تكملة البارت...
جاسم: شيخة اتعرفين اني احبج و ابا اخطبج بس ماعرف شو شعورج تجاهي؟
شيخة: جاسم بقولك من الاخر و عاد كيفك الصراحة انا بنخطب قريب و بعرس
جاسم(منصدم): شووووووو؟؟
شيخة: شو شو خلاص اطلع من حياتي قريب و بستوي على ذمة ريال يعني خلاص ماشي فايده الله يهنيك و يسعدك في حياتك
جاسم: منو هاذا النذل منو؟
شيخة: جاسم خلاص الريال ما سوالك شي أصلًا من الإساس هو مايعرفك
جاسم: أوكي شيخة ماعلي بعرف منو ها و ما بتاخذين ريال غيري سمعتي ولا؟
و بند في ويهها
شيخة علطول اتصلت على بيت عمها ورد عليها راشد
شيخة: السلام عليكم
راشد: وعليكم السلام و الرحمه أمري شو بغيتي؟
شيخة: ما يامر عليك عدو راشد
راشد: كيف عرفتي اني انا و بعدين منو انتي؟
شيخة: افا راشد افا ماهقيتها منك!
راشد: ياربي شو تبين انتي داقه هالوقت؟
شيخة(زعلت): انا شيخة بنت عمك
راشد(قفط): ااا السموحة بنت عمي!
شيخة(زعلت): وين خالو؟
راشد: توها داخله ترقد
شيخة: خلاص أوكي مع السلامه؛؛ ما تريت يقولها شي و بندت
راشد فخاطره: فديتج بنت عمي والله انا ليش صرخت عليها و كلمتها بهالاسلوب اوفف بس هي اللي نرفزتني مب طايعه تقول منو ياخي تعبت وانا افكر بسير ارقد احسلي والله و سار رقد
عند هند و عبدالله:
هند كانت يالسه تطالع تلفونها و عبدالله كان راقد فجاه دخل سلطان و في ايده باقة ورد عوده و كيس
هند شافته: شو ها؟
سلطان: شو تشوفين؟
هند: ورد و كيس بعد شو؟
سلطان: انزين عيل ليش تسألين؟
هند: حق منو؟
سلطان: انتي تستهبلين ولا شو يعني يايب ورد و هديه حق احلى قمر اللي هي انتي في حد غيرج يعني؟
هند: وايي شكرا وايد
سلطان: ها رضيتي؟
هند: يعني تقريباً
سلطان: اوهوو
هند: مب عايبنك يعني؟
سلطان: لا يعيبني ليش مايعيبني انتي بكبرج حلوهه
أنت تقرأ
يا محلى الصدف
Novela Juvenilالروايه تتكلم عن الصدف و كيف جمعتهم هاي الصدف قراءة ممتعه للجميع