سلم عليهم سالم و سار عند شيخة الحجره جاف شيخة تصيح و شيخة شافته و حضنته و هي تصيح و هو كان يحاول يهديها هدت و قالها؛
سالم: شواخ لا تصيحين أنا شهر و برجع و بشوف صرفه؛
شيخة: ماروم ماروم والله خايفة ماعرف منو هو...تباني اسكت شهر ماقدر سلووم لا تخليني بروحي؛
سالم: شواخ تريي شهر بس شهر و بيي ما بطول ما بخليج بروحج بس انتي لا تبينين حق حد عن السالفة تمام؟
شيخة: تمام
سالم: سيري غسلي ويهج و تعالي انا بترياج هني
شيخة: أوكي...بعدت عن سالم عشان تسير تغسل ويها؛سارت غسلت ويها و ردت حق سالم؛
شيخة(حبته فوق راسه): تسير و ترد بالسلامة...تحمل على روحك ...و لا تنسى تيبلي شي من هناك؛
سالم (وهو يضحك): الله يسلمج...إن شاءالله حبيبتي...بيبلج اللي تبينه؛ و شيخة لبست شيلتها و سارت هي و سالم الصالة و عقبها سالم راح ركب السيارة كانوا يتريونه في السيارة؛
راشد: ليش ما رقدت هناك بعد؟
سالم: يلا تحرك وأنت ساكت
البنات كلهم موجودين؛ و الشباب خليفة، محمد، حمدان، سعيد و جاسم؛
مريم كانت تبا تغير جو و تطلع تشرب كوفي،،استاذنت من أمها و سالت البنات؛
مريم: بنات منو بيي وياي؟
شيخة: وين؟
مريوم: أنتي بطلعينا انسير كوفي!
شيخة: سالتي سعيد ولا لا اذا بيخلينا؟
مريم: لا و ليش نساله أنا سألت أميه و قالت أوكي ...و عقب ما نرد بنخبره أنا سرنا؟
شيخة: أوكي بس أنا مايخصني لا تدخلوني؛
مريم: ها منو بيسير؟
شيخة+مهره+هند+موزة+عليا+حور+حمدة: أنا
شوي و طلعوا محمد، جاسم و خليفة و عقبهم البنات طلعن،، سعيد رفع راسه شاف البنات محد علطول طلع و شاف سيارة شيخة مب موجودة؛ و قال،،
سعيد: أميه وين البنات؟
مزنه(أم محمد): طلعن...ليش؟
سعيد(ماسك أعصابه): لا ماشي...أنا طالع!!
مزنه(أم محمد): فمان الله...الله يحفظك؛
سعيد: فمان الكريم...ويحفظج الغالية؛و روح ركب سيارته و يدق ع شيخة ماردت...و دق مره ثانية و ماردت و دق ثالث مرة ماردت... و عقبها دق على مريم تلفونها مغلق... و دق ع هند بس كان سايلنت و سعيد واصل حده كان معصب و يترياهم يدقون عليه؛
في السيارة:
مريم: أقولكم تيلفوني فضى،،عليو حطي اللوكيشن!
عليا: أوكي...حطت لوكيشن المكان و كان شوي بعيد؛
هند: أي كوفي بتسيرون؟
عليا: مادري بنشوف خلنا نوصل أول!!
كانت شيخة تسوق عندها(G كلاس) و مهره عدالها ورا مهره ، عليا عدالها حور، حمدة و مريم؛ هند و موزه ورا أخر شي؛
مريم: أقولكم شرايكم نسير كافا كوفي؟
كلهم: أوكي!
وصلوا و شيخة بركنت في الباركنات و قبل ما ينزلون شيخة شافت تيلفونها و شافت (❤️My bro saeed) متصل ثلاث مرات،،،خافت و ردت دقت عليه ورد علطول،،،
شيخة: ألوو
سعيد(وهو معصب): ألوو...وينج...ليش طالعة و ما قلتيلي؟
شيخة(وهي خايفة): أنا ما يخصني...و بعدين وين بنسير الا بنشرب كوفي و بنرد!!
سعيد يصارخ: انزيننن ليييش ماقلتننن...و بعدين أونه ما يخصج وأنتي مطلعتنهم بسيارتج!!
شيخة خايفة: انزين أسفة...ليش تصارخ...قتلك ما يخصني مريوم تبا تطلع و بعدين قلت حق أميه؟
سعيد(هدا): ولو وأنا يدار ماشي إحترام...وينكم الحين؟
شيخة(ببرود): خلاص بنتفاهم فالبيت...كافا كوفي!!
سعيد: أنا ياي لا تدخلون تريوني!
شيخة: أوكي
يتبع.......
شو رايكم ف البارت ؟ ليش شيخة تصيح و سالم يهديها؟و ليش قالت أنها خايفة و ماتعرف منو ها؟و سعيد ليش كان معصب لهدرجه؟ شو تحسون بيستوي ف البارت الياي؟
أنت تقرأ
يا محلى الصدف
Teen Fictionالروايه تتكلم عن الصدف و كيف جمعتهم هاي الصدف قراءة ممتعه للجميع
