عنوان البارت (الاستقرار)
ــــــــــــــــــــــــــــــــــــــــــــــــــــــ
سابين
كاعده كدام كرار والرياضيات بيدي مايقبل يدرس
سابين: كرار اخر نذار الك ماتجي هسه اصيح الخالك هو يشوف شغله وياك لان انت صاير كلش من دخلت مدرس اليوم تخبلت عليه
كرار: ماااااحب المدرسه اريد العب طوبه
سابين: ولك امي متت تعب والله روحي هلكت هذا مستقبالك شوف عمامك وخالك شلون حياتهم حلوه لان كملو دراسه مو بحاجه الاحد شوف امك حالها لان ماكملت
كرار: ماحب المدرسه يمه هو جبر خو مو جبر!
سابين: كوم كووووم من يمي الله ياخذني ويريحني منك ياقليل ادب وانت الثاني تعال
اجه حسين بسرعه كعد كدامي بالشت ادرس بي وكرار بيده الايباد يتابع يوتيوب
حسين: ماما وهاي ماحليتيها؟
باوعت عليها صدك بعدني ماكملتها اله عندي حسين حيل شاطر عكس اخو كرار حليتها وبسته من خده حسين جان
شكله حييل سمين وابيض ومن يحجي صوته مثل الزعلان
كمت سويت غده الهم سمعت صوت عبدالله يبجي ركضت اله جان هسه يمشي ف اخاف علي لا يصعد الدرج حطيته يم خوانه كملت الغده سريع وصبيت الهم
كاعده بنص اطفالي بيتي الي بناه الي جهاد يم بيت اخوي كملنه اكل وغسلت المواعين
ندك الباب ركض حسين يفتحه دخل جهاد البيت غمضت عيوني اصبر روحي لان اعرف راح يغثني بكلمه
كعد ع القنفه وحاضن الاطفال الكلبه ويبوس بيهم
حسين: بابا كرار كسولي
كرار: نجب الحول
جهاد: شهل كلام كرااار
كرار: بابا مو هو يحجي عليه يمك
حسين: غير ماما خطيه بابا يتعبها حتى تضل تبجي من وراه هو مايحب يصير شاطر
جهاد: روحو الغرفتكم هسه اجي نحجي بهذا الموضوع وحظرو كتبكم
ركضو الغرفتهم وعبدالله ركض وراهم باوعلي وهمس
جهاد: ماحن كلبج؟
سابين: ع شنو؟
جهاد: نرجع عائله واحده
سابين: لا عيني اعتذر منك بس هيج مرتاحه
جهاد: تقنعيني مرتاحه؟
سابين:الزبده جهاد؟
جهاد: نرجع عائله اعرف سويت هواي اغلاط بس محد معصوم وانا رجعت رايدج؟
سابين: ماكدر جهاد هيج مرتاحه ماريد ارجع الظيمكم
كام من مكانه وسحبني الحضنه وهمس
أنت تقرأ
#في عينيك اصرّار
Romansaبقلمي انا شيمان البقاء بين النور والظلام بين الحب والكراهـيه الوقوع بين العقل والجنون والبقاء بين الصواب والخطأ بين السي والجيد بين الحياة والموت هو البقاء الإنسان من أجل أخراج طمع الظلام فينا بدون أي حيلة تذكر... ...
