبقى يمج
سارة: إن شاءلله هسه اخابره
ركبنه السياره وسابين بس تبجي وكامشه ايدها وصلنه المستشفى
من شافها الدكتور كال الازم نشيل الجلد لا يلتهب
بالش يشيل الجلد سابين بس تصرخ رأسها بصدري حضنتها حيل كمل شغله وكال
الدكتور: راح انطيها مراهم لازم تخلي يوميه قبل لا تنام و الفها بشاش بس بليل والصبح شيله
جهاد: أن شاءلله دكتور
دكتور: هسه راح انطيها ابرء مهدئ ومن تكعد وتحس بالألم خلولها من هذا المرهم ولا تلوحه مي حتى لاتلتهب وإن شاءلله اسبوع تصير زينه
جهاد: مشكور دكتور
الدكتور: ولو واجبي هذا
طلعنه سابين نامت بسياره من الابرة وصلنه البيت شلت سابين وطبيت الطارمه شفت
يونس و سارة برا كاعدين دخلت الغرفتي وهمه وراي حطيتها على جربايه وطلعت كعدت بالصاله
سارة: ها شلونها
حطيت يديني ورا راسي
جهاد: الحمدلله زينة
يونس: شنو يعني ايدها مابيها شي
جهاد: لا يابه شالو الجلد بس اسبوع تصير زينه نطاها ابره ومرهم
يونس: الحمدلله لعد اني اروح البيت ايات واحدها
جهاد: الله وياك حبيبي سلملي عليها
أنت تقرأ
#في عينيك اصرّار
Romanceبقلمي انا شيمان البقاء بين النور والظلام بين الحب والكراهـيه الوقوع بين العقل والجنون والبقاء بين الصواب والخطأ بين السي والجيد بين الحياة والموت هو البقاء الإنسان من أجل أخراج طمع الظلام فينا بدون أي حيلة تذكر... ...
